الەم ديدارى

ونى وزىمىزگە  بۇرۋدا بايلانىس پەن اقپاراتتاندىرۋ جۇيەسى ۇلكەن ءرول اتقارادى ءبىزدىڭ ءومىر سۇرەتىن ورتامىز – اقپاراتتىق قوعام. تىرشىلىگىمىزدى دە تەلەكوممۋنيكاتسياسىز ەلەستەتە المايتىن بولدىق. ال مەدياكەڭىستىك كوكجيەگىنىڭ كەڭ بولعانى, بايلانىس پەن اقپارات­تاندىرۋدىڭ ءتيىمدى جۇيەسىنىڭ قالىپتاسقاندىعى قاراپايىم حالىق ءۇشىن عانا ەمەس, مەملەكەت ءۇشىن قاجەت. سەبەپ, بۇل قۇرى­لىم­نىڭ كەز كەلگەن ەلدى  ىلگەرىلەتەتىن اۋقىمدىلىعىندا. وسى ورايدا, ءبىز بيىلعى جولداۋدا ايتارلىقتاي ءمان بەرىلگەن حا­لىققا ەتەنە جاقىن سالاداعى باسى قايىرىلعان, جاقىن بو­لا­شاقتى مەجەلەگەن مىندەتتەر توڭىرەگىندە بايلانىس جانە اق­پا­رات مينيستر­لىگى­نىڭ جاۋاپتى حاتشىسى قايرات ابساتتاروۆپەن اڭگىمەلەسكەن  ەدىك. – قايرات بەكتاي ۇلى, ەل پرە­زيدەنتىنىڭ بيىلعى جول­داۋى­نان قانداي وي ءتۇيدىڭىز؟ – حالىققا جولداۋدى قازاق­ستان­نىڭ ءاربىر ازاماتى اسىعا كۇ­تە­دى. سەبەبى, بۇل قازاق­ستان­نىڭ دا­مۋى جولىنداعى ءىس-قيمى­لى­نىڭ با­عىت-باعدارىن ايقىن­داي­تىن سترا­­­­ت­ە­گيالىق قۇجات بو­لىپ تابىلادى. ءار جىلعى جولداۋ سونى جاڭا­لىق­تار­مەن, قۇندى يدەيالارمەن, ەلى­مىز­دىڭ جاڭعى­رۋى­نا, وركەندەۋىنە نەگىز بو­لا­تىن سالماقتى تۇجىرىم­دار­مەن ەرەك­شەلەنەدى. بيىلعى جولداۋدا قازاقستان مەن قازاقستان­دىق­تار ءۇشىن قاستەرلى جىل – ەل تاۋەل­سىز­دى­گىنىڭ 20 جىلدىعىنا ەرەكشە ما­ڭىز بەرىلگەن. «بولا­شاقتىڭ ىرگەسىن بىرگە قالايمىز» دەگەن اتاۋى­نىڭ ءوزى بابامىزدان قالعان مىزعى­ماس بىرلىكتى ساقتاي وتىرىپ, ەلىمىز­دىڭ ءور­كەن­د­ەۋىنە ءاربىر ازاماتتىڭ ۇلەس قو­سۋىنا ءۇ­ن­دەيدى, رۋحتان­دى­رادى. سون­­­دىق­­­تان, وسى ۋاقىتقا دەيىنگى قا­زاق­ستاننىڭ قول جەتكىزگەن جەتىستىكتەرى مەن نەگىزگى كورسەتكىش­تەرى جاڭا بەلەستەردى باعىندىرۋعا تىڭ سەرپىلىس بەرىپ, جولداۋداعى ءمىن­دەتتەر مەن تاپسىرمالاردىڭ ماق­­ساتى مەن ماڭىزدىلىعىن اشا تۇسەدى دەپ ويلايمىن. – مەملەكەت باسشىسى ن. نا­زارباەۆ 1997 جىلى ءوزىنىڭ حا­لىققا ارناعان