وڭىردە ۆەلوسپورت بەدەلى ءوسىپ كەلەدى

اتاقتى ۆەلوشاباندوز الەكساندر ۆينوكۋروۆ لوندون تورىندە جەڭىستىڭ ەڭ بيىك تۇعىرىنا كوتەرىلگەننەن كەيىن سولتۇستىك وڭىردە جەرلەس اعالارىنا ۇقساعىسى كەلگەن جاس تولقىننىڭ سانى كۇرت ارتتى. قازىر ولاردىڭ الدى حالىقارالىق جارىس­تاردا توپ جارىپ, ريو وليم­پياداسىنا قاتىسىپ قايتتى. ءبىز تەگەۋرىندى توپتىڭ ءبىر شوعىرىن تاربيەلەۋمەن اينالىساتىن ۆەلوسپورتتان وليمپيادالىق رەزەرۆتەگى مامانداندىرىلعان بالالار مەن جاسوسپىرىمدەر سپورت مەكتەبىنىڭ ديرەكتورى ۆلاديمير پاراحينگە جولىعىپ, اڭگىمەلەسكەن ەدىك. ­– ۆلاديمير الەكسەەۆيچ, بۇگىن­دە شاكىرتتەرىڭىزدىڭ ەسىم­دەرى الەمگە تانىمال. الەم چەمپيو­نىن دا قاناتتاندىرىپ ۇشىردىڭىزدار. – ءيا, 1998 جىلدان بەرى جۇ­مىس ىستەپ كەلە جاتقان مەكتەپ, ءوڭىر­دى ايتپاعاندا, ەلىمىزدەگى ۆەلو­سپورتتىڭ دامۋىنا زور ۇلەسىن قوسىپ, ىنتالى دا تالاپتى بالالاردى وزىندىك ەرەكشەلىكتەرى مول سپورتتىڭ وسى ءبىر قيىن تۇرىنە تالماي باۋلىپ كەلەدى. وسى جىلدار بەدەلىندە ءبارى دۇرىس, تاقتاي­داي جازىق بولدى دەسەك, ەشكىم سەنە قويماس. جۇيكەنى جۇقارتاتىن پروبلەمالاردى باستان قانشا وتكەرسەك تە, ماقساتىمىزدان اينى­­عان ەمەسپىز. ءتىپتى, قاراجات تاپ­­شى­لىعى­نان مەكتەپتى ۋاقىتشا جابۋعا دا تۋرا كەلگەن. دەسەك تە, مۇددەلى ورىنداردىڭ ءتۇيىندى ماسە­­لە­­لەردى بايىپتىلىقپەن شەشە ءبىلۋ­دىڭ ارقا­سىن­دا ماتەريالدىق-تەحنيكالىق بازامىز انا­عۇرلىم جاقساردى. قازىر مۇندا 10-17 جاس ارا­لى­عىنداعى 200-گە جۋىق ءتار­بيە­لەنۋشى جاتتىعادى. ولاردىڭ 12-ءسى وبلىس قۇراماسىنا الىنىپ, بايراقتى باسەكەلەردە ەل نامىسىن قورعاپ ءجۇر. – بۇرىندارى ارنايى جات­تى­عاتىن ورىنداردىڭ جەتىس­پەۋشىلىگىنەن قينالىپ جۇرەتىن ەدىڭىزدەر. ءتۇيىندى ماسەلە شەشى­مىن تاپتى ما؟ – ۆەلوسپورتشىلار كەشەندى ءارى ۇزبەي جاتتىققاندا عانا سپورت­تىق بابىن ساقتايدى. جاز ماۋسىمىندا ياۆلەنكا, مامليۋتكا, ارحانگەلكا تاسجولدارىن, بوركي كەنتىندەگى تراسسانى پايدالانامىز. اۋلامىزدا شاعىن ۆەلودرو­مىمىز, «جەڭىس» بالالار مەن جاس­وسپىرىمدەر سپورت مەكتەبىندە, №17 ۇلتتىق وركەندەۋ مەكتەبىندە جانە قىزىلجار اۋدانىندا فيليالدارىمىز بار. قىستا جالپى اۋماعى 70 شارشى مەتردى قۇرايتىن ەكى ءبول­مەدە سىعى­لىسىپ, دايىندالۋ جايى قاتتى قيناي­تىن. بىل­تىر بوي كوتەرگەن امبەباپ سپورت سارايىنان حا­لىقارالىق تالاپتارعا ساي جابدىق­تال­عان جەڭىل اتلەتيكا مانەجى مەن ۆەلوزال بەرىل­­دى. جەر­گى­لىك­تى قازىنادان بولىنگەن قارا­­جات­قا 33 ۆەلوترەناجەر ساتىپ الىندى. دەسەك تە, ۆەلوسپورتتاعى باستى پروبلەما – جول. كەي كەزدەرى بال­عىن­دار باستارىن قاتەرگە تىگىپ, اۆتوكولىكتەرمەن بىرگە جۇرۋگە ءماج­­بۇر. تاسجول تاقتايداي ءتۇزۋ, تەگىس بولسا, ءبىر ءسارى. شاعىن عانا بەل­گيا­دا 35 مىڭ شاقى­­رىم ۆەلو­جولاق بار كورى­نەدى. امانشى­لىق بول­سا, ول كۇنگە دە جەتەرمىز. – سپورت مەكتەبى بىلىكتى ما­مان­دار­مەن قانشا­لىق­تى قام­تا­ماسىز ەتىلگەن؟ – شاكىرتتەرىمىز­دىڭ كاسى­بي شە­بەر­­لىگىن شىڭ­داي وتىرىپ, ەلىن, جەرىن سۇيەتىن وتانشىل ازامات­تار ءتار­بيەلەۋدە جاتتىق­تىرۋ­شىلار­عا قويىلاتىن تالاپ ەرەكشە, جاۋاپ­كەر­شىلىك جۇگى اۋىر. ونىڭ ۇستىنە, ءىرى جارىستاردا ەل نامىسىن وي­داعى­داي قورعاۋ سەكىلدى مىندەتتەر تۇر­عا­نىن ەسكەرسەك, كوپجىلدىق جۇ­مىس ءوتىلى بار تاجىريبەلى كادرلار­عا الدىمەن ارقا سۇيەيمىز. قازىر سە­گىز مامان جۇمىس ىستەسە, ولاردىڭ ارا­سىن­دا وسى سالاعا شيرەك عاسىر عۇمى­رىن ارناعان پەتر نەتەسوۆ­تىڭ, يگور زەلنيكوۆتىڭ جانە سەرگەي ءيشيموۆتىڭ ەسىمدەرىن ماق­تانىشپەن اتاۋعا بولادى. مەن ۆەلوسپورتتى «سپورتتىڭ تورەسى» دەر ەدىم. زەرتتەۋلەر كور­سەت­كەندەي, ۆەلوسيپەدتى ۇزدىكسىز تەپ­كەن ادامنىڭ ءومىر جاسى بەس جىل­عا ۇزارادى. كۇيزەلىستەن ارىلۋ مەن جاستىقتى ساقتاۋدىڭ, ۆاريكوز سياقتى اياق اۋرۋلارىنا قارسى قولدانىلاتىن بىردەن-ءبىر «ەم». جۇرەك, وكپە, بۇلشىق ەتتەر جاقسى داميدى. مىنە, ۆەلوسپورتتىڭ وسىن­­داي ارتىقشىلىقتارىن بالالار سە­زىنىپ وسسە, ا.ۆينوكۋروۆتىڭ ءىزىن قۋ­شىلار قاتارى, ءسوز جوق, ارتار ەدى. اڭگىمەلەسكەن ءومىر ەسقالي «ەگەمەن قازاقستان»