اشىقتىق ناقتىلىققا جەتەلەيدى

مەن جۋىردا شىعىس قازاق­ستان وبلىسىنا ءىسساپارىم بارى­سىن­دا وبلىس اكىمى بەردىبەك سا­پار­باەۆتىڭ حالىق الدىنداعى ەسەپ بەرۋ جينالىسىنا قاتىسقان ەدىم. ول وبلىس ورتالىعى وسكە­مەن قالاسىندا ەمەس, سەمەيدە باستالدى. مۇنىڭ دا وزىندىك سەبەپتەرى بار ەدى. سەمەي قالاسى تۇر­­مىستىق ينفراقۇرىلىم­دار­دىڭ جاقسى ەكەندىگىمەن ماقتانا المايتىندىعى بەلگىلى. ال بۇل پروبلەمالاردىڭ شەشىمى حالىق­تىڭ سىن-پىكىرلەرىن ەسكەرە وتى­رىپ قانا ىسكە اسىرىلا الادى. اكىم وزىنە قويىلعان سۇراق­تىڭ بارىنە دە نازار اۋدارىپ, ناق­تىلىقپەن جاۋاپ بەرۋگە تىرىستى. ەگەر شىعارىپسالما, سۇيكەي­سال­دى جاۋاپتار بولسا, حالىقتىڭ بيلىككە دەگەن سەنىمى دە جوعالا باستار ەدى. ارينە, اشىق اڭگىمەگە اكىمنىڭ ءوزى جول باستاپ, حالىققا وڭ ىڭعاي تانىتپاسا, شىنايى­لىقتىڭ بولۋى دا ەكىتالاي عوي. ال كەزدەسۋدە ناق وسىلاي بولعا­نىن ايتا الامىز, سونىڭ ارقا­سىن­دا بارىنشا اشىق اڭگىمە اي­تىلىپ, العا قويىلعان ماقسات تو­لى­عىمەن ورىندالدى دەۋىمىز كەرەك. اكىمنىڭ بايانداماسىنا قارا­عاندا, وبلىس ەكونوميكاسى وتكەن جىلى ايتارلىقتاي العا جىل­جى­عان. ماسەلەن, ونەركاسىپ سالا­سىنىڭ ونىمدەرى بىلتىرعىمەن سالىستىرعاندا 30 پايىزعا ارت­قان. ال اۋىل شارۋاشىلىعى ونىمدەرىنىڭ ءوسىمى رەسپۋبليكالىق ورتاشا كورسەتكىشتەن 8 پايىزعا جوعارى ەكەن. مەملەكەت پەن بيزنەس اراسىنداعى ارىپتەستىك باي­لا­نىس ارتا تۇسكەن, وسىنىڭ ارقا­سىن­دا كوپتەگەن جاڭا ءوندىرىس وشاق­تارى اشىلىپ, الەۋمەتتىك نىسانداردىڭ قۇرىلىستارى باس­تالىپتى. بيزنەستىڭ وبلىسقا بەلگىلى مۇشەلەرى ۆلاديمير اكۋلوۆ, قايرات مۋسين, ريشات احماديەۆ, ۆاسيلي ۆوروپاەۆ جانە ت.ب. كومەكتەر جاساعان. كەزدەسۋ بارىسىندا اكىمنىڭ وتكىر ماسەلەلەردى بارىنشا زەرتتەپ, ولارعا بەرىلەتىن جاۋاپتاردى ءتيىستى قىزمەتتەرمەن بىرگە الدىن الا دايىنداعاندىعى ءبىلىنىپ تۇردى. ويتكەنى, بارلىق جاۋاپتار دا ءاتۇستى ەمەس, ماسەلەنىڭ تەرە­ڭىنە بويلاعان بىلىكتىلىگىمەن دا­رالاندى. وسىنىڭ ءوزى كەزدەسۋدىڭ ساپاسىن ارتتىرا تۇسكەندەي بولدى. كەزدەسۋگە كەلگەن ازاماتتار دا جەكە