العاشقى جول­داۋىندا «2030 جىلى ءبىزدىڭ ۇر­پاق­تارىمىز بۇدان بىلاي الەم­د­ىك وقيعالاردىڭ قالتارىسىن­دا قالىپ قويمايتىن ەلدە ءومىر ءسۇ­رە­تىن بولادى», دەپ ماقسات قوي­عان­دىعىن, الايدا بۇل مەجەگە 33 جىلدا ەمەس, 1 مۇشەل جاس­تىڭ بەدەرىندە جەتكەندىگىن ايت­تى. ال ەلىمىزدىڭ كوپتىڭ قال­تا­رى­سىندا قالىپ قويماي, الەم ديدارىن ءوزى­­نە بۇرۋدا باي­لانىس پەن اقپا­رات­تاندىرۋ ءجۇ­يەسىنىڭ ۇلكەن ءرول اتقار­عا­نىن ايتۋى­مىز كەرەك. ءبۇ­گىنگى كۇن كوكجيە­گىنەن قارا­عان­دا, وسى سالادا با­عىن­دىرىل­عان بەلەستى قالاي با­عامداپ بەرەر ەدىڭىز؟ – راسىندا دا, الەم ديدارى­نىڭ قازاقستانعا بۇرىلۋىندا باي­لا­نىس پەن اقپاراتتاندىرۋ جۇيەسى­نىڭ الار ورنى ايتار­لىق­تاي. قازاق­ستان-2030 ستراتەگيا­لىق باعدارلا­ما­سىندا دا بۇعان با­سىمدىق بەرىلىپ: “بۇگىنگى تاڭدا قازاقستان رەس­پۋب­­ليكا­سى­نىڭ ال­دىندا, ەڭ الدى­مەن, بولاشاقتا الەم­­نىڭ دامىعان ەلدەرىنىڭ ا­ق­پاراتتىق ينفراقۇرى­لىمدارى­مەن باسەكەلەسۋگە قابى­لەتتى, دەربەس تە تاۋەلسىز جانە ءتيىمدى تەلە­كوممۋنيكاتسيالىق قىزمەت كور­سەتۋ جۇيەسىن قۇرۋ مىندەتى تۇر”, دەپ اتاپ كورسەتىلگەن. وسى ماق­سات­تا, وتاندىق اقپاراتتىق كە­ڭىس­تىگى­مىز­دى قەڭەيتىپ, اقپارات­تىق-كوم­مۋ­ني­كاتسيالىق تەحنولوگيالار جۇيە­سىن دامىتۋ ۇستىندەمىز. بۇل رەتتە, «ەلەكتروندىق ۇكى­مەت» جوباسى – مينيسترلىكتىڭ مەم­­لەكەتتىك قىزمەت پەن اكىم­شى­لىك-باس­قارۋ ىستەرىن الەمدىك ستان­­دارت­تارعا ساي جاڭعىرتۋ جۇ­مىس­تارىن جۇرگىزۋ ماقساتىنداعى نەگىزگى ءمىن­دەتتەردىڭ ءبىرى. قازىرگى كۇنى «ەلەك­ترون­دىق ۇكىمەت» پور­تالى ار­قىلى 74 ءتۇرلى مەملەكەتتىك قىز­مەت كور­سە­تۋلەر مەن سەرۆيستەر ۇسى­­نى­لا­دى. 2010 جىلى پورتال ار­قىلى 1 600 000-نان استام ەلەك­تروندىق انىق­تاما بەرىلسە, قا­زىر­گى كۇنى ونىڭ سانى 2 000 000-نان اسىپ جىعىلدى. وسى تۇستا مىنا ءما­س­ە­لەنى باسا ايت­قانى­مىز ءجون: ەلەك­­تروندىق ۇكى­مەت جوباسىن جۇزە­گە اسىرۋ جانە دامىتۋ بويىنشا, قازاقستان بۇۇ-نىڭ رەيتينگىندە 46-ورىندا تۇر. بۇل تمد ەلدەرى ءىشىن­دەگى الدىڭعى ورىنداردىڭ ءبىرى دەگەن ءسوز. – مينيسترلىك جۇزەگە اسىر­­عان جوبالاردىڭ ەلەۋلىلەرى قان­داي؟ – جەرگىلىكتى اتقارۋشى ورگان­دار­دىڭ حالىققا جانە بيزنەسكە الەۋ­مەتتىك ءمانى بار قىزمەتتەردى كور­سە­تۋ­دى اۆتوماتتاندىرۋدى جانە قايتا ينجينيرينگتەۋدى قامتاما­سىز ەتۋ ءۇشىن مينيسترلىك وتكەن جىلى «ە-اكىمدىك» قاناتقاقتى جو­با­سىن ىسكە قوستى. بيىلدان باستاپ بۇل جوبا ەلىمىزدىڭ بارلىق اي­ما­عىندا ەنگىزىلۋدە. – ونىڭ ارتىقشىلىعى نەدە؟ – بۇل جوبا نەگىزىندە تۇرعىن­دار ەڭبەكپەن قامتۋ ورتالىق­تارى­نا كەزەككە تۇرۋ, بالالارىن مەملەكەتتىك بالا-باقشا كەزەگىنە تىركەۋ, ساۋدا ورىندارىن اشۋعا رۇق­سات الۋ سەكىلدى وزگە دە قىزمەت ءتۇر­لەرىن ينتەرنەت جانە قوعام­دىق قول­جە­تىم­دىلىك پۋنكتتەرى ار­قى­لى پاي­دا­لانۋعا مۇمكىندىك الادى. ەكىنشى ءبىر ماسەلە, مەملەكەت باس­شىسى اتاپ وتكەندەي, 2020 جى­لى ىشكى جالپى ونىمدەگى شاعىن ءجا­نە ور­تا بيزنەستىڭ ۇلەسى 40 پا­يىزدى قۇ­راۋى ءتيىس. بۇل كور­سەت­كىشكە قول جەتكىزۋ ءۇشىن مينيستر­لىك الدىن­دا­عى بىردەن-ءبىر مىندەت – ەلەكتروندىق ليتسەنزيالاۋ ۇدەرىس­تەرىن اۆتومات­تان­دىرۋ. وسى ورايدا, اكىمشىلىك كەدەرگىلەردى جويۋ ماق­ساتىندا اقپا­رات­تىق جۇيە – «ە-ليتسەنزيالاۋ» مەم­­لە­كەت­تىك دەرەكتەر قورى قۇرىلىپ, 11 مەملەكەتتىك ليتسەنزيار-ورگان­دار­دىڭ قا­تى­­سۋى­مەن قاناتقاقتى اي­ماق­تا ءتا­جى­ري­بەلىك تۇر­عىدا پايدالانۋعا بە­رىلدى. ە-لي­تسەن­زيالاۋ جۇيەسى ار­قى­لى 700-دەن استام ەلەكتروندىق ليتسەنزيالار تاراتىل­دى. سونداي-اق, استانا قالا­سىن­دا حا­لىقتى ساپالى, قۇ­قىقتىق نوتاريال­دى قىز­مە­تتەر­مەن قامتاما­سىز ەتۋگە جانە نوتا­ريال­­دىق قىز­مەت­تەر تۋ­رالى ۋاق­تى­لى ءجا­نە ناقتى ەسەپتىلىكتى قا­لىپ­تاس­تىرۋ­عا مۇمكىن­دىك بەرەتىن «ە-نوتاريات» جوباسى قا­نات­قاقتى تارتىپتە ءتا­جى­ريبەلىك پاي­­­دا­لانۋعا بەرىلدى. ال 2020 جى­لى تۇر­عىندار الەۋمەتتىك-ماڭىز­دى مەم­ل­ە­كەتتىك قىزمەتتەردىڭ 50 پايىزىن ەلەكترون­دىق ۇلگىدە الاتىن