جاۋاپكەرشىلىككە تارتىلدى

پروكۋراتۋرا ورگاندارى تەگىن جوعارى ءبىلىم الۋعا ارتىقشىلىقتارى بار بالالارعا قاتىستى مەملەكەتتىك ءبىلىم گرانتتارىن بەرۋدىڭ زاڭدى­لى­عىنا تەكسەرۋ جۇرگىزدى. سويتسە, ۋاكىلەتتى ورگاندار ءبىلىم العىسى كەلەتىن بالالار قۇقىقتارىنىڭ تەڭدىك قاعيداتىن ءاردايىم قامتاماسىز ەتە بەرمەيدى ەكەن. ال زاڭعا سايكەس, رەسپۋبليكالىق جانە حالىقارالىق سپورت جارىستارىنىڭ جەڭىمپازدارى ءبىلىم گرانتتارىن الۋعا ارنالعان ارتىقشىلىق قۇقىقتارىنا يە بولادى. بۇل رەتتە, زاڭنىڭ اتالعان نورماسى مەكتەپ تۇلەكتەرىنە دە, كوللەدج تۇلەكتەرىنە دە بىردەي. الايدا, زاڭنىڭ اتالعان تالاپتارى بۇزىلعا­ن­دىقتان كوللەدجدەردىڭ 2010 جىلعى تۇلەكتەرى ءتۇرلى سپورت جارىستارىنىڭ جەڭىمپازدارى بولا تۇرا ءبىلىم الۋعا ارنالعان باسىمدىق قۇقىعىنان ايىرى­لىپ قالعان. اتاپ ايتقاندا, ءتىزىم «دارىن» رەس­پۋب­ليكالىق عىلىمي-پراكتيكالىق ورتالى­عى­نىڭ باس­تا­ماسى بويىنشا تەك مەكتەپ تۇلەكتەرى اراسىنان عانا ازىرلەنگەن. ال كوللەدج بىتىرگەن بالالار بولسا, ودان تىس قالعان. وسىلايشا, «دا­رىن» رەس­پۋبليكالىق عىلىمي-پراكتيكالىق ورتا­لىعى زاڭدا كوزدەلگەن ارتىقشىلىق قۇقىقتارىنا يە ادام­دار­دى نەگىزسىز شەكتەي وتىرىپ, با­لالاردىڭ كونس­تيتۋتسيالىق قۇقىقتارىنا نۇقسان كەلتىرگەن. سون­دىقتان اتالعان مينيسترلىك پەن عىلىمي-پراك­تي­كالىق ورتالىقتىڭ كىنالى لاۋازىم يەلەرى تارتىپتىك جاۋاپكەرشىلىككە تارتىلدى, دەپ حابارلادى باس پروكۋراتۋرانىڭ رەسمي وكىلى جاندوس ومىراليەۆ. «ەگەمەن-اقپارات».