قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى  №365

  2015 جىلعى 21 مامىر, استانا قالاسى ازاماتتىق قىزمەتكە كىرۋ جانە ازاماتتىق قىزمەتشىنىڭ بوس لاۋازىمىنا ورنالاسۋعا ارنالعان كونكۋرس وتكىزۋ قاعيدالارىن بەكىتۋ تۋرالى قازاقستان رەسپۋبليكاسىنىڭ 2007 جىلعى 15 مامىرداعى ەڭبەك كودەكسىنىڭ 16-بابىنىڭ 27) تارماقشاسىنا سايكەس بۇيىرامىن: 1. قوسا بەرىلىپ وتىرعان ازاماتتىق قىزمەتكە كىرۋ جانە ازاماتتىق قىزمەتشىنىڭ بوس لاۋازىمىنا ورنالاسۋعا ارنالعان كونكۋرس وتكىزۋ قاعيدالارى بەكىتىلسىن. 2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ەڭبەك جانە الەۋمەتتىك ارىپتەستىك دەپارتامەنتى زاڭنامادا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونى مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋدى; 3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىنا ورنالاستىرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى د.ر.ارعىندىقوۆقا جۇكتەلسىن. 4. وسى بۇيرىق ونى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا «كەلىسىلدى» قازاقستان رەسپۋبليكاسىنىڭ ۇلتتىق ەكونوميكا ءمينيسترى ______________ە.دوساەۆ 2015 جىلعى _____________ «كەلىسىلدى» قازاقستان رەسپۋبليكاسىنىڭ ءبىلىم جانە عىلىم ءمينيسترى ______________ا.ءسارىنجىپوۆ ءمينيستردىڭ م.ا. ە.يمانعاليەۆ 2015 جىلعى 29 مامىر قازاقستان رەسپۋبليكاسى دەنساۋلىق ساقتاۋ جانە الەۋمەتتiك دامۋ مينيسترلىگiنiڭ 2015 جىلعى 21 مامىرداعى №365 بۇيرىعىمەن بەكىتىلگەن ازاماتتىق قىزمەتكە كىرۋ جانە ازاماتتىق قىزمەتشىنىڭ بوس لاۋازىمىنا ورنالاسۋعا ارنالعان كونكۋرس وتكىزۋ قاعيدالارى 1. جالپى ەرەجەلەر 1. وسى ازاماتتىق قىزمەتكە كىرۋ جانە ازاماتتىق قىزمەتشىنىڭ بوس لاۋازىمىنا ورنالاسۋعا ارنالعان كونكۋرس وتكىزۋ قاعيدالارى (بۇدان ءارى – قاعيدالار) قازاقستان رەسپۋبليكاسىنىڭ 2007 جىلعى 15 مامىرداعى ەڭبەك كودەكسىنىڭ 16-بابىنىڭ 27) تارماقشاسىنا سايكەس ازىرلەندى جانە ازاماتتىق قىزمەتكە كىرۋ جانە ازاماتتىق قىزمەتشىنىڭ بوس لاۋازىمىنا ورنالاسۋعا ارنالعان كونكۋرس وتكىزۋ ءتارتىبىن ايقىندايدى. 