اللەيا ءتورت تالانتتىڭ ەسىمىمەن تولىقتى

ءحىى حالىقارالىق «ەۋرازيا» كينوفەستيۆالىنىڭ اياسىندا جانە الماتى كينوستۋدياسىنىڭ 75 جىلدىعىنا وراي, ەلىمىزدىڭ ايگىلى كينەماتوگرافيستەرىنە ارنالعان مەموريالدىق تاقتالار قاتارى ۇلتتىق كينو ونەرىنە ەڭبەگى سىڭگەن ءتورت تالانتتىڭ ەسىمىمەن تولىقتى. «قازاقفيلم» كينوستۋ­ديا­­سىنىڭ جۇلدىزدار اللەياسى­نا بەلگىلى كينورەجيسسەر, مەم­لە­كەتتىك سىيلىقتىڭ لاۋرەاتى, ءتا­ۋەل­سىز «تارلان» سىيلىعىنىڭ يەگەرى وراز رىمجانوۆتىڭ, بەل­گىلى رەجيسسەر, كسرو كينە­ما­­تو­گرافيستەر وداعىنىڭ مۇشە­لەرى ءشارىپ بەيسەمباەۆتىڭ, قا­نىمبەك قاسىمبەكوۆتىڭ جانە اك­تەر, مەملەكەتتىك سىيلىق­­تىڭ لاۋ­رەاتى ساعي ءاشىموۆتىڭ جۇل­­دىز-تاقتالارى ورناتىلدى. اللەيا الدىندا وتكەن ميتينگكە «ەۋرازيا» حالىقارالىق كينوفەستيۆالىنىڭ باس ديرەكتورى راشيد نۇعىمانوۆ, قازىلار القاسىنىڭ توراعاسى, رەجيسسەر ۆالەري تودوروۆسكي, «قازاق­فيلم» كينوستۋدياسىنىڭ باس­شىلىق قۇرامى, بەلگىلى رەجيس­سەرلەر مەن اكتەرلەر, جاڭا جۇل­دىزداردى يەلەنگەن مايتالمان ونەر يەلەرىنىڭ تۋىستارى مەن جا­قىن دوستارى قاتىستى. «بۇگىن – ۇلكەن مە­رەكە. ءوز كەزەڭىندە وتاندىق كينە­ماتو­گرا­فيانىڭ دامۋىنا ولشەۋسىز ۇلەس قوسقان ادامداردى ءومىر بويى ەستە ساقتاپ ءجۇرۋىمىز وتە ماڭىزدى», دەدى ساعي ءاشىموۆتىڭ اكەسى, كسرو حالىق ءارتيسى ءاسانالى ءاشىموۆ. جۇلدىزدار اللەياسىنا بار­لىعى 30 كينو قايراتكەردىڭ ەسى­مى جازىلعان. 2011 جىلى ءVىى حا­لىقارالىق «ەۋرازيا» كينو­فەس­تيۆالى كەزىندە ش.ايمانوۆ اتىن­­داعى «قازاقفيلم» كينو­ستۋ­دياسىنىڭ اۋماعىنا قازاق كينوسىنىڭ ساڭلاقتارىنا ار­نال­عان اللەيا اشىلىپ, وندا قازاق كينوسىنىڭ كوريفەيلەرى – شاكەن ايمانوۆقا, سۇلتان-احمەت قوجىقوۆقا, ءماجيت بەگا­لينگە, ابدوللا قارساقباەۆقا, سەرالى قوجامقۇلوۆقا, قالي­بەك قۋانىشباەۆقا, ءامينا ومىرزاقوۆاعا, ءانۋار مولدا­بەكوۆ­كە, ىدىرىس نوعايباەۆقا, نۇرمۇحان جان­تورينگە, كەنەنباي قوجابەكوۆكە تاقتالار ورناتىلعان بولاتىن. ايگۇل احانبايقىزى, «ەگەمەن قازاقستان» الماتى