ارينە, ماعان ءابدىراشيد شيرحانوۆ سياقتى عاجايىپ كاسىپ يەسىمەن جولىعۋدىڭ ءساتى تۇسپەدى. ادال ەڭبەگىمەن باقىتتى, باقۋاتتى عۇمىر كەشكەن اقساقالدىڭ باقيلىق بولعانىنا دا ونشاقتى جىلدىڭ ءجۇزى بولىپ قالىپتى. ۇيالى كوزىنە زيالىلىق تۇنعان, ۇلكەن ءبىر اۋلەتتىڭ يەسى بولعان ۇيعىر قارياسى قاراپايىم كاسىپپەن ادامداردىڭ ولشەۋسىز قۇرمەتىنە بولەنىپ وتۋگە بولاتىنىن دالەلدەگەن, دارىپتەۋگە لايىق عاجايىپ جان ەكەن. دىنمۇحامەد قوناەۆتىڭ ساعات جوندەۋشىسى اتانعان اقساقالدىڭ تاعدىرىنان تاعىلىم الارلىق تۇستار جەتكىلىكتى.
جۇزبە-ءجۇز وتىرىپ, وسىنداي سيرەك اداممەن سىرلاسا الماساق تا, ءابدىراشيد شيرحانوۆتىڭ ءوسىپ-ونگەن ۇرپاعى, الماتىداعى جىبەك جولى كوشەسى بويىنداعى جارتى عاسىرعا جۋىق تاپجىلماي تۇرعان ساعات ءجوندەيتىن دۇڭگىرشەگى ونىڭ ورنىن ەش جوقتاتپايدى. قىسقاسى, جوق ادامدى ىزدەتكەن نەندەي ءجايت ەدى؟
وسى ارادا مىندەتتى ءتۇردە ءابدىراشيد اقساقالدىڭ گيننەستىڭ رەكوردتار كىتابىنا ەسىمى ەنگەنىن ايتا كەتكەن ءلازىم. ول كىسى 65 جىلدىڭ ىشىندە 500 مىڭنان استام ساعات جوندەپ جانە ساعات جوندەۋشىلەردىڭ 41 ادامنان تۇراتىن ءاۋلەتىن قۇرۋشى دەگەن اتاققا رەسمي تۇردە يە بولعان. ياعني, ونىڭ ءوزىنەن تىكەلەي تاراعان ۇلدارى, نەمەرەلەرى مەن كۇيەۋ بالالارى وسى كاسىپتى ءالى كۇنگە دەيىن ءناسىپ ەتىپ وتىرعان جايى بار. جانە ءابدىراشيد شيرحانوۆتىڭ ساعات جوندەيتىن ءدۇڭگىرشەگى دە سول باياعى كۇيىندە, سول باياعى ورنىندا سان مىڭداعان ساعاتتاردىڭ توقتاپ قالعان «ءجۇرەگىنە» جان بىتىرۋمەن كەلەدى.
تىقىلداعان تىلىمەن ۋاقىتتىڭ ءۇنىن شىعارىپ تۇرعان ساعاتتار – قازىرگى ەڭ كۇردەلى مەحانيزمدەردىڭ, ءتىپتى كومپيۋتەردىڭ دە اتاسى ەكەنى ايتىلىپ قالادى. اقيقاتىندا سولاي. قاراپايىم قول ساعاتتاردان باستاپ, عۇمىرى عاسىرلاردان دا اسىپ جىعىلاتىن سيرەك كەزدەسەتىن ساعاتتارعا دەيىن كىلتيپانىن تاۋىپ جوندەي بىلەتىن جان قاي كەزدەن, قاي ۋاقىتتان باستاپ دىنمۇحامەد قوناەۆتىڭ جەكە ساعات جوندەۋشىسى بولعانى وزىنە عانا ءمالىم. بىزگە بەلگىلىسى, بايلىققا قىزىقپاعان ديماش اعاداي تۇلعانىڭ جەكە ساعاتتارىنىڭ كوللەكتسياسى بولعانى جانە ولاردى تەكسەرىپ, ءجوندەپ, ۋاقىتىن دۇرىستاپ وتىرۋ تەك ءابدىراشيد شيرحانوۆقا عانا بۇيىرعان.
ادام تاني بىلەتىن, قولىنان ءىس كەلەتىن جانداردى قاشاندا قاستەر تۇتقان ديماش اعامىز ساعات جوندەۋشىسىن وتە سىيلاعان دەسەدى.
ءوز ءىسىنىڭ حاس شەبەرىنە قوناەۆتىڭ عانا ەمەس, ەيزەنشتەيننىڭ, برەجنەۆتىڭ, لياششەنكونىڭ دە ساعاتىن جوندەتۋگە الىپ كەلىپ وتىرعان. ونىڭ 65 جىل بويى «تىرىلتكەن» جارتى ميلليوننان استام ساعاتتارىن تىزبەكتەسەك, مۇمكىن باسقا دا تانىمال تۇلعالار شىعا كەلەر, ءبالكىم؟! بىراق, ماسەلە شيرحانوۆتىڭ كىمدەردىڭ ساعاتىن ءجوندەگەنىندە ەمەس, قالاي جوندەگەنىندە, عالامات بىلگىرلىگىندە! انىعىراعى, ساعات شەبەرى مۇنداي ايگىلى جانداردىڭ ساعاتىن جوندەدى دەگەننەن گورى, رەستاۆراتسيالاپ وتىرعان دەسەك دۇرىس بولاتىن سەكىلدى.
– ءبىزدىڭ اكەمىز عانا ەمەس, بابامىز دا ساعات جوندەي بىلگەن ەكەن. بىراق, اكەمىزدى بۇل كاسىپكە شىنداپ باۋلىعان ادام يۋ انلاي دەگەن قىتاي شەبەرى كورىنەدى. ال بابامىزدىڭ 1900 جىلى گەرمانيادان الدىرتقان كىشىگىرىم ستانوگى بولعان. 1898 جىلى جاسالعان وسى قول ستانوگىمەن ساعاتتىڭ ەڭ مايدا, ەڭ كۇردەلى بولشەكتەرىن جاساپ شىعارۋعا بولاتىن. قازىر ول ستانوك ءبىزدىڭ اۋلەتتىڭ ەڭ قادىرلى جادىگەرى. اتا-بابامىزدىڭ كوزىندەي بولىپ تۇر, – دەيدى ءابدىراشيد اقساقالدىڭ ۇلى ءابدىماجيت شيرحانوۆ.
– اكەمىز قوناەۆپەن دە وسىلاي تابىسقان. ديماش اعانىڭ كوللەكتسياسىندا سيرەك كەزدەسەتىن كونە ساعاتتار دا بولعان. سولاردىