«Almaty Open» ۇزدىكتەردى انىقتادى

الماتىدا ءبىرىنشى رەت وتكى­زىلگەن شاحماتتان «Almaty Open» حالىقارالىق ءتۋرنيرى  وتكەن سەن­بى كۇنى مارەگە جەتتى. بار­لىعى 7 مەملەكەتتىڭ 100-گە جۋ­ىق مىقتىلارىنىڭ باسىن قوس­­قان باسەكەدە قوستانايلىق پەتر كوستەنكو توپ جاردى. وعان 450 مىڭ تەڭگە كولەمىندە قار­جىلاي سىيلىق تاپسىرىلدى. گروسسمەيستەرلەر كەستەسىنىڭ ەكىن­شى ساتىسىنا بەلگيالىق ۆاديم مالاحاتكو جايعاسىپ, 278 مىڭ تەڭگە كولەمىندەگى اق­شالاي سىيلىققا يە بولدى. ءۇش­تىكتى – جۇلدەلى ورىنعا ەنگەن تاعى ءبىر قازاقستاندىق شاحمات­شى ارىستانبەك ورازاەۆ قورى­تىندىلاپ, 228 مىڭ تەڭگە ءمول­شەرىندە سىي الدى. جۇلدەگەرلەردەن بولەك, ءتو­لەگەن نۋكين «ۇزدىك جارىس ار­داگەرى», الىشەر سۇلەيمەنوۆ «16 جاسقا دەيىنگى ۇزدىك شاحماتشى», بەرىك اقكوزوۆ «الماتىنىڭ ۇزدىك شاحماتشىسى» اتاندى. سول سياقتى گۇلستان ناحباەۆا ايەل­دەر اراسىنداعى ءتۋرنيردىڭ ەڭ ۇزدىك شاحماتشىسى دەپ تانىلدى. ايتا كەتەرلىگى, 5 قازاندا باستال­عان «Almaty Open-2016» تۇڭعىش حالىقارالىق شات­مات­­شىلار ءتۋرنيرى قازاقستان رەسپۋبليكاسى كۋبوگىنىڭ ەكىنشى كەزەڭى رەتىندە ءوتتى. وعان تاجىك­ستان, رەسەي, وزبەكستان, بەلگيا, گرۋزيا, قىرعىزستان جانە قازاق­ستاننان شاحماتشىلار قاتىستى. قازاقستان شاح­مات فەدەراتسياسى مەن ش.ەسە­نوۆ اتىنداعى عىلىمي-ءبىلىم­دىك قوردىڭ دەمەۋشىلىگىمەن ۇيىم­داستىرىلعان جارىستىڭ جۇلدە قورى 2 500 000 تەڭگەنى قۇرادى. شۆەيتساريالىق ج­ۇيە بويىنشا توعىز تۋردان تۇرعان تۋرنير, حالىقارالىق شاحمات فەدە­را­تسيا­سىنىڭ ەرەجەلەرىنە ساي ءوتتى. مەلىس سەيداحمەتوۆ, جۋرناليست الماتى