تىرشىلىك بولعان سوڭ ءار ءتۇرلى جاعداي بولادى. اياق استىنان اۋىرتپالىق ءتۇسىپ, ابدىراپ قالاتىن كەزدەر دە كەزدەسەدى. سوندايدا قول ۇشىن بەرە قوياتىن قىزمەتتەردىڭ ءبىرى – قۇتقارۋشىلار دەسەك قاتەلەسپەسپىز.
ءبىز ءىىم اقتوبە وبلىسى تجد جەدەل قۇتقارۋ جاساعى مەملەكەتتىك مەكەمەسىنىڭ باسشىسى قاسىمجان بايساداقوۆقا جولىعىپ, اڭگىمەلەسكەن ەدىك.
– ءسىزدىڭ جاقىندا عانا مەملەكەتتىك ناگرادا – «ەرەن ەڭبەگى ءۇشىن» مەدالىمەن ماراپاتتالعانىڭىزدان قۇلاعدارمىز, قۇتتى بولسىن! ءوزىڭىز باسقاراتىن مەكەمە ءبىر قاراعاندا قاربالاسى كوپ, ابىروي اپەرمەيتىندەي بولىپ كورىنەدى. ۇجىمداعى تابىستىڭ سىرى نەدە؟
– جىلى لەبىزىڭىزگە راحمەت, ارينە. مەن بۇل سالاعا 2005 جىلى كەلدىم. ول كەزدەگى اتاۋى باسقاشا, وبلىستىق سۋدا قۇتقارۋ قىزمەتى دەپ اتالدى, ازاماتتىق قورعانىس جۇيەسىنە قارايتىن-دى. ماقتانىپ وتىر دەمەڭىز, قىزمەتتىڭ سول كەزدەگى جاعدايى ادام ايارلىق ەدى. مەكەمە پاركىندە قاۋساعان جالعىز «ۋاز» ماشيناسى, جاماپ-جاسقاۋلى ەكى قايىق بولدى. ەكى قۇتقارۋ قىزمەتى ستانساسى بولدى, ونىڭ ءوزى پەشپەن جىلىتىلاتىن ۆاگونداردا ورنالاستى. ال سۋعا سۇڭگۋىرلەردىڭ بارلىعىنا ورتاق ءبىر ارناۋلى كيىم بولدى دەسەك, بىرەۋلەر سەنەر, بىرەۋلەر سەنبەس. بارلىق قۇتقارۋشىلارعا ءبىر عانا راتسيا تيدى. كادرلار تۇراقتامادى, جاقسى ماماندار جارىتىمسىز ايلىققا جۇمىس ءىستەگىسى كەلمەدى. ارينە, ولاردى دا ءتۇسىنۋگە بولادى, وتباسىن اسىراۋ كەرەك.
– بۇگىنگى جاعدايلارىڭىز قالاي؟
– كەتەۋى كەتكەن شارۋانى ءجۇيەگە ءتۇسىرۋ وڭايعا تۇسكەن جوق. دەگەنمەن, ۇجىمنىڭ كۇش-جىگەرىن ءبىر ارناعا باعىتتاۋ ارقىلى كوپ ىستەردىڭ باسى قايىرىلدى. ۇساق-تۇيەك شارۋالاردى بىلاي قويعاندا, 2009 جىلى اقتوبە سۋ قويماسىنداعى №2 قۇتقارۋ ستانساسى تيپتىك جوباداعى عيماراتقا كوشىرىلدى. 2014 جىلى ورتالىق قۇتقارۋ ستانساسىنىڭ تيپتىك جوباداعى وسى زامانعى كەشەنى پايدالانۋعا بەرىلدى. قازىر مەكەمەدە 28 اۆتوكولىك, ونىڭ ىشىندە, بوراندا دا, لايساڭ باتپاقتا دا توقتامايتىن «ترەكول» ماشينالارى بار. سۇڭگۋىرلەرگە قاجەتتى قۇرال-جابدىقتارمەن جاراقتاندىرىلعان شاعىن اۆتوبۋس تا ءوز يەلىگىمىزدە. ءار ءسۇڭگۋىر ءوزىنىڭ جەكە جازعى جانە قىسقى ارناۋلى كيىممەن قامتاماسىز ەتىلگەن. 32 سۋدا ءجۇزۋ قۇرالدارى, ءار ءتۇرلى كولەمدەگى قايىقتار بار. جالپى, قۇتقارۋ وتريادىندا 70 ادام بولسا, ونىڭ 40-ى تازا ءسۇڭگۋىرلەر بولىپ تابىلادى. ولاردىڭ بارلىعى الماتى مەن مينسك قالالارىنداعى كۋرستاردا ارنايى دايارلىقتان وتكەن ماماندار. سونداي-اق, كەزەكشى ديسپەتچەرلىك قىزمەت بولمەسىندە شاعىن باسپاحانا, كومپيۋتەرلەر, جەكە جەڭىل راديوستانسا جۇمىس ىستەيدى. بۇل ءبولىمدى تاجىريبەلى مامان وكسانا كيچيگينا باسقارادى. ءبىز سۋعا كەتۋدىڭ, توتەنشە جاعدايعا تاپ بولۋدىڭ الدىن الۋ شارالارىنا كوپ كوڭىل بولەمىز. سوندىقتان, اقپاراتتىق, ۇگىت-ناسيحاتتىق ماتەريالدارىن وسىندا دايىنداۋعا مۇمكىندىك مول.
– قۇتقارۋ جۇمىستارىنىڭ ناقتى ءناتيجەسىنە توقتالا كەتسەڭىز.
– مەكەمەنىڭ جاقسى ماتەريالدىق-تەحنيكالىق بازاسى, قىزمەتكە دايىندىعى جوعارى مامانداردى ىرىكتەپ الۋى ءوز ءناتيجەسىن بەرۋدە. الىسقا بارماي-اق, وتكەن جىلى وترياد قۇتقارۋشىلارىنىڭ 519 جەدەل شاقىرۋلارعا بارعانىن, 332 ادامدى قۇتقارعانىن, ولارعا مەديتسينالىق جانە پسيحولوگيالىق كومەك كورسەتىلگەنىن ايتساق تا جەتكىلىكتى بولار. جول-كولىك وقيعالارىنا جانە تۇرمىستىق سيپاتتاعى توتەنشە جاعدايلارعا شاقىرۋلار كەزىندە 226 ادام قۇتقارىلدى, ولاردىڭ 102-ءسى بالالار. بۇدان باسقا 5 ادامنىڭ وزىنە ءوزى قول سالۋىنىڭ الدىن الۋعا, 62 ادامدى قاۋىپسىز جەرگە شىعارۋعا كومەكتەستىك. وتكەن قىس وتە اۋىر بولدى. جولدا تۇرىپ قالعان 300 «فۋرا» اۆتوكولىگىنىڭ جۇرگىزۋشىلەرىن قار تۇتقىنىنان الىپ شىقتىق. اقپان ايىندا قارعالى اۋدانىندا بوراندا اداسقان شوپاندى اجال اۋزىنان الىپ قالساق, حرومتاۋ اۋدانى, كوكتاۋ اۋىلىنداعى 7 جاسار اۋرۋ بالانى ەمحاناعا جەتكىزدىك. مۇنىڭ ءوزى دە بۇل باعىتتاعى اتقارىلعان شارۋالاردىڭ ءبىر پاراسى عانا.
اڭگىمەلەسكەن
ساتىبالدى ءساۋىرباي,
«ەگەمەن قازاقستان»
اقتوبە وبلىسى
تىرشىلىك بولعان سوڭ ءار ءتۇرلى جاعداي بولادى. اياق استىنان اۋىرتپالىق ءتۇسىپ, ابدىراپ قالاتىن كەزدەر دە كەزدەسەدى. سوندايدا قول ۇشىن بەرە قوياتىن قىزمەتتەردىڭ ءبىرى – قۇتقارۋشىلار دەسەك قاتەلەسپەسپىز.
