اگەنتتىك جۇمىسىنداعى اشىقتىق

مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىندە ونىڭ توراعا  ورىنباسارى ا.شايموۆانىڭ قاتىسۋىمەن وتكەن بريفينگتە «100 ناقتى قادام» – ۇلت جوسپارىنداعى «كاسىبي مەملەكەتتىك اپپارات قۇرۋ» جايى جان-جاقتى ءسوز ەتىلدى. اگەنتتىك توراعاسىنىڭ ورىنباسارى بارلىق ماڭىزدى دا قاجەتتى اقپارات­تاردى دەر كەزىندە جەتكىزۋ جايىن ەرەكشە اتادى. ويتكەنى, مەملەكەتتىك قىزمەتكە دەگەن قىزىعۋشىلىق ءالى دە تولاستاماي كەلەدى. ونىڭ باستى دالەلى – اگەنتتىكتىڭ سايتىنا كۇن سايىن مەملەكەتتىك قىزمەتكە قاتىس­تى زاڭناماعا تۇسىنىك بەرۋدى سۇرا­عان ونداعان ساۋالدار كەلىپ تۇسۋدە. اسىرەسە,  مەملەكەتتىك قىزمەتكە ورنالاسۋ ءتارتىبى, لاۋازىم ساتىسىمەن جوعارىلاۋ, جۇمىس ءوتىلىنىڭ ەسەپ­تەلۋى, بىلىكتىلىك تالاپتارعا سايكەستىگى سياقتى ماسەلەلەر وتە قىزىقتىرىپ وتىر. سون­دىق­تان دا, اگەنتتىك جۇيەلى تۇردە جان-جاقتى اقپارات بەرىپ تۇرۋ ءۇشىن جاڭا­دان تاعايىندالعان مەملە­كەت­تىك قىزمەت ىستەرى اگەنتتىگىنىڭ رەسمي وكىلى اسان قالياحمەتوۆ پەن سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ رەسمي وكىلى اقجان ىرىس­ال­دينوۆتى ارنايى تانىستىردى. ا.شايموۆا اركىم ءوزىنىڭ جۇمىس ۋاقىتىن ءتيىمدى پايدالانسا, جۇمىستان ەرتەرەك كەتۋگە مۇمكىندىك الاتىنىن دا ورتاعا سالدى. ول ءۇشىن ءاربىر مەملەكەتتىك قىز­مەتشى ءوزىن ءوزى تاربيەلەۋ ارقىلى جۇمىس ۋاقى­تىن ءتيىمدى پايدالانۋى كەرەك. ءتىپتى, مەم­لەكەتتىك قىزمەتشىلەردى وقىتۋ بارىسىندا وسىنداي وزدەرىن ىشتەن تاربيەلەۋ تەتىگى ەنگىزىلەرى دە اتال­ماي قالمادى. اگەنت­­تىك توراعا­سى ورىن­باسارىنىڭ پايى­مىنشا, بارلىق ماسەلە تەك باقى­لاۋعا عانا قاتىستى ەمەس. «بۇگىنگى تاڭدا بار­­لىق مەملەكەتتىك ورگاندارداعى جۇيەلى وڭدەۋ ورتاشا ەسەپپەن 1 ساعات 19 مينۋت­تى قۇراعان. سوندىقتان, اگەنتتىك تەك باقى­لاۋ جۇرگىزۋ جولىمەن عانا ەمەس, مەمقىز­مەتشىلەردىڭ ىشكى ءتار­تىبىن ءوز­دەرى ورناتۋىنا مۇمكىندىك بەرۋ ارقىلى شەشۋدى ۇسىنىپ وتىرمىز», دەدى ايگۇل امانبايقىزى. اسقار تۇراپباي ۇلى, «ەگەمەن قازاقستان»