قالانى دۇرلىكتىرگەن قاندى وقيعا

ورال قالاسىنا تاياۋ ماڭداعى ور­مان القابىنان انالى-بالالى رە­­سەي ازاماتتارىنىڭ قاتىگەز­دىك­پەن ولتىرىلگەن مۇردەلەرى تابىل­دى. ورال قالاسىنىڭ 55 جاستاعى ل. دەگەن تۇرعىنى ريازان قا­لاسىنان كەلگەن تۋىسقان­دا­رى­نىڭ ءىس-ءتۇسسىز جوعالىپ كەتكەندىگى جونىندە قالالىق ىشكى ىستەر باس­قارماسىنا قاراستى اباي پوليتسيا بولىمىنە شاعىمدانعان. وقيعا بىلاي بولىپتى. انا­لى-بالالى ريازاندىقتار ورال قالاسىنا مۇراعا قالدىرىلعان پاتەردى ساتۋ ءۇشىن كەلگەن ەكەن. وسىناۋ قايعىلى وقيعا بولاتىن كۇنى ولار الدىن-الا تەلەفون ارقىلى سويلەسىپ جۇرگەن ساتىپ الۋشىلارمەن كەزدەسۋگە اسى­عىپ­تى. بىراق, ولار تاڭەرتەڭگىلىك ۇيدەن شىعىپ كەتكەننەن قايتىپ ورالماعان. كۇتە-كۇتە ءتوزىمى تاۋ­سىلعان تۋىسى ءبىر جاماندىقتىڭ بولعانىن ءىشى سەزگەندەي, ەرتەسىنە پوليتسياعا حابارلاسقان. كەلەسى كۇنى پوليتسيا قىزمەت­كەرلەرى اتالعان فاكتى بويىنشا قر قك 96-بابى 2-ءبولىمى «ا» تار­ماعى بويىنشا قىلمىستىق ءىس قوزعاپ, جەدەل ىزدەستىرۋ شارا­لارى قولعا الىنعان. جۇرگىزىلگەن ىزدەستىرۋ شارالارى بارىسىندا قىل­مىس جاسادى دەگەن كۇدىكپەن ورال قالاسىنىڭ ءتورت تۇرعىنى قولعا ءتۇستى. اتالعان كۇدىك­تى­لەر­دىڭ رەسەي ازاماتتارىن پاتەردى يەلەنۋ ءۇشىن ولتىرگەنى بەلگىلى بول­دى. ولار پاتەر ساتىلا­تىن­دىعى جونىندە جارنامانى جەرگىلىكتى گازەتتەن كورىپ, ساتىپ الۋ­شىلار كەيپىندە پاتەر يەسىنە حابارلاسقان. ياعني, وزدەرىنىڭ جى­مىسقى ارەكەتىن بۇگە-شىگەسىنە دەيىن جوسپارلاعان ءتا­رىز­دى. ۋاع­دالاسقان ۋاقىتىندا پاتەر يەلەرىمەن كەزدەسكەن بويدا قارۋ­مەن قورقىتىپ, قالاداعى نوتا­ريۋس­­تاردىڭ بىرىنە الىپ كەلگەن. كو­لىكتىڭ ىشىندە اناسىن تاپانشامەن قورقىتىپ, كەپىلدىككە العان. ال مۇراگەرلىككە قالدىرىلعان ءپا­تەر يەسى بولىپ تابىلاتىن بالا­سىن نوتاريۋسكە كىرگىزىپ, ساتىپ الۋ-ساتۋ تۋرالى كەلىسىم-شارتقا قول قويدىرعان. ودان ءارى ءجابىر­لە­نۋشىلەردى تەمىر جول ماڭايىن­داعى ادام كوپ جۇرمەي­تىن جەرگە اپارىپ, قىلعىندىرىپ  ولتىرگەن. ادام قانىن موينىنا جۇكتەۋدەن تايىنباعان تورتەۋ مۇردەلەردى قالاعا جاقىن ورنا­لاسقان ششاپوۆ اۋىلىنىڭ ما­ڭىن­داعى ورمان ال­قا­بىنا  اپا­رىپ, قالىڭ قارعا جا­سىر­عان. جەدەل ءىس-شارالار بارى­سىندا ءتار­تىپ ساقشىلارى كۇدىك­تىلەردى الاياقتىق جولمەن قول جەتكىزگەن پاتەر ورنالاسقان تۇرعىن ءۇيدىڭ قاسىنان قولعا ءتۇسىردى. ۇي­ىم­داسقان توپتىڭ بارلىق ءمۇ­شە­سى دە ورال قالاسىنداعى كافە­لەر­دىڭ بىرىندە جۇمىس جاسايتىن جاس جىگىتتەر بولىپ شىقتى. ول­ار­دىڭ ۇلكەنى – 1985 جىلى, ەڭ جاسى 1992 جىلى تۋعان. قازىر قىلمىستىق ءىس بويىن­شا سوتتىق ساراپتاما تاعايىن­دال­دى. تەرگەۋ امالدارى جۇرگىزىلۋدە. فاتيحوللا ماشتاقوۆ, پوليتسيا پولكوۆنيگى. باتىس قازاقستان وبلىسى.