زاڭ جوبالارى قارالدى

كەشە پارلامەنت ءماجىلىسىنىڭ توراعاسى ورال مۇحامەد­جا­نوۆتىڭ جەتەكشىلىگىمەن پالاتا بيۋروسىنىڭ كەزەكتى وتىرىسى ءوتتى. وندا ءماجىلىستىڭ جالپى وتىرىسىنا شىعارىلاتىن ماسەلەلەر سارالاندى. پالاتانىڭ حالىقارالىق ىستەر, قورعانىس جانە قاۋىپسىزدىك كوميتەتى دەپۋتاتتاردىڭ تالقى­سى­نا ەكى زاڭ جوباسىن ۇسىناتىن بولدى. ەكونوميكالىق رەفورما جانە وڭىرلىك دامۋ كوميتەتىنىڭ ۇسى­نۋى­مەن كەيبىر زاڭدارعا تۇرعىن ءۇي قاتىناستارى ماسەلەلەرى بوي­ىنشا تۇزەتۋلەر ەنگىزۋدى قاراس­تى­راتىن زاڭ جوباسى ءبىرىنشى وقى­لىمدا تالقىعا شىعارىلادى دەپ شەشىلدى. قارجى جانە بيۋدجەت كوميتەتى ەلەكتروندىق اقشا ماسە­لە­لەرىنە قاتىستى زاڭ جوباسىن ءبىرىنشى وقىلىمدا قاراۋدى ۇسىندى. زاڭناما جانە سوت-قۇقىقتىق رەفورما كوميتەتى «ەسiرتكi, پسي­حوتروپتىق زاتتار, پرەكۋرسورلار جانە ولاردىڭ زاڭسىز اينالىمى مەن تەرiس پايدالانىلۋىنا قارسى iس-قيمىل شارالارى تۋرالى» زاڭ­عا تولىقتىرۋ ەنگىزۋ تۋرالى» زاڭ جوباسىنىڭ دايىن ەكەنىن ءمالىم ەتسە, اگرارلىق ماسەلەلەر كوميتەتى جەر كودەكسىنە وزگەرىستەر مەن تولىقتىرۋلار ەنگىزۋدى كوزدەيتىن زاڭ جوباسىن ەكىنشى وقىلىمدا تال­قىعا شىعارعالى وتىر. «ەگەمەن-اقپارات».