ەكى قولعا – ءبىر جۇمىس

«دامۋ» قورى مەن «شىراق» قاۋىمداستىعى مۇمكىندىگى شەكتەۋلى 180 ايەلدى كاسىپكەرلىككە باۋليدى «دامۋ» قورى مەن «شىراق» مۇگەدەك ايەلدەر قاۋىمداستىعى مۇمكىندىگى شەكتەۋلى قىز-كەلىن­شەكتەردى كاسىپكەرلىككە باۋلۋ كۋرس­­تارىن باستاماق. الماتىدا ارنايى ءباسپاسوز ءماسليحاتىندا تۇساۋى كەسىلگەن جوبا اياسىندا قازاقستاننىڭ 16 قالاسىندا 180 مۇمكىندىگى شەكتەۋلى ايەلدى وقىتۋ جوسپارلانعان ءجا­نە سونىڭ ىشىنەن 90 ايەل كەلە­سى كەزەڭدە قايتا وقىتۋ مەن بىلىك­تىلىكتى ارتتىرۋ كۋرستارىنا ىرىك­تەلىپ الىنعانى ءمالىم بولدى. بۇل جوبانىڭ ەرەكشەلىگى تەك مۇمكىندىگى شەكتەۋلى ايەلدەرگە دەمەۋ بولىپ قويماي, سونداي-اق ولاردى قىزمەتكەر رەتىندە قابىلداۋعا دايىن جۇمىس بەرۋشىلەرگە دە قولداۋ كورسەتىلمەك. ياعني ءبىر جاعىنان مۇگەدەك جانداردى پسي­حولوگيالىق جانە كاسىبي تۇرعىدا دايىنداپ, تاجىريبەدەن وتۋلەرىنە مۇمكىندىك بەرىلسە, جۇمىس بە­رۋشىلەرگە مۇگەدەكتىگى بار جۇمىس­شىنى قابىلداۋ كەزىندەگى تاۋە­كەلدەرىن ازايتىپ, كەڭەس بەرۋ, تاجىريبەلىك اقپاراتتاندىرۋدى جۇزەگە اسىرادى. ايتا كەتۋ كەرەك, جوبا جاپونيا, رەسەي مەن گەرمانيا سياقتى دامىعان ەلدەر­دىڭ تاجىريبەسىنە قۇرىلعان. جوباعا مۇرىندىق بولىپ وتىرعان «دامۋ» قورىنىڭ وكى­لى زاۋرە ماسعۇتوۆانىڭ ايتۋىنشا, مۇمكىندىگى شەكتەۋلى ايەلدەردىڭ جۇمىسقا ورنالاسۋى مەن ءوز كاسىبىن دامىتۋىنا قولداۋ كورسەتۋ وتە ماڭىزدى. زەرتتەۋلەر ناتيجەسى كورسەتكەندەي, مۇمكىندىگى شەكتەۋلى ايەلدەردىڭ نەگىزگى بولىگى (36,1%) كاسىبي كۋرستاردان ءوتۋ مەن قايتا دايارلاۋعا مۇقتاج ەكەندىگىن كورسەتىپ وتىر. ءبىلىم جەتىلدىرۋ قاجەتتىلىگى بيزنەس-ساۋاتتىلىق باعىتىندا عانا ەمەس, سونىمەن قاتار پسيحولوگيالىق توسقاۋىلداردى جەڭۋ, ءوزىن-ءوزى باعالاپ, وزىنە دەگەن سەنىمدىلىكتى ارتتىرۋ سياقتى ماڭىزدى جايتتاردىڭ وزەكتىلىگى انىق بايقالۋدا. مۇنداي ساۋالدامالار بيزنەستى جۇرگىزۋ ءۇشىن مۇگەدەك ايەلدەر كاسىپكەرلىك قىزمەتتى رەتتەيتىن قازاقستان رەس­پۋبليكاسىنىڭ زاڭدارىن ءبىلۋ قاجەتتىلىگىن, قارجىلىق قا­راجاتتىڭ ەسەبى مەن ولاردى باسقارۋ سالاسىنداعى بىلىكتىلىكتى ارتتىرۋ, بيزنەس-جوسپار جاساۋ, تاۋار/قىزمەتتىڭ وتىمدىلىگىن ارتتىرۋ, كاسىبي كۋرستاردان ءوتۋ سەكىلدى ماسەلەلەردى العا شىعارىپ وتىر. سونىمەن قاتار, كاسىپكەر رەتىندە ءوزىن كورسەتۋ, تەندەرلەرگە قاتىسۋ ءۇشىن ارنايى ءبىلىم الۋ مەن ءوز بيزنەسىن دامىتۋدا ادامداردى ۇيىمداستىرۋ قابىلەتى دە ماڭىزدى ءرول اتقارادى. «شىراق» قاۋىمداستىعىنىڭ ءتورايىمى ءلاززات قالتاەۆا, زەرتتەۋ بارىسىندا جەكە بيزنەس باسشىلارى مەن وكىلدەرى, قوعامدىق بىرلەستىكتەر مەن مەملەكەتتىك قۇرىلىمداردان تۇراتىن 75 جۇمىس بەرۋشى اراسىندا ساۋالداما جۇرگىزىلگەنىن قوسا ايتا كەتتى. جۇمىس بەرۋشىلەردىڭ 56 پايىزى مۇمكىندىگى شەكتەۋلى ايەلدەردى جۇمىسقا قا­بىلداۋعا دايىن ەكەندىكتەرىن جەتكىزسە, 44 پايىزى قارسىلىعىن بىلدىرگەن. كاسىپورىندار يەلەرى مۇمكىندىگى شەكتەۋلى ايەلدەردى جۇمىسقا قا­بىلداۋ ءۇشىن تيىسىنشە قولداۋ مەن ىنتالاندىرۋ شارالارىن جۇزەگە اسىرۋ كەرەك دەگەندى ايتۋدا. ايناش ەسالي, «ەگەمەن قازاقستان» الماتى