باسىنىڭ مۇددەسى ەمەس, ەلدىك, ايماقتىق پروبلە­ما­لاردى قوزعاپ جاتتى. ماسەلەن, «اقجول» پارتياسىنىڭ سەمەيدەگى وكىلى ورىنبەك سارسەمبين ەلەكتر قۋاتىنىڭ جەتىسپەيتىن ءما­سەلەسىن شەشۋ ءۇشىن بۇلاق گەس-ءىن سالۋ پروبلەماسىن كوتەردى. ال جسدپ «ازاتتىڭ» وكىلى مايرا ابەنوۆا مەملەكەتتىك قىزمەتكەر­لەر­دىڭ جاۋاپكەرشىلىگىن ارتتىرۋ ءۇشىن ولاردىڭ جۇمى­سىنىڭ باعا­سىن قاراپايىم حالىق بەرۋى كەرەك دەگەن ۇسىنىس ايتتى. وبلىستىڭ جەتىستىكتەرى قاتا­رىن­دا اتالعان ازيا ويىندا­رىن­داعى ناتيجەلەر دە اۋىز تول­تى­رار­لىقتاي ەكەن. قازاق­ستان­دىق­تار­دىڭ قول جەتكىزگەن تابىسىنىڭ جارتىسى شىعىسقازاق­ستان­دىق­تار­دىڭ ۇلەسىندە. ولار 15 التىن, 11 كۇمىس, 7 قولا مەدالدى وتان قۇراماسىنىڭ قورجىنىنا سالىپ­تى. وسىنىڭ ءبارى بيلىكتىڭ سپورت­قا دەگەن جاقسى كوزقاراسى مەن قولداۋىنىڭ ارقاسىندا ەكەندىگى ايتىلدى. ايتا كەتەرلىك ءجايت, اكىمنىڭ ەسەبى وn-line رەجىمىمەن اياگوز, كوك­پەكتى, جارما, بەسقاراعاي اۋدان­دارىنىڭ تۇرعىندارىنا دا كورسەتىلدى. اكىم ولاردىڭ دا كوكەيكەستى سۇراقتارىنا جاۋاپ بەرىپ وتىردى. ەسەپ بەرۋ بارىسىندا جۇرت­شىلىقتىڭ پرەزيدەنت ن.نازار­باەۆتىڭ بيىلعى «بولاشاقتىڭ ىرگەسىن بىرگە قالايمىز» اتتى حالىققا جولداۋىنا دەگەن قىزى­عۋشىلىعى دا كورىنىپ تۇردى. ەل­با­سىنىڭ ۇستىمىزدەگى جىلى ۇكى­مەت­تىڭ الدىنا قويىپ وتىرعان مىندەتتەرى ەلدى جاڭعىرتۋدىڭ سترا­­تە­گيالىق ماقساتتارىنا ءساي­كەس كەلەتىندىگى اتاپ ءوتىلدى. ايماق باس­شىسى جولداۋداعى مىندەتتەرگە بايلانىستى وبلىستىڭ الدىن­دا قانداي جاڭا ماقساتتاردىڭ تۇر­عان­دىعىنا توقتالدى. سونىڭ ءىشىن­دە, اسىرەسە, الەۋمەتتىك-ەكونو­ميكالىق دامۋ سالاسىنا توق­تالىپ, بۇل ىستەردە رەسپۋب­لي­كا­نىڭ الدىڭعى قاتارىنا شىعۋ مىندەتىن قويدى. مەن جەرلەستەرىمنىڭ تاۋەل­سىزدىگىمىزدىڭ 20 جىلدىعىن دا جاق­سى جەتىستىكتەرمەن قارسى الا­تى­نىنا سەنىمدىمىن. بۇل مەرەي­تويدىڭ ءبىزدىڭ حالقىمىزدى ودان ءارى بىرىكتىرىپ, ءوزارا تاتۋلىق پەن تۇراق­تىلىقتى نىعايتا بەرەتىنى ءسوزسىز. تالعاتبەك ءابايدىلدين, سەناتتىڭ ەكونوميكالىق جانە ايماقتىق دامۋ  كوميتەتىنىڭ حاتشىسى.