جىلىجايدا نيدەرلاندتىق اگرونوم جۇمىس ىستەيدى

قازىر اقتوبەنىڭ ساۋدا ورىندارىنان جىل بويى كوكونىس ونىمدەرى ۇزىلمەيدى. بۇعان گوللانديالىق تەحنولوگيامەن جۇمىس ىستەيتىن «Izet GreenHouse» جشس ەلەۋلى ۇلەس قوسىپ كەلەدى. كىشكەنە عانا كەسەدەي قالبىرعا وتىرعىزىلعان قىزاناق تۇقىمىنىڭ كەرىلگەن جىڭىشكە ءجىپتى قۋالاي ورمەلەپ, ساباق سالىپ, ءونىم بەرگەنىن كورگەندە تاڭعالارىڭ ءسوزسىز. بۇل بۇدان بەس-التى جىل بۇرىنعى العاشقى جىلىجايلار سالىنا باستاعانداعى تاڭعالۋشىلىق بولاتىن. قازىر بۇعان دا ەت ۇيرەنىپ بولدى. دەگەنمەن, اراعا ۋاقىت سالىپ كەلگەنىمىزدە جىلىجايداعى قىزاناقتىڭ ورنىن قيار باسىپتى. سەرىكتەستىك ديرەكتورى مالىك قۇسايىنوۆتىڭ شارۋانىڭ ادامى ەكەنىن بۇرىننان دا بىلەتىنبىز. ۇنەمى ىزدەنىستە جۇرەتىن ىسكەر جىگىت اڭگىمەنى ارىدەن ءوربىتتى. – 2008 جىلى جەر تەلىمىن الىپ, جىلىجاي سالۋعا بەل بۋدىق. تاڭداۋ جىلىجاي شارۋاشىلىعىندا الەمدىك وزىقتار قاتارىنداعى گوللانديا تەحنولوگياسىنا ءتۇستى. ءبىر جىلدان كەيىن قۇرىلىستى باستاپ كەتتىك. تەحنولوگيا دا, ماتەريال دا, ولاردى ورناتقان ماماندار دا گوللانديادان اكەلىندى. 2010 جىلى جەلتوقسان ايىندا جىلىجاي تولىق پايدالانۋعا بەرىلدى, قىزاناق تۇقىمى دا سول ەلدەن جەتكىزىلدى. 2011 جىلى ساۋىردە العاشقى ءونىمدى جينادىق. بەس جىل قاتارىنان قىزاناق ەگىپ, جىلىنا 1800 توننا قىزاناق جيناپ, وتكىزدىك. بۇل جوباعا سالىنعان 1238 ميلليون تەڭگە نەسيەنى تولىقتاي قايتارۋعا مۇمكىندىك بەردى, – دەيدى ول پايدالى شارۋانى قولعا العانىنا ريزا كوڭىلمەن. جوبانى «قازاگروقارجى» اق قار­جى­لاندىرۋىمەن گوللانديانىڭ «Dاlsem Hor­ticultural Projects BV» كومپانياسى ءجۇ­زەگە اسىردى. جىلىجاي كەشەنىندە گوللانديالىق تۇقىمدار پايدالانىلادى جانە نيدەرلاندتان شاقىرىلعان اگرونوم فرەد ۆان كلينگ تۇراقتى نەگىزدە قىز­مەت ىستەي­دى. جىلىجاي تولىقتاي گازبەن جىلى­تى­لادى. «Izet GreenHouse» جشس ەلىمىزدىڭ باتىس ءوڭىرىن كوكونىس ونىمدەرىمەن قامتاماسىز ەتۋگە ارنالعان قازاقستاننىڭ وزىق ين­ۆەس­تيتسيالىق جوبالارىنىڭ قاتارىنا جاتادى. وبلىس جانە قالا اكىمدىكتەرىنىڭ قول­داۋىمەن كەشەن وبلىس نارىعى مەن ءدۇ­كەندەرىن ونىمدەرمەن قامتاماسىز ەتىپ وتىر. ءونىم مينەرالدى تىڭايتقىشتاردى قول­دانا وتىرىپ, گوللانديالىق تەحنولوگيا­مەن, ەكولوگيالىق تازا ادىسپەن وندىرىلەدى. سەرىكتەستىك ءوز ونىمدەرىن رەسەيدىڭ ورىن­­­بور وبلىسىنا وتكىزە باستادى. قا­زىر جىلى­­جاي كەشەنىندە 50 ادام ەڭبەك ەتەدى. سە­رىك­تەستىك جىلىجايدا اقتوبە اۋىل شا­رۋا­­­شىلىعى كوللەدج تۇلەك­تەرى­نىڭ ءتاجى­ري­بەدەن وتۋلەرىنە جاعداي تۋعى­زىپ وتىر, ولاردىڭ قاتارىنان جۇمىس­قا الىن­عاندارى دا بار. – مۇندا جۇمىسقا تۇرعانىما كوپ بولعان جوق. جۇمىسىم وزىمە ۇنايدى, ەڭبەك­­اقىسى دا ءتاۋىر. تازا دا جارىق جەردە ەڭ­­بەك ەتەمىن, – دەيدى تالعات تامەنباەۆ. – ءبىز ونىمدەرىمىزگە دەگەن سۇرانىستى ەسكەرىپ, ءوندىرىستى كەڭەي­تۋگە باعىت ۇستاپ وتىر­مىز. قالالىق اكىمدىك جاڭا جىلىجاي ورنالاستىرۋعا 3 گەكتار جەر ءبولدى. سول كەزدە ەكى جىلىجايعا قىزاناق پەن قيار­دى الماستىرىپ ەگۋگە قول جەتكىزەمىز. بۇل ءونىم­دىلىكتى ارتتىرا تۇسەدى دەپ ويلايمىز. وعان دا گوللانديالىق تەحنولوگيا ورناتىلاتىن بولادى, – دەيدى مالىك قۇسايىنوۆ. اۋىل شارۋاشىلىعى سالاسىنداعى كاسىپ­كەرلەردىڭ گوللانديالىق تەحنولوگياعا ۇمتى­لۋلارىنىڭ دا ءجونى بار ەكەن. نيدەر­لاند قازاقستان ەكونوميكاسىنا قارجى قۇيىپ وتىرعان ءىرى ينۆەستور بولىپ تابىلادى. ساتىبالدى ءساۋىرباي, «ەگەمەن قازاقستان» اقتوبە وبلىسى سۋرەتتى تۇسىرگەن حايرەدەن راۋشانوۆ