2. ازاماتتىق قىزمەتشىنىڭ بوس لاۋازىمىنا ورنالاسۋعا كونكۋرستى (بۇدان ءارى – كونكۋرس) بوس لاۋازىمى بار مەملەكەتتىك مەكەمە, قازىنالىق كاسىپورىن (بۇدان ءارى – ۇيىم) ۇيىمداستىرادى جانە وتكىزەدى. 3. ازاماتتىق قىزمەتشى لاۋازىمىنا كانديداتتى ىرىكتەۋ كەزىندە قاجەتتى بەيىن بويىنشا ءبىلىمى, كاسىبي دايارلىق دەڭگەيى, سونداي-اق ازاماتتىق قىزمەتشىگە قويىلاتىن بىلىكتىلىك تالاپتارىنا (بۇدان ءارى – بىلىكتىلىك تالاپتارى) سايكەستىگى نەگىزگى تالاپتار بولىپ تابىلادى. 4. قىزمەتكەرلەرگە قويىلاتىن بىلىكتىلىك تالاپتارى مەن بەلگىلى ءبىر جۇمىس تۇرلەرىنىڭ كۇردەلىلىگى جۇمىسشىلاردىڭ جۇمىستارى مەن كاسىپتەرىنىڭ بىرىڭعاي تاريفتىك-بىلىكتىلىك انىقتامالىعى, جۇمىسشى كاسىپتەرىنىڭ تاريفتىك-بىلىكتىلىك سيپاتتامالارى, باسشىلاردىڭ, مامانداردىڭ جانە باسقا دا قىزمەتشىلەر لاۋازىمدارىنىڭي بىلىكتىلىك انىقتامالىعى, سونداي-اق ۇيىمدار باسشىلارىنىڭ, ماماندارىنىڭ جانە باسقا دا قىزمەتشىلەرى لاۋازىمدارىنىڭ ۇلگىلىك بىلىكتىلىك سيپاتتامالارى نەگىزىندە بەلگىلەنەدى. 2. ازاماتتىق قىزمەتكە كىرۋ 5. ازاماتتىق قىزمەتكە كىرۋ تاعايىنداۋ تارتىبىمەن نەمەسە كونكۋرس بويىنشا جۇمىس بەرۋشىنىڭ شەشىمىنە سايكەس جۇزەگە اسىرىلادى. 6. ازاماتتىق قىزمەتكە قابىلداۋ ەڭبەك شارتىن جاساسۋ جانە جۇمىس بەرۋشىنىڭ اكتىسىن شىعارۋ جولىمەن جۇزەگە اسىرىلادى. ازاماتتىق قىزمەتكە كونكۋرس بويىنشا كىرۋگە كونكۋرستىق كوميسسيانىڭ (بۇدان ءارى – كوميسسيا) وڭ قورىتىندىسى نەگىز بولىپ تابىلادى. ازاماتتىق قىزمەتشى لاۋازىمىنا تاعايىندالۋ ءۇشىن ءوتىنىش بەرۋشى ۇيىمعا قازاقستان رەسپۋبليكاسى ەڭبەك كودەكسىنىڭ 31-بابىنىڭ 1-تارماعىندا كوزدەلگەن قۇجاتتاردى ۇسىنادى. 7. ءوتىنىش بەرۋشىنى ازاماتتىق قىزمەتشى لاۋازىمىنا تاعايىنداۋ ءۇشىن ۇسىنىمدى قاراۋ, كەلىسۋ جانە ۇيىم باسشىسىنا ەنگىزۋ ءتارتىبى ۇيىمنىڭ ىشكى اكتىلەرىندە بەلگىلەنەدى. 8. ازاماتتىق قىزمەتشى لاۋازىمىنا تاعايىنداۋ ادام ءتيىستى بوس لاۋازىمعا قويىلاتىن بىلىكتىلىك تالاپتارىنا سايكەس كەلگەن جاعدايدا جۇزەگە اسىرىلادى. 