ۇلى دالانىڭ ءۇنى

  بۇگىن «قازمەديا» ورتالىعىندا قازاق راديوسىنا 95 جىل تولۋىنا وراي «حالىقارالىق بايلانىستار ورناتۋداعى راديونىڭ ءرولى» اتتى كونفەرەنتسيا بولدى. العاش 1921 جىلدىڭ قازان ايىنان باستاپ ورىنبور قالاسىنان بۇكىل رەسپۋبليكاعا ترانسلياتسيا بەرىلە باستادى. ءبىر عاسىرعا جۋىق ۋاقىتتىڭ ىشىندە قازاق دالاسىن ءان-كۇيمەن تەربەگەن, حالىققا رۋحاني جان ازىعىن سىيلاعان, وعان قوسا ەلدەگى بۇكىل وقيعالاردى شۇعىل تاراتىپ وتىرعان قازاق راديوسىنىڭ  قوعامدىق ومىردەن الار ورنى مەن تاريحي ءمانى تۋرالى كوپ ايتۋعا بولادى. راديونىڭ 95 جىلدىق تاريحىنا كوز جۇگىرتسەك, قازاقتىڭ ادەبيەتى مەن مادەنيەتىنە, ونەرىنە قاتىسى بار ادامداردىڭ كوبىنىڭ ەسىمى وسى راديومەن تىكەلەي بايلانىستى ەكەنىن كورۋگە بولادى. فيلولوگيا عىلىمدارىنىڭ دوكتورى نامازالى وماش ۇلى قازاق راديوسى ءبىر كۇندە  40 شاقتى «پراۆدا» گازەتىنە تەڭ بولاتىن اقپاراتتى تاراتقان. قازاق راديوسى بۇگىندە تاۋلىك بويى 9 تىلدە حابار تاراتادى: قازاق, ورىس, اعىلشىن, نەمىس, كورەي, ۇيعىر, ازەربايجان, تۇرىك جانە تاتار تىلدەرىندە. كونفەرەنتسياعا بىرقاتار ەلدەردەن قوناقتار كەلدى. ولاردىڭ اراسىندا بۇكىلرەسەيلىك مەملەكەتتىك تەلەۆيزيا جانە راديوتاراتاۋ كومپانياسى باس رەداكتورىنىڭ كەڭەسشىسى ۆياچەسلاۆ ۋمانوۆسكي (رەسەي), ۇلتتىق تەلەراديو تاراتۋ كورپوراتسياسىنىڭ باس ديرەكتورى كايرات يماناليەۆ (قىرعىزستان), بي-بي-سي-ءدىڭ قىرعىز رەداكتسياسىنىڭ پروديۋسەرى ۆەنەرا كويچيەۆا ( ۇلىبريتانيا), ورتالىق حالىق راديوستانساسىنان قاناتبەك جۇماباي ۇلى (قحر), «Deutshe Welle» حالىقارالىق كوممۋنيكاتسيا ورتالىعىنىڭ ديرەكتورى  كلاۋس بەرگمان (گەرمانيا) بار. ايگۇل سەيىلوۆا