ءبىز ءىىم اقتوبە وبلىسى تجد جەدەل قۇتقارۋ جاساعى مەملەكەتتىك مەكەمەسىنىڭ باسشىسى قاسىمجان بايساداقوۆقا جولىعىپ, اڭگىمەلەسكەن ەدىك.
– ءسىزدىڭ جاقىندا عانا مەملەكەتتىك ناگرادا – «ەرەن ەڭبەگى ءۇشىن» مەدالىمەن ماراپاتتالعانىڭىزدان قۇلاعدارمىز, قۇتتى بولسىن! ءوزىڭىز باسقاراتىن مەكەمە ءبىر قاراعاندا قاربالاسى كوپ, ابىروي اپەرمەيتىندەي بولىپ كورىنەدى. ۇجىمداعى تابىستىڭ سىرى نەدە؟
– جىلى لەبىزىڭىزگە راحمەت, ارينە. مەن بۇل سالاعا 2005 جىلى كەلدىم. ول كەزدەگى اتاۋى باسقاشا, وبلىستىق سۋدا قۇتقارۋ قىزمەتى دەپ اتالدى, ازاماتتىق قورعانىس جۇيەسىنە قارايتىن-دى. ماقتانىپ وتىر دەمەڭىز, قىزمەتتىڭ سول كەزدەگى جاعدايى ادام ايارلىق ەدى. مەكەمە پاركىندە قاۋساعان جالعىز «ۋاز» ماشيناسى, جاماپ-جاسقاۋلى ەكى قايىق بولدى. ەكى قۇتقارۋ قىزمەتى ستانساسى بولدى, ونىڭ ءوزى پەشپەن جىلىتىلاتىن ۆاگونداردا ورنالاستى. ال سۋعا سۇڭگۋىرلەردىڭ بارلىعىنا ورتاق ءبىر ارناۋلى كيىم بولدى دەسەك, بىرەۋلەر سەنەر, بىرەۋلەر سەنبەس. بارلىق قۇتقارۋشىلارعا ءبىر عانا راتسيا تيدى. كادرلار تۇراقتامادى, جاقسى ماماندار جارىتىمسىز ايلىققا جۇمىس ءىستەگىسى كەلمەدى. ارينە, ولاردى دا ءتۇسىنۋگە بولادى, وتباسىن اسىراۋ كەرەك.
– بۇگىنگى جاعدايلارىڭىز قالاي؟
– كەتەۋى كەتكەن شارۋانى ءجۇيەگە ءتۇسىرۋ وڭايعا تۇسكەن جوق. دەگەنمەن, ۇجىمنىڭ كۇش-جىگەرىن ءبىر ارناعا باعىتتاۋ ارقىلى كوپ ىستەردىڭ باسى قايىرىلدى. ۇساق-تۇيەك شارۋالاردى بىلاي قويعاندا, 2009 جىلى اقتوبە سۋ قويماسىنداعى №2 قۇتقارۋ ستانساسى تيپتىك جوباداعى عيماراتقا كوشىرىلدى. 2014 جىلى ورتالىق قۇتقارۋ ستانساسىنىڭ تيپتىك جوباداعى وسى زامانعى كەشەنى پايدالانۋعا بەرىلدى. قازىر مەكەمەدە 28 اۆتوكولىك, ونىڭ ىشىندە, بوراندا دا, لايساڭ باتپاقتا دا توقتامايتىن «ترەكول» ماشينالارى بار. سۇڭگۋىرلەرگە قاجەتتى قۇرال-جابدىقتارمەن جاراقتاندىرىلعان شاعىن اۆتوبۋس تا ءوز يەلىگىمىزدە. ءار ءسۇڭگۋىر ءوزىنىڭ جەكە جازعى جانە قىسقى ارناۋلى كيىممەن قامتاماسىز ەتىلگەن. 