بولادى. مينيسترلىكتىڭ بايلانىس قىز­مەت­تەرىنىڭ قولجەتىمدىلىگىن قامتا­ما­سىز ەتۋ ماقساتىندا اتقارىپ جاتقان جۇمىستارىنىڭ ەندى ءبىرى – ۇيالى باي­لانىس قىزمەتىن دامىتۋ. وتكەن جىل­دىڭ جەلتوقسان ايىندا ۇيالى باي­­لا­نىس وپەراتورلارى استانا ءجا­نە ال­ما­تى قالالارىندا ءۇشىنشى بۋى­ن­نىڭ بايلانىسى – 3G-ءدى ىسكە قوستى. بيىل­عى جىل­دىڭ سوڭىنا دەيىن 3G بايلا­نى­سى ەلى­مىزدىڭ بارلىق وبلىس ورتا­لىق­تا­رىندا تولىق ىسكە قوسىلادى. مينيسترلىك بايلانىس قىز­مەتىنىڭ تاريفتەرىن تومەندەتۋ ءۇشىن دە ءبىر­قاتار جۇمىستار ات­قار­دى. «قا­زاق­تەلەكوم» اق شەت ەلگە قوڭىراۋ شالۋ تاريفتەرىن, ال ەلىمىزدەگى ءبىر­قاتار ۇيالى باي­لانىس وپە­را­تورلارى ۇستىمىزدەگى جىل­­دىڭ اقپا­نى­نان باستاپ ۇيالى باي­لا­نىس قىز­مەتىنە تاريفتەردى تومەندەت­تى. بۇل باعىتتاعى جۇمىس الداعى ۋا­قىتتا جالعاسا بەرمەك. – ال ەلىمىزدەگى ينتەرنەت جە­لى­سىنىڭ دامۋ بارىسى جونىندە نە ايتاسىز؟ – بۇگىندە ستراتەگيالىق جوس­پار­­عا سايكەس, تەلەكوممۋنيكاتسيا سالا­سىن دامىتۋ شارالارىن جۇزە­گ­ە اسى­رۋعا باعىتتالعان ءىس-شارا­لار با­رى­سىندا 2010 جىلدىڭ سو­ڭىندا مىنا كورسەتكىشتەرگە قول جەتكىزىلدى: – ينتەرنەت جەلىسىنە كەڭ جو­لاق­تى قولجەتىمدىلىگى بار پاي­دا­لانۋ­شى­لاردىڭ تىعىز­دى­عى 100 ادام­عا 22,3-تەن كەلەدى ەكەن. بۇل از با, الدە جەتكىلىكتى دەڭگەي مە؟ – ينتەرنەت پايدالانۋشى­لار­دىڭ تىعىزدىعى 23,1 (2010 جىلعى جوسپار – 22,0) قۇرادى. وكىنىشكە قاراي, ينتەرنەت اۋىل­­دىق جەرلەرگە تولىق جەتە قوي­عان جوق. دەگەنمەن, بۇگىنگى كۇنى سىمسىز جەلىگە قو­سى­لۋ­دىڭ تەحنولوگيالارى ارقىلى تەلە­­كوممۋ­نيكاتسيالىق جەلى قۇرى­لى­سى­نىڭ جۇمىسى جالعاسۋدا. بۇل ءوز كەزەگىندە 2013 جىلى اۋىل­دىق جەرلەردى كەڭ جولاقتى ينتەرنەتپەن تولىق قامتاماسىز ەتۋگە مۇمكىندىك بەرەدى. – ءتىلسىز وتاندىق اقپارات­تىق كەڭىستىكتىڭ دامۋىن كوزگە ەلەس­تەتۋ قيىن. ەلباسى دا ءار­كەز, ونىڭ ىشىندە بيىلعى جول­داۋىن­دا دا مەملەكەتتىك ءتىلدىڭ قول­دا­نىلۋىنا ايرىقشا ءمان بەرىپ وتىر. ءتىل اياسىن كەڭەي­تۋ­دە مينيسترلىك باسشىلىققا ال­عان ءىس-شارالار لەگى قانداي؟ – «ءبىزدىڭ مىندەتىمىز – 2017 جىلعا قاراي مەملەكەتتىك ءتىلدى بىلەتىن قا­زاق­ستاندىقتار سانىن 80 پا­يىزعا دەيىن جەتكىزۋ», دەدى مەم­­لەكەت باس­شى­سى ءوز جولداۋىندا. وسى ورايدا, باي­لانىس جانە اق­پا­رات مينيسترلىگى دە مەملەكەتتىك ءتىلدى دا­مىتۋ باعى­تىندا ءبىر­قا­تار ءىس-شا­را­لار­دى ءجۇ­زەگە اسىرۋ­دا. بىرىنشىدەن, مينيسترلىكتە قۇجات­تار­دىڭ 90 پا­يىز­دان اس­تامى مەملەكەتتىك تىلدە جۇرگىزىلە­دى. ۆە­دومست­ۆو­لىق جينا­لىس­­تار تازا قا­زاق تىلىندە وتەدى. ينتەرنەت جەلىسىندەگى قازاق­ستان­دىق سەگ­­­مەنتتى دا­مى­تۋ­عا مەملەكەتتىك قول­­داۋ كور­سە­تۋ باع­دار­لاماسى جۇزە­گە اسىرى­لۋ­دا. مي­نيسترلىكتىڭ باستا­ما­سىمەن 2010 جى­لى ىسكە قو­سىلعان Baq.kz. پور­تا­لى وسى ءسوزى­مىز­گە ايعاق. ياع­ني, اتال­عان اگرەگاتور ار­قىلى ينتەرنەت جەلىسىندەگى قازاق ءتىلدى اق­پا­رات قۇرال­دارى­نىڭ سايتتارىن كو­­بەي­تۋدى جوسپارلاپ وتىرمىز. مۇن­­داي ورتالىق­تان­دى­رىلعان كاتالوگ قا­زاق تىلىندەگى اق­پارات­تار­دىڭ ينتەرنەت جەلىسىندە كەڭى­ن­ەن جانە تەز تاراۋىنا سەپتىگىن تيگىزبەك. سونىمەن بىرگە, قازىر كوپشىلىك اراسىندا قىزۋ تالقىلاۋ تۋدىرىپ وتىرعان «تەلەراديوحابارلارىن تا­­راتۋ تۋرالى» جاڭا زاڭ جوباسى دا تەلەراديو حابارلارىن تاراتۋ رى­نو­گىن­دا مەملەكەتتىك ءتىلدىڭ ۇلە­­سىن ارت­تىرۋ­عا ءوز ۇلەسىن قوسارى داۋسىز. بۇعان قو­سا, مينيسترلىك كومپيۋتەرلىك, اقپا­رات­تىق جۇيە­لەر مەن باع­دارلامالىق ءونىم­دەر­دىڭ ينتەرفەيستەرىن قازاق تىلىنە اۋدارۋدى تالاپ ەتۋ ماسەلەسىن قاراستىرۋدا. ءموبيلدى تەلەفونداردا قازاق ءتىلى قارىپ­تەرى­نىڭ قولدانىلۋىنا باسا نازار اۋدا­رىپ, مەملەكەتتىك ستاندارتتار جوبا­لا­رىن ازىرلەدى. وسى­نىڭ ارقاسىندا, ەلىمىزگە شەت ەلدەن اكەلى­نە­تىن ءار ءتۇرلى ستاندارت­تاعى ۇيالى تەلەفونداردا قازاق قارىپ­تەرى­نىڭ كود­تالۋى جانە ولار­دىڭ ورنالاسۋ رەتتىلىگى, حا­بارلا­ما­لاردى قابىلداۋ جانە جىبەرۋ سەكىلدى