ەلباسى قابىلدادى

مەملەكەت باسشىسى نۇرسۇلتان نازارباەۆ جامبىل وبلىسىنىڭ اكىمى قانات بوزىمباەۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. ق.بوزىمباەۆ پرەزيدەنتكە 2010 جىلعى وبلىستىڭ الەۋمەت­تىك-ەكونوميكالىق دامۋىنىڭ قو­رى­تىندىلارى, اعىمداعى جىلعا ارنالعان جوسپارى تۋرالى بايان­دادى. كەزدەسۋ بارىسىندا سونداي-اق جامبىل وبلىسىندا ىسكە اسى­رىلىپ جاتقان ينۆەستيتسيالىق جو­بالار تۋرالى اڭگىمە بولدى. 2010 جىلى ينۆەستيتسيا تارتۋ كولەمى 140 ميللياردتان استام تەڭ­گەنى قۇرادى, بۇل 2009 جىل­عىدان 58 پايىز ارتىق. وڭدەۋشى, مەتاللۋرگيالىق جانە كەن-بايىتۋ سالالارى باسىم باعىتتار بولىپ تابىلادى. وتكەن جىلى جامبىل وبلى­سىندا ۇدەمەلى يندۋستريالىق دامۋ باعدارلاماسى بويىنشا 56 ميلليارد تەڭگە بولاتىن 8 جوبا ىسكە اسىرىلدى. 2,5 مىڭنان استام جاڭا جۇمىس ورىندارى اشىلدى. 2011 جىلى 10 جاڭا يندۋس­تريا­لىق-يننوۆاتسيالىق نىسان ىسكە قوسىلاتىن بولادى. ءۇش ءىرى كا­سىپ­ورىننىڭ قۇرىلىسى باستالادى. مىسالى, 394 ميلليارد تەڭگە بولاتىن كۇردەلى مينەرالدىق تىڭ­ايتقىشتار ءوندىرىسىنىڭ زاۋى­تى, 13 ميلليارد تەڭگە كولەمىن­دە­گى قۇس فابريكاسى جانە 12 ميلليارد تەڭگە بولاتىن كۇكىرت قىش­قىلى تسەحى قۇرىلىستارى قولعا الىنباق. – وتكەن جىلى ونەركاسىپ ءوندىرىسىنىڭ ءوسىمى 114 پايىزدى قۇرادى. جالپى وڭىرلىك ءونىم 8 پايىزعا ءوستى. جەرگىلىكتى بيۋدجەتكە سالىق جيناۋ 26 پايىزعا ۇل­عايدى. 2010 جىلى اۋىل شارۋا­شى­لىعى سالاسىنداعى 202 گەكتار سۋارمالى جەر تامشىلاتىپ سۋا­رىلدى. اعىمداعى جىلى اتالعان تەحنولوگيا ەگىستىك كولەمىنىڭ 1400 گەكتارىنا پايدالانىلادى. ال قۇنى 610,5 ميلليون تەڭگە بولاتىن 40 سۋ شارۋاشىلىعى نىسانىنا جوندەۋ جۇمىستارى جۇرگىزىلدى. ءوڭىردىڭ سۋارمالى جەرىنىڭ 65 مىڭ گەكتارىن سۋارۋ­دى قامتاماسىز ەتەتىن 406 شا­قىرىم كانال جوندەۋدەن ءوتتى, – دەدى اكىم كەزدەسۋدىڭ قورىتىن­دىسى بويىنشا جۋرناليستەرگە ارنالعان بريفينگتە. – اعىمداعى جىلى كوشەلەردى جوندەۋدەن وتكىزۋگە 6 ميلليارد تەڭگە ءبولىندى. جول توسەمىنىڭ 600-دەن استام شاقىرىمىنا جوندەۋ جۇمىستارى جۇرگىزىلمەك. وبلىستا 220 مىڭ شارشى مەتر تۇرعىن ءۇي سالىنادى. ال, 28 مىڭ ادام تۇرىپ جاتقان 10 ەلدى مەكەن تازا اۋىز سۋمەن قامتاماسىز ەتىلەدى. سونىمەن قاتار, بيىلعى جىلى 3 جاڭا مەكتەپ جانە بىرنەشە بالاباقشا اشىلادى, – دەدى ق.بوزىمباەۆ. پرەزيدەنتتىڭ تاپسىرماسى بوي­ىنشا بيىلعى جىلى كاسىپ­كەرلىكتى دامىتۋعا ەرەكشە نازار اۋدارىلاتىن بولادى. «بيزنەستىڭ جول كارتاسى» اياسىندا جامبىل وبلىسىنا 4 ميلليارد تەڭگە ءبو­لىنگەن. بۇل قاراجات كاسىپ­كەر­لەردى قولداۋعا, يندۋستريالىق ينفراقۇرىلىمدى دامىتۋعا جانە مامانداردى دايارلاۋعا جۇم­سا­لا­تىن بولادى.