مارسقا بارىپ-قايتۋ قۇنى 1 ملرد دوللارعا باعالاندى

«Spaceح» كومپانياسىنىڭ باسشىسى يلون ماسك مارسقا 1 ميلليون ادامدى جەتكىزۋدى جوسپارلاپ وتىر. ول ءوزىنىڭ جوسپارلارى تۋرالى مەكسيكادا وتكەن حالىقارالىق عارىش فەدەراتسياسىنىڭ مارستى يگەرۋ جوسپارىنا بايلانىستى 67-ءشى كونگرەسىندە ايتتى. ماسكتىڭ ويىنشا, كەلەشەكتە جەردە تىرشىلىك جويىلادى, سوندىقتان ادامدار مارسقا بارىپ ءومىر ءسۇرۋى ءتيىس. ول 2035 جىلعا قاراي قىزىل پلانەتاعا 80 كۇندە ۇشىپ بارۋعا بولاتىن مۇمكىندىك تۋادى دەپ ەسەپتەيدى. «كەلەشەكتە مارس پلانەتاسىندا تىرشىلىك پايدا بولادى. سول سەبەپتى وعان 1 ملن-عا جۋىق ادامدى جىبەرەمەك ويىمىز بار. ادامدار مارسقا بارىپ, كولونيا قۇرادى. بۇل ولاردىڭ ءوز-وزدەرىن قامتاماسىز ەتۋى ءۇشىن قاجەت. دەگەنمەن, وندا وزىندىك وركەنيەت قالىپتاستىرۋ ءۇشىن شامامەن 40 نەمەسە 100 جىلداي ۋاقىت كەرەك», دەدى يلون ماسك. قازىرگى ەسەپ بويىنشا, مارسقا بارىپ-قايتۋ ءبىر ادام ءۇشىن 1 ملرد دوللارعا باعالانىپ وتىر. بىراق بيلەت باعاسى كەيىن 100 بەن 200 مىڭ دوللارعا دەيىن تومەندەيدى. بۇل جولاۋشىنىڭ وزىمەن بىرگە الىپ ۇشاتىن جۇگىنىڭ سالماعىنا بايلانىستى. يلون ماسكتىڭ ايتۋىنشا, قازىرگى تاڭدا ءوزى باسقاراتىن كومپانيا 100-گە جۋىق ادام, سونداي-اق, 450 توننا جۇك الىپ ۇشا الاتىن عارىش كەمەسىن جاساپ جاتىر. عارىش كەمەسى كەمىندە 12 رەت ۇشۋعا جارامدى بولادى.   نۇرباي شاكىم