تەحنيكالىق تالاپتار قويۋ مۇمكىندىگىنە يە بولدىق. مەملەكەتتىك تىلدە بەرىلەتىن تا­نىم­دىق حابارلاردىڭ قاتارى دا كوبەيدى. سونىمەن بىرگە, مەملە­كەت­تىك تەلەارنالاردىڭ قازاق تىلىندەگى كونتەنتىنىڭ ساپاسىن جو­عارى­لا­تىپ, رەيتينگىن ارتتىرۋ باعى­تىن­دا جۇ­مىس­تار ات­قارىلۋ­دا. – ۇكىمەت قابىلداعان ءىس-جوس­­پارعا سايكەس, وتاندىق اق­پا­راتتىق كەڭىستىكتى دامىتۋ ماقساتىندا ءبىز ساندىق تەلە­ار­ناعا 2015 جىلعا دەيiن كو­شۋi­مiز كەرەك ەكەن. بۇل باعىت­تاعى جۇمىستار قانشالىقتى وڭ­تاي­لاندىرىلدى؟ – تاۋەلسىزدىك العان جىلدارى ەلىمىزدەگى تەلەراديو كومپانيا­لا­رى­­نىڭ سانى ساۋساقپەن سانار­لىق­­تاي عانا ەدى. قازىر وتانداس­تارى­مىز كابەلدىك جەلى مەن سپۋت­­نيكتىك جۇيە ارقىلى جۇزدەگەن تەلەارنا­نى تاماشالاپ, سونشا راديونى تىڭ­داۋعا مۇمكىندىك الىپ وتىر. بۇ­رىن بۇقارا IP-تەحنولوگيا دە­گەن­نىڭ نە ەكەنىن بىلمەيتىن. قازىر قالاعان باعدارلامانى, ءفيلمدى تاپسىرىسپەن كورۋگە, ءتىپتى قايتا­لاپ كورۋگە مۇمكىندىك بەرەتىن بۇل جۇيەنىڭ يگىلىگىن كورۋدە. ياعني, IP-تەحنولوگياعا نەگىزدەلگەن تەلەار­نا­لاردى قازاقستاننىڭ بارلىق ءىرى قالالارىندا كورۋگە بولادى. ءبۇ­گىندە ءبىزدىڭ ەل تۇرعىندارىنىڭ 60-70 پايىزى كابەلدىك جانە سپۋتنيكتىك نەمەسە IP-tv تەلەارنالارىن تاماشالاپ وتىر. ۇستىمىزدەگى جىلدىڭ 18 قاڭ­تارىندا مەملەكەت باسشىسىنىڭ ءوزى DVB-S2 ستاندارتىنداعى ۇلت­تىق سپۋتنيكتىك تەلەراديو تاراتى­لىم جەلىسىن رەسمي تۇردە ىسكە قوس­تى. سپۋتنيكتىك ساندىق تەل­ەۆي­زيا­نى ىسكە قوسۋ – ۇلتتىق تەلەراديو تاراتىلىمىن جاڭا ساندىق تەحنو­لوگياعا كوشىرۋدىڭ العاشقى كەزەڭى. جاسىراتىنى جوق, رەسپۋبلي­كا­مىزدىڭ شەكارالىق ايماق­تارىن­دا قونىستانعان ەلدى مەكەن تۇرعىن­دارى وسى ۋاقىتقا دەيىن وتاندىق تەلەارنالاردى كورە الماي كەلدى. ال سپۋتنيكتىك ساندىق تەلەراديوحابار تاراتۋدى جۇزەگە اسىرۋ ءناتي­جەسىندە تۇرعىندار تەگىن توپتاماعا ەنگىزىلگەن رەسپۋبليكالىق جانە اي­ماقتىق 37 تەلەارنا مەن راديوار­نا­لاردى قابىلداي الادى. قازىرگى