«بالاپاننىڭ» كورەرمەنگە تارتۋى

«حان شاتىر» ساۋدا, ويىن-ساۋىق ورتالىعىندا «بالاپان» تەلەارناسىنىڭ التى جىلدىق بەلەسىنە وراي بالالارعا ارنالعان مەرەكەلىك شارا ءوتتى. «بالاپان» تەلەارناسىنا تۋرا التى جىل  تولىپ وتىر. وتاندىق جالعىز بالا­لار ارناسىنىڭ وسى جىلداردا كىش­كەن­تاي كورەرمەندەر كوڭىلىنە جول تاپ­قانى انىق. اتا-اجەلەرىنە سەريال كور­سەت­پەي, «بالاپانعا قويامىن» دەپ پۋلت­كە تالا­ساتىن بوتاقاندار سونىڭ ايعاعى. ءبىزدىڭ ارقايسىمىزدىڭ بالاپاندارىمىز تەلەارنا ۇسىنىپ جۇرگەن «ءالي مەن ايا», «سالەم, استانا!», «كوجەكتەر», «دانىشپان قارعا» سىندى وتاندىق مۋلتحيكايالاردى جاقسى كورەدى. تەلەارنانىڭ «العىر التاۋ», «ويلان, تاپ!», «1000 ءتۇرلى سۇراق» باعدارلامالارى دا بالالاردىڭ ويلاۋ كوكجيەگىن كەڭەيتەدى, شاپشاڭدىققا باۋليدى دەپ ەسەپتەيمىز. «بالاپاننىڭ» تۋعان كۇنىنە وراي ۇيىمداستىرىلعان مەرەكەلىك شارا «حان شاتىر» ساۋدا ويىن-ساۋىق ورتالىعىندا ءوتتى. مەرەكەلىك شارانىڭ العاشقى بولىمىندە بۇلدىرشىندەر «سالەم, استانا!» مۋلتحيكاياسىنىڭ ءانىن ورىنداپ, سايىس­قا ءتۇستى. تەمىر تۇلپاردى تىزگىندەگەن 6 بال­عىن شاباندوزدىق قابىلەتتەرىن سىناپ كوردى. ودان سوڭ «ويلان, تاپ!» باعدارلا­ماسىنىڭ جۇرگىزۋشىسى ريزا دانيار سايقى­­مازاق بەينەسىنە كىرىپ, كىشكەنتاي كورەر­مەندەرگە مەرەكەلىك كوڭىل كۇي سىيلادى. بالدىرعاندار تسيركتەن اكەلىنگەن ماي­مىل­دىڭ دا ونەرىنە ءتانتى بولدى. مەرەكەلىك شارا بارىسىندا «بالا­پاننىڭ» ۇزدىك كورەرمەنىن انىق­تاۋ ماق­ساتىندا ۇلكەن ەكران ارقىلى كەيىپ­كەر­لەردى تابۋ تاپسىرىلدى. كەيىپ­كەرلەر ىشىندە «كوجەكتەر» مۋلت­حيكاياسىن­داعى ۇركەك, «دجۋنگلي كىتابىن­داعى» بالۋ, «ايجۇل­دىزداعى» تورە مەن زەرە, ءالي مەن ايا, مايالار بالالارعا جاسىرىلدى. «بالاپاننىڭ» كىشكەنتاي كورەر­مەندەرگە دايىنداعان تارتۋىنىڭ ءبىرى –لوتەرەيا ويىنى. بۇل تەك بالاقايلار ءۇشىن ەمەس, اتا-انالار ءۇشىن دە قىزىقتى ويىن بولدى. «بالاپاندى» تۋعان كۇنىمەن قۇتتىقتاۋعا كەلگەن «نۇرساۋلەماي-ەركەتاي», «قاراقات» ستۋدياسىنىڭ بالدىرعاندارى جيىلعان كوپشىلىككە ونەرلەرىن تارتۋ ەتتى. ايتا كەتەيىك, مەرەكەلىك شارادا سيقىر­شىلار ونەر كورسەتتى. شارانى بارلىق بالالار تىكەلەي ەفير ارقىلى تاماشالادى. سونداي-اق, الماتىلىق بالاقايلار تىكەلەي ەفير ارقىلى «بالاپانعا» ءتاتتى تىلەكتەرىن ارنادى. مەرەكەلىك شارا «بالاپاننىڭ» انۇرانىمەن قورىتىندىلاندى. ايگۇل سەيىلوۆا,                «ەگەمەن قازاقستان» سۋرەتتى تۇسىرگەن ەرلان وماروۆ, «ەگەمەن قازاقستان»