قامقورلىقتان شەت قالمايدى

رەسپۋبليكالىق اقپاراتتىق-ناسيحاتتىق توپ پرەزيدەنت نۇرسۇلتان نازارباەۆتىڭ «بولا­شاق­تىڭ ىرگەسىن بىرگە قالايمىز» اتتى  حالىققا  جولداۋىن كەڭىنەن ناسيحاتتاۋ ماقساتىندا قىزىل­جار ءوڭىرى تۇرعىندارىمەن جۇزدەسۋگە كەلدى. اقپاراتتىق-ناسيحاتتىق توپتى ەكونو­مي­كالىق دامۋ جانە ساۋدا مينيسترلىگى ساۋدا كوميتەتىنىڭ توراعاسى ايدار قازىباەۆ باستاپ ءجۇردى. ونىڭ قۇرامىندا رەسپۋبليكالىق مينيسترلىكتەرگە قاراستى قۇرىلىمداردىڭ باسشىلارى  بولدى. توپ مۇشەلەرى ەلدى مەكەندەردى ارالاۋ ال­دىندا جەرگىلىكتى ۆەدومستۆو جەتەكشىلەرى­نىڭ, بيۋدجەت ءجا­نە قارجى سالاسى وكىلدەرىنىڭ قا­تىسۋىمەن كەزدەسۋ وتكىزدى. جيىندى وبلىس اكى­مىنىڭ ورىنباسارى  فارحاد قۋانعانوۆ اشىپ, جولداۋ تالاپتارىن ءتۇ­سىن­دى­رۋگە 15 اقپارات­تىق-ناسيحاتتىق توپتىڭ جۇ­مىل­دى­رىل­عانىن, 200-دەن اسا باسقوسۋلار وتكىزىلىپ, 20 مىڭنان استام تۇرعىنداردىڭ قامتىلعانىن جەتكىزدى. اقپاراتتىق-ناسيحاتتىق توپتىڭ جەتەكشىسى ا.قازىباەۆ جينالعاندارعا ەل تاۋەلسىزدىگىنىڭ 20 جىلدىعى قارساڭىندا قابىلدانعان جول­داۋ­دىڭ ءمان-ماڭىزى جايلى  كەڭىنەن اڭگىمە­لەدى. توتەنشە جاعدايلار جونىندەگى مينيسترلىك­تىڭ ورتكە قارسى كۇرەس قىزمەتى  كوميتەتىنىڭ ءتور­اعاسى سەرىك اۋباكىروۆ جولداۋدا حالىقتىڭ دەنساۋ­لىعىن جاقسارتۋ جولىندا  ايتىلعان باستى شارا­لاردىڭ ورىندالۋى ءجونىن­دە ءسوز ەتسە, قۇ­رى­لىس-تۇرعىن ءۇي شارۋا­شى­لىق ءجو­نىندەگى اگەنتتىك ءتور­اعاسىنىڭ ورىن­باسارى نيكولاي تيحونيۋك جول­داۋدا  تۇرعىن ءۇي-كوم­مۋ­نالدىق شارۋاشى­لىق­تى جاڭعىرتۋ باسىم باعىت رەتىندە جاريا­لان­عانىن اتاپ كور­سەتتى. ال ءماجىلىس دەپۋتاتى رايسا پوليششۋك, تۋريزم جانە سپورت مينيسترلىگى سترا­تەگيا­لىق جاڭعىرتۋ دە­پارتامەنتىنىڭ ديرەكتورى دا­ري­عا  قامزەباەۆا  مۇعالىمدەردىڭ بىلىكتىلىگىن ارت­تىرۋ, كاسىبي شەبەرلىگىن جەتىلدىرۋ, سالاماتتى ءومىر سالتىن قالىپتاستىرۋ, ءبىلىم ساپاسىن حالىق­ارالىق دەڭگەيگە جەتكىزۋ, تاعى باسقا ماسەلەلەر جونىندە ءوز ويلارىن ورتاعا سالدى. رەسپۋبليكالىق اقپاراتتىق-ناسيحاتتىق توپ­­­تىڭ مۇشەلەرى تۇستەن كەيىن وبلىس ورتا­لى­عىن­داعى مەكەمە-كاسىپورىن ۇجىمدارىمەن كەزدەسۋلەر ۇيىمداستىردى. ەڭبەك جانە حالىقتى الەۋ­مەتتىك قورعاۋ مينيسترلىگى الەۋ­مەتتىك ساقتان­دىرۋ جانە جيناقتاۋ جۇيەسى باسقارماسىنىڭ باستىعى گۇلزادا سۇل­تانوۆا جۇمىسپەن قامتۋ­دىڭ جاڭا باعدارلاماسى جاسالىپ جاتقانىن, ول تۇتىنۋعا ەمەس, جۇ­مىس­پەن قامتۋ جاعىنا باسىم­دىق بەرۋ ماق­ساتىن, ەڭ باستىسى  ماسىل­دىق­تى ەڭسەرۋدى دىتتەيتىنىن ايتتى. بۇدان بى­لاي ۇكىمەت ەڭبەك­كە قابىلەتسىز جانە از قام­تاماسىز ەتىلگەن جان­دارعا عانا  كومەكتەسەتىن بولادى. ال, قال­عان اۋىل تۇر­عىن­دارى ءۇشىن قولجەتىمدى ميكرونەسيەلەۋ, باسقا­داي شارالار ۇيىمداس­تى­رىلادى. جينالعاندار ونىڭ ءار ءسوزىن زەيىن قويا تىڭدادى. سودان كەيىن رەسپۋبليكالىق اقپاراتتىق-ناسيحاتتىق توپتىڭ مۇشەلەرى  سەگىز توپقا ءبولىنىپ, اۋداندارعا اتتاندى. ءومىر ەسقالي. سولتۇستىك قازاقستان وبلىسى.