كۇنى تەستىك تارتىپتە 18 رەسپۋب­لي­كا­لىق, 14 وبلىستىق تەلەارنالار مەن 3 راديوارنا ءوز حابارلارىن سپۋتنيكتىك جۇيە ارقىلى تاراتۋدا. سپۋتنيكتىك تەلەراديوتاراتىلىم جۇيەسىن ىسكە قوسۋ ءۇشىن الماتى, استانا جانە ورال قالالارىنداعى جەردەن قا­بىل­­داپ-تاراتۋشى 3 ستان­سا جاڭا ءۇل­گىگە كوشىرىلىپ, «قا­زاق­ستاندىق تەلەكوممۋنيكاتسيالار» اق-تىڭ سپۋتنيكتىك جەلىسى حابار تاراتۋدىڭ جاڭا سپۋتنيكتىك ستاندارتىنا اۋىستىرىلدى. ۇلتتىق تەلەراديوحابارلار تا­راتۋ جەلىسىن قۇرۋدىڭ كەلەسى كەزە­ڭ­ىندە قازىرگى قولدانىستاعى بالا­ما­لى ەفيرلىك تاراتىلىمدى DVB/T2 ستاندارتىنداعى ساندىق تاراتى­لىم­عا اۋىستىرۋ مىندەتى تۇر. – ول نەنى كوزدەيدى؟ – بۇل جوبا 2011-2015 جىل­دارعا ارنالعان. ماقساتى – سان­دىق ەفيرلىك تەلەراديوتاراتۋ جە­لى­سىمەن ەلىمىزدىڭ بارلىق اي­ماعىن تولىقتاي قامتۋ. – پرەزيدەنت: «الدىمىزدا اتقارىلار قىرۋار ىستەر بار», دەدى. ال ءسىز قىزمەت اتقاراتىن ۆەدومستۆونىڭ بولاشاققا باع­دارلانعان جۇمىستارىنىڭ دەنى قاي دىڭگەككە نەگىزدەلمەك؟ – ءبىزدىڭ ۆەدومستۆونىڭ بولا­شاق­قا باعدارلانعان جۇمىس­تا­رى­­نىڭ دەنى جەتى باعىتتا ءوربيدى. ولار: اق­پاراتتىق-كوممۋني­كا­تسيا­­­­­لىق ين­فرا­قۇرىلىمدى جاڭ­عىر­تۋ جانە دا­مىتۋ, ساندىق تەلەراديوحابارلار تاراتۋدى دامىتۋ, ينتەر­نەت جەلىسى­نىڭ قازاق­ستاندىق سەگمەنتىن جاندان­د­ىرۋ, ەلەك­ترون­دىق قىزمەت­تەردى ءجا­نە «ەلەكترون­دىق ۇكىمەتتى» جەتىلدىرۋ, باعدارلا­­مالىق قامتاما­سىز ەتۋدى ءازىر­لەۋ جانە Iت-قىزمەت­تەر سەك­تورىن دا­مى­تۋ, جوعارى تەح­نولوگيا­لىق جاب­­­دىقتىڭ وتاندىق ءوندىرىسىن جانە اقپاراتتىق كوممۋنيكاتسيالار سا­لا­سىندا ءبىلىم بەرۋدى ورىستەتۋ. دەمەك, مينيسترلىك بايلانىس جانە اقپاراتتاندىرۋ سالاسىندا قول­جەتىمدى جانە ساپالى قىز­مەتتەردى ۇسىنۋ, ينفوكوم­مۋني­كا­تسيالىق ينفراقۇرىلىمدى, وتان­دىق اقپاراتتىق كەڭىستىكتى دا­مى­تۋ باعىتىندا العا قويىلعان ءىس-شا­را­لاردى جۇزەگە اسىراتىن بولادى. – اڭگىمەڭىزگە راحمەت. اڭگىمەلەسكەن ءلايلا ەدىلقىزى.