اداسۋشىلىقتىڭ اقىرى – اباقتى

تەرىس اعىم ىقپالىنا ءتۇسىپ, ءداستۇرلى يسلام ءدىنىن مانسۇق ەتكەن پەتروپاۆلدىق تۇرعىننىڭ قوعامىمىزعا جات ءىس-ارەكەتتەرى وزگەلەرگە, اسىرەسە, جاستارىمىزعا ساباق بولسا يگى اي-كۇننىڭ امانىندا ادام­دى تۇلەن تۇرتەيىن, شايتان ازعى­رايىن دەسە, وڭاي ەكەن. مۇسا 2012 جىلى تامىزدا شام ەلىنە بارىپ, ەل ءىشىن الاتايداي ءبۇلدى­رىپ, قاندى قاقتىعىستارعا يتەر­مە­لەپ جۇرگەن حالىقارالىق سودىر­­لار قاتارىندا «قارۋلى دجيحادقا» قاتىسۋ ارقىلى «ءدىن­سىز­دەرگە» تويتارىس بەرۋدى كوز­دەيدى. ويىن جۇزەگە اسىرۋ ماق­ساتىمەن الماتىدا تۇراتىن ناسيرۋللا دەگەن تانىسىنا جولى­عىپ, قارجىلىق جاعىنان كو­مەك­تەسۋ­دى وتىنەدى. ءداستۇرلى ەمەس اعىم­داردىڭ يدەيالىق جاقتاس­تارىن ءوز قاتارىنا تارتۋ ءۇشىن ءتۇرلى ايلا-شارعىلار قولدانا­تىنىن, قارجىلىق قىزىقتى­رۋشى­­لىققا ەرەكشە ءمان بەرەتىنىن ەسكەرسەك, بۇل كەزدەسۋ جوسپارلى ءتۇر­دە ويلاستىرىلعان ءتارىزدى. اناۋ دا مۇنىڭ كەلۋىن, وسى ءسوزىن كۇتىپ تۇرعانداي, بىردەن ەلپ ەتە قالادى. وسى ارادا ناسيرۋل­لانىڭ دەلدالدىق قىزمەت ات­قارۋىنا قانداي ىشكى-سىرتقى كۇش­تەر ىقپال جاساپ وتىر دەگەن سۇراق تۋادى. ءار-ءار جەرلەردە وسىن­داي جالدامالى اگەنتتەر مەن جۇيە­لەردىڭ جۇمىس ىستەۋى ابدەن ءمۇم­كىن عوي. ەكەۋىن ىستانبۇلدا ابۋ­سارا ەسىمدى بەيتانىس جاننىڭ قارسى الۋى دا كوڭىلدەگى كوپ كۇدىكتى قويۋلاتا تۇسەدى. بۇلاي دەۋى­مىزدىڭ سىرى, ولاردى جاتىن ورىنعا جايعاستىرۋ, قارجىلاي جاردەمدەسۋ, تاعى باسقا شارۋا­لاردى سوزگە كەلمەستەن تاپ-تۇي­ناق­تاي تىندىرىپ بەرەدى. ەندى بۇلارعا كولدەنەڭ كوك اتتى­داي ابۋ ايشا دەگەن ازا­مات قوسى­لىپ, جول-جونەكەي قاتار­لارى كوبەيىپ وتىرادى. تۇركيا-سيريا شەكاراسىندا جەر­گىلىكتى تۇر­عىننىڭ باستاۋىمەن وپپو­زيتسي­يا­لىق كۇشتەر ورنالاسقان اتما ەلدى مەكەنىنە جەتەدى. بۇل جورتۋىل دا كۇنىبۇرىن بەلگىلەنگەن شارا دەسەك, قيسىنعا كەلەدى. وسى جەردە اسكەري جانە فيزيكالىق دايىندىقتان ءوتىپ, قارۋ-جاراق تۇرلەرىن پايدالانۋ ادىستەرىن مەڭگەرەدى. ەكى اپتادان كەيىن باب-ءال-حاۆا بەكەتىندە شوعىرلانعان حالىقارالىق سودىرلار ۇيىمىنا قوسىلادى. ولاردىڭ دجيحاد» يدەولوگياسىن باستى ۇران ەتىپ ۇس­تايتىندارى, قازاقستاندا تەررور­­لىق ۇيىم رەتىندە جاريا­لا­نىپ, قىزمەتتەرىنە تىيىم سا­لىن­­عاندارى ءتىپتى دە ويلان­دىر­­ماي­دى. كەرىسىنشە, «ال-كاي­دا­نىڭ» سويىلىن سوعاتىن «دجەيش-ءال-مۋحادجيرين-ءۆال-ان­سار» دەگەن توپتىڭ قۇرا­مى­نا ەنەدى. ونىڭ ساپىندا سيريا­نىڭ ۇكىمەتتىك اسكەرىنە, بەيبىت تۇر­عىندارعا قارسى وپەرا­تسيا­لارعا, لاڭكەستىك ۇيىمدار قاداعالايتىن ايماقتىڭ شەكاراسىن كۇزەتۋگە قاتىسادى. مۇسا 2012 جىلدىڭ جەلتوقسان ايىنا دەيىن لاڭكەس­­تەر­گە قىزمەت ەتىپ, سوسىن جەكە ءومىرى­­نىڭ قاۋىپسىزدىگىن ساقتاۋ ماق­ساتى­مەن ىستانبۇلعا ورالادى. وسىن­دا تۇپكىلىكتى قالۋعا بەل باي­لاعا­نىمەن, تۇرىك رەسپۋبليكا­سىنىڭ كوشى-قون تۋرالى زاڭىن بۇزدى دەگەن ايىپ تاعىلىپ, 2016 جىلى قازاقستانعا دەپورتا­تسيالانادى. مۇسانىڭ ادۆوكاتى وعان ەشقانداي شاڭ جۋىتپاي قانشا قورعاشتاسا دا, «دالەلدەرى» ەش قيسىنعا جاناسپايتىنىنا, تەرىس اعىمداعى قارۋلى جاساق قۇرا­مىن­دا «دىنسىزدەرگە» قارسى سوعىسۋدى كۇنىبۇرىن ويلاستىرعانىنا, ءتۇر­كيانى قونىستانۋى انشەيىن سىلتاۋ ەكەنىنە سوتتا بۇلتارت­پاس ايعاقتار كەلتىرىلدى. وسىلاي­شا, سوت ۇكىمىمەن مۇسا قازاقستان رەس­­پۋبليكاسى قىلمىستىق كودەكسىنىڭ 233-بابى بويىنشا ايى­پ­تى دەپ تانىلىپ, 7 جىل ءومى­رىن تەمىر توردىڭ ارعى جاعىن­دا وتكىزەتىن بولدى. ءومىر ەسقالي, «ەگەمەن قازاقستان» سولتۇستىك قازاقستان وبلىسى