جوبا ورىندالۋىمەن قۇندى

يندۋستريا جانە جاڭا تەحنولوگيالار ءمينيسترىنىڭ ءبىرىنشى ورىن­با­سارى البەرت راۋ الماتى وبلى­سىنا كەلگەن ساپارىندا وبلىس اكىمى سەرىك ۇمبەتوۆپەن كەزدەستى. ۇدە­مە­لى يندۋستريالىق-يننوۆاتسيالىق دامۋ باعدارلاماسىنىڭ جۇزەگە اسۋىن ءۇي­لەستىرەتىن جانە باقىلايتىن جۇ­مىس توبىنىڭ جەتەكشىسى بۇدان كەيىن وب­لىس اكىمىنىڭ  ورىنباسارى بولات ءتا­كەنوۆتىڭ توراعالىق ەتۋىمەن وتكەن كەڭەسكە قاتىستى. جەتىسۋ جەرىنەن يندۋستريالاندىرۋ كار­تاسىنا وتكەن جىلعا جوسپارلانعان جوبالار تولىق ورىندالعان. 2010 جىلى وبلىستا رەس­­پۋبليكالىق ءجا­نە ايماقتىق ين­دۋس­تريالاندىرۋ كار­تالارى بو­يىن­­شا 27 جوبا قول­عا الىنىپ, ونىڭ 10-ى ويداعىداي جۇزەگە اسىرىلعان. الداعى كەزدە يندۋستريالاندىرۋ كارتاسىنا 11 جاڭا جوبا ۇسىنىلىپ وتىر ەكەن. ال 2011-2014 جىلدارى وبلىس بو­يىنشا يندۋستريالاندىرۋ كارتا­سىن­دا جالپى قۇنى 1 تريلليون 590 ميلليارد تەڭگە بولاتىن 28 جوبا بار. ونىڭ ىشىندە 13 جوبا  رەس­پۋبليكالىق يندۋستريا­لان­دى­رۋ كار­تا­سىنا ەنسە, 15 جوبا اۋ­ماقتىق كار­تاعا كىرگىزىلگەن. اتال­عان جوبالار تولىعىمەن ورىندال­سا 17 مىڭ جاڭا جۇمىس ورنى اشىل­ماقشى. كەڭەستە البەرت راۋ مەملەكەتتىك باعدارلاما اياسىندا بەلگىلەنگەن ماڭىزدى جوبالاردىڭ ال­ماتى وبلىسىنداعى ورىندالۋىنا كوڭىلى تولاتىندىعىن ءبىلدىردى. ءوز كەزەگىندە ءسۇت, ەت وڭدەيتىن زاۋىت­تار, مەتالل بۇيىمدار, قۇرىلىس ماتەريال­دارىن, اككۋمۋلياتورلار شىعاراتىن كاسىپورىندار باسشى­لارى بيىل كاسىپورىنداردىڭ كەستەگە ساي ىسكە قوسىلاتىنىن ءمالىم­دەدى. كەڭەستەن سوڭ ۆيتسە-مينيستر باس­­تاعان توپ تەكەلى قالاسىندا «Green House جاسىل ءۇي» جشس  سالىپ جات­قان  كولەمى 3,65 گەكتارلىق جىلى­جاي قۇرىلىسىمەن تانىستى. سەرىكتەستىك اۋماقتى القاپتى الىپ جات­قان جى­لى­جايدى ىسكە قوسقان سوڭ وبلىستى كوكونىسكە قارىق قىلماق. سول سياق­تى, ا.راۋ تالدىقورعان قالا­­سىنداعى قورعاسىندى-قىشقىل­دى اككۋمۋليا­تور­لىق باتارەيالار شى­عاراتىن «قاي­نار اكب» سەرىكتەستىگىندە دە بولدى. كۇمىسجان بايجان. الماتى وبلىسى.