9. قازىنالىق كاسىپورىننىڭ باسشىسىن تاعايىنداۋدى ءتيىستى سالانىڭ ۋاكىلەتتى ورگانى (جەرگىلىكتى اتقارۋشى ورگان) «مەملەكەتتىك كاسىپورىننىڭ باسشىسىن تاعايىنداۋ جانە اتتەستاتتاۋ, سونداي-اق ونىڭ كانديداتۋراسىن كەلىسۋ قاعيدالارىن بەكىتۋ تۋرالى» قازاقستان رەسپۋبليكاسى ۇلتتىق ەكونوميكا ءمينيسترىنىڭ 2015 جىلعى 2 اقپانداعى №70 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №10379 بولىپ تىركەلدى) بەلگىلەگەن تارتىپپەن جۇزەگە اسىرادى. قازىنالىق كاسىپورىن باسشىسىنىڭ ورىنباسارلارىن لاۋازىمعا وسى كاسىپورىن باسشىسىنىڭ ۇسىنۋى بويىنشا ءتيىستى سالانىڭ ۋاكىلەتتى ورگانى (جەرگىلىكتى اتقارۋشى ورگان) تاعايىندايدى. لاۋازىمعا باسشىنىڭ ۇسىنۋى بويىنشا ءتيىستى سالانىڭ ۋاكىلەتتى ورگانى (جەرگىلىكتى اتقارۋشى ورگان) تاعايىندايتىن قازىنالىق كاسىپورىن قىزمەتكەرلەرىنىڭ نومەنكلاتۋراسى كاسىپورىننىڭ جارعىسىندا بەلگىلەنەدى. 10. ازاماتتىق قىزمەتشى ونىڭ جازباشا ءوتىنىشى بويىنشا ءتيىستى ۇيىمداردىڭ باسشىلارى اراسىنداعى كەلىسىمگە سايكەس باسقا مەملەكەتتىك مەكەمەگە (قازىنالىق كاسىپورىن) جۇمىسقا اۋىستىرىلادى. 11. جوعارى وقۋ ورىندارىنىڭ پروفەسسورلىق-وقىتۋشىلار قۇرامى مەن عىلىمي قىزمەتكەرلەرىنىڭ لاۋازىمدارىن الماستىرۋ «جوعارى وقۋ ورىندارىنىڭ پروفەسسور-وقىتۋشى قۇرامى مەن عىلىمي قىزمەتكەرلەردىڭ لاۋازىمدارعا كونكۋرستىق ورنالاسۋى قاعيدالارىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2015 جىلعى 23 ساۋىردەگى № 230 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 11122 بولىپ تىركەلدى) بەلگىلەگەن تارتىپپەن كونكۋرستىق نەگىزدە جۇزەگە اسىرىلادى. 3. كونكۋرس وتكىزۋ ءتارتىبى 12. ۇيىمدا ازاماتتىق قىزمەتشىنىڭ بوس لاۋازىمى بولعان جاعدايدا ءتيىستى ۇيىم قۇجاتتاردى قابىلداۋ اياقتالعان كۇنگە دەيىن كەمىندە كۇنتىزبەلىك 15 كۇن بۇرىن ينتەرنەت-رەسۋرستا جانە قازاقستان رەسپۋبليكاسىنىڭ بۇكىل اۋماعىنا تارالاتىن مەرزىمدى باسپا باسىلىمدارىندا كونكۋرس وتكىزۋ تۋرالى حابارلاندىرۋ ورنالاستىرادى. 13. حابارلاندىرۋدا كورسەتىلگەن قۇجاتتاردى قابىلداۋ اياقتالاتىن كۇنگە دەيىن قاجەتتى قۇجاتتاردى تابىس ەتكەن ادامدار كونكۋرسقا قاتىسۋشىلار بولىپ تابىلادى. 14. كوميسسيانىڭ شەشىمى نەگىزىندە اڭگىمەلەسۋگە جىبەرىلگەن كونكۋرسقا قاتىسۋشىلار ازاماتتىق قىزمەتشىنىڭ بوس لاۋازىمىنا ورنالاسۋعا كانديداتتار (بۇدان ءارى – كانديداتتار) بولىپ تابىلادى. 