32 سۋدا ءجۇزۋ قۇرالدارى, ءار ءتۇرلى كولەمدەگى قايىقتار بار. جالپى, قۇتقارۋ وتريادىندا 70 ادام بولسا, ونىڭ 40-ى تازا ءسۇڭگۋىرلەر بولىپ تابىلادى. ولاردىڭ بارلىعى الماتى مەن مينسك قالالارىنداعى كۋرستاردا ارنايى دايارلىقتان وتكەن ماماندار. سونداي-اق, كەزەكشى ديسپەتچەرلىك قىزمەت بولمەسىندە شاعىن باسپاحانا, كومپيۋتەرلەر, جەكە جەڭىل راديوستانسا جۇمىس ىستەيدى. بۇل ءبولىمدى تاجىريبەلى مامان وكسانا كيچيگينا باسقارادى. ءبىز سۋعا كەتۋدىڭ, توتەنشە جاعدايعا تاپ بولۋدىڭ الدىن الۋ شارالارىنا كوپ كوڭىل بولەمىز. سوندىقتان, اقپاراتتىق, ۇگىت-ناسيحاتتىق ماتەريالدارىن وسىندا دايىنداۋعا مۇمكىندىك مول.
– قۇتقارۋ جۇمىستارىنىڭ ناقتى ءناتيجەسىنە توقتالا كەتسەڭىز.
– مەكەمەنىڭ جاقسى ماتەريالدىق-تەحنيكالىق بازاسى, قىزمەتكە دايىندىعى جوعارى مامانداردى ىرىكتەپ الۋى ءوز ءناتيجەسىن بەرۋدە. الىسقا بارماي-اق, وتكەن جىلى وترياد قۇتقارۋشىلارىنىڭ 519 جەدەل شاقىرۋلارعا بارعانىن, 332 ادامدى قۇتقارعانىن, ولارعا مەديتسينالىق جانە پسيحولوگيالىق كومەك كورسەتىلگەنىن ايتساق تا جەتكىلىكتى بولار. جول-كولىك وقيعالارىنا جانە تۇرمىستىق سيپاتتاعى توتەنشە جاعدايلارعا شاقىرۋلار كەزىندە 226 ادام قۇتقارىلدى, ولاردىڭ 102-ءسى بالالار. بۇدان باسقا 5 ادامنىڭ وزىنە ءوزى قول سالۋىنىڭ الدىن الۋعا, 62 ادامدى قاۋىپسىز جەرگە شىعارۋعا كومەكتەستىك. وتكەن قىس وتە اۋىر بولدى. جولدا تۇرىپ قالعان 300 «فۋرا» اۆتوكولىگىنىڭ جۇرگىزۋشىلەرىن قار تۇتقىنىنان الىپ شىقتىق. اقپان ايىندا قارعالى اۋدانىندا بوراندا اداسقان شوپاندى اجال اۋزىنان الىپ قالساق, حرومتاۋ اۋدانى, كوكتاۋ اۋىلىنداعى 7 جاسار اۋرۋ بالانى ەمحاناعا جەتكىزدىك. مۇنىڭ ءوزى دە بۇل باعىتتاعى اتقارىلعان شارۋالاردىڭ ءبىر پاراسى عانا.
اڭگىمەلەسكەن
ساتىبالدى ءساۋىرباي,
«ەگەمەن قازاقستان»
اقتوبە وبلىسى
سوڭعى جاڭالىقتار
پەداگوگتەردى اتتەستاتسيالاۋ جۇيەسى جاڭارتىلادى
ءبىلىم • كەشە
اتىراۋ وبلىسىندا جەر ۋچاسكەلەرى مەملەكەتكە قايتارىلدى
ايماقتار • كەشە
اتوم ەنەرگەتيكاسى سالاسى: ۇزاق مەرزىمدى باعدار ايقىندالدى
ەنەرگەتيكا • كەشە
جاپونيادا 7,7 بالدىق جەر سىلكىنىسى تىركەلدى
تابيعات • كەشە
