كوميسسيا قورىتىندىلارى قارالدى

كەشە دەنساۋلىق ساقتاۋ مينيسترلىگىندە قۇرىلىمدىق ءبولىم­شەلەر مەن وب­لىستىق دەنساۋلىق ساقتاۋ باس­قار­مالارى باسشىلارىنىڭ, ءىرى مەدي­تسي­نالىق ۇيىم­دار باس ءدارى­گەر­لەرىنىڭ جانە وسى ۆەدومستۆو كومي­تەتتەرىنىڭ وڭىرلىك دەپارتامەنتتەرى ديرەكتور­لا­رىنىڭ قاتىسۋىمەن سە­لەك­تورلىق كەڭەس بولىپ ءوتتى. وندا ينفەكتسيالىق اۋرۋلار بويىنشا رەسپۋبليكاداعى ەپيدەميولوگيالىق جاعداي جانە يم­مۋندىق پروفيلاكتيكانىڭ كەيبىر ءما­سەلەلەرى مەن «ۆرەميا» گازەتىندە, سون­داي-اق ازاماتتاردىڭ حابار­لا­ما­لا­رىن­دا كورسەتىلگەن فاكتىلەردى تەكسەرۋ ءۇشىن قۇرىلعان جۇمىس كو­ميس­سيا­سى­نىڭ قورىتىندىلارى قارالدى. وتكەن كەزەڭ ىشىندە رەسپۋبلي­كا­داعى ەپيدەميولوگيالىق جاعداي تۇ­راقتى بول­دى. 18 ينفەكتسيالىق اۋ­رۋ, ونىڭ ىشىندە جرۆي جانە تۇ­ماۋ بويىنشا اۋرۋ دەڭ­گەيىنىڭ ءتو­مەن­دەگەنى بايقالدى. «سالا­مات­تى قا­زاقستان» مەملەكەتتىك باع­دار­لا­ما­سىن جۇزەگە اسىرۋ اياسىندا رەسپۋبليكا بويىنشا پنەۆموكوكك ينفەك­تسيا­لا­رىنا قارسى كەزەڭ-كەزەڭمەن ەگۋ شارا­لارى ەنگىزىلۋدە. پوليو­ميە­­ليت­تىڭ تارا­لۋى­نىڭ ال­دىن الۋ جانە ەسكەرتۋ ماق­ساتىندا اعىمداعى جىلدىڭ ءساۋىر-مامىر ايلا­رىندا 5 جاسقا دەيىنگى بالالاردى يم­مۋ­ني­زا­تسيالاۋدىڭ قوسىمشا ۇلتتىق شارا­سىن جۇرگىزۋ جوسپارلانىپ وتىر. كەڭەس بارىسىندا ستاتسيونارلىق كو­مەكتىڭ قولجەتىمدىلىگى ماسەلەسى تال­قىلاندى. اعىمداعى جىلى پورتالدا 148,7 مىڭ جولداما تىركەلگەن, ولار­دىڭ 43 پايىزى اۋىل تۇرعىن­دا­رىنا تيەسىلى. گوس­پيتالداندىرۋدىڭ پروبلە­ما­لىق ءما­­سە­لە­لەرىن شۇعىل شەشۋ ماقساتىندا پورتال بويىنشا كۇن سا­يىن مونيتورينگ ءجۇر­گىزىلىپ وتىرادى. جۇمىس كوميسسياسىنىڭ قورى­تىن­دىلارى پرەمەر-مينيستر كا­رىم ءما­سى­موۆكە ۇسىنىلدى. تەكسەرىستەر اياق­تال­عاننان كەيىن دەن­ساۋ­لىق ساق­تاۋ مينيس­ترلىگىنىڭ مەدي­تسي­­نا­لىق, فار­ما­تسەۆ­تيكالىق قىز­مەت­تى با­قىلاۋ كوميتەتى مەن مەملەكەتتىك سا­­ني­تارلىق-ەپي­دەميولو­گيا­لىق قا­دا­عا­لاۋ كوميتەتى ءوڭىر­لىك ءبولىم­شە­لە­رى جەتەكشىلەرىنىڭ اتقا­رىپ وتىر­عان لاۋازىمدىق قىز­مەتتەرگە ءساي­كەس­تىگى ماسەلەسى شەشىلەتىنى اي­تىلدى. «ەگەمەن-اقپارات».