15. كوميسسيا كەمىندە بەس ادامنان (كوميسسيا مۇشەلەرىنەن) تۇراتىن القالى ورگان بولىپ تابىلادى. 16. كوميسسيا توراعادان, حاتشىدان (كادر قىزمەتىنىڭ وكىلى) جانە كوميسسيا مۇشەلەرىنەن تۇرادى. 17. قاجەت بولعان جاعدايدا كونكۋرس وتكىزۋ جونىندەگى كوميسسيانىڭ قۇرامىنا ولاردىڭ كەلىسىمى بويىنشا مەملەكەتتىك ورگانداردىڭ جانە باسقا دا ۇيىمداردىڭ وكىلدەرى ەنگىزىلەدى. 18. ۇيىم: 1) كونكۋرس وتكىزۋ تۋرالى شەشىم قابىلدايدى; 2) كونكۋرس وتكىزىلەتىن كۇن مەن ورىندى بەلگىلەيدى; 3) ۇيىمنىڭ قاراجاتى ەسەبىنەن كونكۋرس وتكىزۋ تۋرالى حابارلاندىرۋدىڭ ينتەرنەت-رەسۋرستا جانە مەرزىمدى باسپا باسىلىمدارىندا جاريالانۋىن قامتاماسىز ەتەدى; 4) كونكۋرسقا قاتىسۋ ءۇشىن ۇسىنىلعان قۇجاتتاردى قابىلداۋدى, تىركەۋدى جانە ساقتاۋدى جۇرگىزەدى; 5) كوميسسيانى قالىپتاستىرادى جانە ءوز ۇيىمىنىڭ وكىلدەرى قاتارىنان كوميسسيا توراعاسىن تاعايىندايدى; 6) كوميسسيا وتىرىسىن ۇيىمداستىرادى. 19. كونكۋرس وتكىزۋ تۋرالى حابارلاندىرۋ مىناداي مالىمەتتەردى: 1) ازاماتتىق قىزمەتشىنىڭ بوس لاۋازىمىنىڭ اتاۋىن; 2) ۇيىمنىڭ ورنالاسقان جەرىن, پوچتالىق مەكەنجايىن, تەلەفونىن كورسەتە وتىرىپ ونىڭ اتاۋىن, نەگىزگى قىزمەتىنىڭ قىسقاشا سيپاتتاماسىن; 3) كونكۋرسقا قاتىسۋشىلارعا قويىلاتىن بىلىكتىلىك تالاپتارىن; 4) قۇجاتتاردى قابىلداۋ اياقتالاتىن كۇنى مەن ۋاقىتىن قامتيدى. قاجەت بولعان جاعدايدا حابارلاندىرۋدا قازاقستان رەسپۋبليكاسىنىڭ زاڭناماسىنا قايشى كەلمەيتىن قوسىمشا اقپارات قامتىلادى. 20. كونكۋرسقا قاتىسۋعا نيەت بىلدىرگەن ادام حابارلاندىرۋدا كورسەتىلگەن قۇجاتتاردى قابىلدايتىن مەرزىمدە ۇيىمعا قولما-قول نەمەسە پوچتا ارقىلى مىناداي قۇجاتتاردى: 1) قوسا بەرىلەتىن قۇجاتتاردىڭ تىزبەسى كورسەتىلگەن كونكۋرسقا قاتىسۋ تۋرالى ءوتىنىشتى; 2) جەكە باسىن كۋالاندىراتىن قۇجاتتىڭ كوشىرمەسىن; 3) كادرلاردى ەسەپكە الۋ جونىندەگى تولتىرىلعان جەكە پاراقتى (ناقتى تۇراتىن مەكەنجايى مەن بايلانىس تەلەفوندارى كورسەتىلگەن); 4) لاۋازىمعا قويىلاتىن بىلىكتىلىك تالاپتارىنا سايكەس ءبىلىمى تۋرالى قۇجاتتاردىڭ كوشىرمەلەرىن; 5) ەڭبەك قىزمەتىن راستايتىن قۇجاتتىڭ كوشىرمەسىن; 6) «دەنساۋلىق ساقتاۋ ۇيىمدارىنىڭ باستاپقى مەديتسينالىق قۇجاتتاما نىساندارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترى مىندەتىن اتقارۋشىسىنىڭ 2010 جىلعى 23 قاراشاداعى № 907 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6697 بولىپ تىركەلدى) بەكىتىلگەن نىسان بويىنشا دەنساۋلىق جاعدايى تۋرالى انىقتاما ۇسىنادى. كورسەتىلگەن قۇجاتتاردىڭ ءبىرىنىڭ بولماۋى قۇجاتتاردى كونكۋرسقا قاتىسۋشىعا قايتارۋ ءۇشىن نەگىز بولىپ تابىلادى. كونكۋرسقا قاتىسۋشى, بولعان جاعدايدا ونىڭ بىلىمىنە, جۇمىس تاجىريبەسىنە, كاسىبي دەڭگەيىنە قاتىستى قوسىمشا اقپاراتتى (بىلىكتىلىگىن ارتتىرۋ, عىلىمي دارەجە مەن اتاق بەرۋ, عىلىمي جاريالانىمدار تۋرالى قۇجاتتاردىڭ كوشىرمەلەرى, الدىڭعى جۇمىس ورنىنداعى باسشىلىق بەرگەن ۇسىنىمدار جانە ت.س.س.) ۇسىنادى. 21. كونكۋرس مىناداي كەزەڭدەردەن تۇرادى: 1) كونكۋرسقا قاتىسۋشىلاردىڭ بىلىكتىلىگىن باعالاۋ; 2) كانديداتتارمەن اڭگىمەلەسۋلەر وتكىزۋ; 3) كونكۋرستىڭ قورىتىندىسىن شىعارۋ. 22. قۇجاتتاردى قابىلداۋ اياقتالعان كۇننەن كەيىن بەس جۇمىس كۇنى ىشىندە كوميسسيا قاتىسۋشىنىڭ بىلىكتىلىك تالاپتارىنا سايكەستىگىن باعالاۋدى جۇرگىزەدى. 23. كونكۋرسقا قاتىسۋشىلاردىڭ بىلىكتىلىك تالاپتارىنا سايكەس كەلۋ مانىنە جۇرگىزىلگەن باعالاۋ ناتيجەلەرى بويىنشا كوميسسيا داۋىس بەرۋ جولىمەن بىلىكتىلىك تالاپتارىنا سايكەس كەلەتىن كانديداتتاردىڭ ءتىزىمىن بەكىتۋ تۋرالى جانە (نەمەسە) اڭگىمەلەسۋگە جىبەرۋدەن باس تارتۋ تۋرالى شەشىمدەر قابىلدايدى. 24. ۇيىم كانديداتتاردىڭ ءتىزىمىن بەكىتكەن كۇننەن باستاپ ءۇش جۇمىس كۇنى ىشىندە: 1) بىلىكتىلىك تالاپتارىنا سايكەس كەلەتىن كونكۋرسقا قاتىسۋشىلاردى كانديدات رەتىندە بەكىتۋ تۋرالى, اڭگىمەلەسۋ وتەتىن كۇن, ۋاقىت جانە ورىن تۋرالى حاباردار ەتەدى. بۇل رەتتە اڭگىمەلەسۋ وتەتىن كۇن كانديداتتاردىڭ اڭگىمەلەسۋگە كەلۋى ءۇشىن قاجەتتى ۋاقىتتى قامتاماسىز ەتۋدى ەسكەرە وتىرىپ بەلگىلەنەدى; 2) بىلىكتىلىك تالاپتارىنا سايكەس كەلمەيتىن كونكۋرسقا قاتىسۋشىلاردى اڭگىمەلەسۋگە جىبەرۋدەن باس تارتۋ تۋرالى حاباردار ەتەدى. 25. كوميسسيا كانديداتتارمەن اڭگىمەلەسۋ جۇرگىزگەن كەزدە كانديداتتاردىڭ وسى لاۋازىمعا فۋنكتسيونالدىق مىندەتتەردى ورىنداۋىنا قاجەتتى كاسىبي بىلىمدەرى ايقىندالادى. 26. كوميسسيا وتىرىسى ونىڭ قۇرامىنىڭ جالپى سانىنىڭ كەمىندە ۇشتەن ەكىسى قاتىسقان جاعدايدا وتكىزىلەدى. 27. كوميسسيا وتىرىسىنىڭ قورىتىندىلارى بويىنشا شەشىم كانديداتتىڭ قاتىسۋىنسىز اشىق داۋىس بەرۋ جولىمەن ءبىر كۇن ىشىندە قابىلدانادى. 28. كانديدات, ەگەر وعان كوميسسيا قۇرامىنان قاتىسىپ وتىرعانداردىڭ كوپشىلىگى داۋىس بەرگەن جاعدايدا وڭ قورىتىندىعا يە بولادى. داۋىس بەرگەن كەزدە داۋىستار تەڭ بولعان جاعدايدا كوميسسيا توراعاسىنىڭ داۋىسى شەشۋشى بولىپ تابىلادى. 29. كوميسسيا شەشىمىمەن كەلىسپەگەن جاعدايدا كوميسسيانىڭ كەز - كەلگەن مۇشەسىنىڭ جازباشا تۇردە باياندالاتىن جانە كوميسسيا وتىرىسىنىڭ حاتتاماسىنا قوسا بەرىلەتىن پىكىرىن بىلدىرەدى. 30. كوميسسيانىڭ شەشىمى توراعا مەن كوميسسيا مۇشەلەرى, سونداي-اق حاتتامالاۋدى جۇزەگە اسىراتىن حاتشى قول قوياتىن حاتتامامەن رەسىمدەلەدى. 31. ۇيىم اڭگىمەلەسۋدەن وتكەن كانديداتتارعا كونكۋرس اياقتالعان كۇننەن باستاپ ءۇش جۇمىس كۇنى ىشىندە ونىڭ ناتيجەلەرى تۋرالى جازباشا حابارلايدى. حابارلامامەن بىرگە كانديداتتارعا ۇيىمنىڭ مورىمەن كۋالاندىرىلعان كوميسسيا وتىرىسى حاتتاماسىنىڭ كوشىرمەسى (ول بولعان جاعدايدا) جىبەرىلەدى. 32. كوميسسيا كونكۋرستىق ىرىكتەۋدىڭ قورىتىندىلارى بويىنشا ۇيىمنىڭ باسشىسىنا كونكۋرستىڭ جەڭىمپازىن ازاماتتىق قىزمەتشى لاۋازىمىنا قابىلداۋ تۋرالى ۇسىنىممەن قوسا كوميسسيانىڭ شەشىمىن ەنگىزەدى. 33. ەگەر كونكۋرس ناتيجەسىندە كوميسسيا وسى لاۋازىمعا ورنالاسۋعا كانديداتتاردى انىقتاماعان بولسا, كونكۋرس وتكىزىلمەدى دەپ تانىلادى. 34. كوميسسيانىڭ وڭ قورىتىندىسىنا يە بولعان كانديداتپەن ۇيىمنىڭ باسشىسى ازاماتتىق قىزمەتشى تانىستىرىلاتىن ەڭبەك شارتىن جاساسادى جانە ازاماتتىق قىزمەتكە قابىلداۋ تۋرالى اكت شىعارادى. 4. قورىتىندى ەرەجەلەر 35. كونكۋرسقا قاتىسۋشىلار مەن كانديداتتار وزدەرىنە قاتىسى بار بولىگىندە كونكۋرستىق قۇجاتتارمەن جانە كوميسسيانىڭ شەشىمدەرىمەن تانىستىرىلادى. 36. كوميسسيانىڭ شەشىمىنە كونكۋرسقا قاتىسۋشىلار مەن كانديداتتار سوت تارتىبىمەن شاعىمدانادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 26 ماۋسىمداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11464 بولىپ ەنگىزىلدى.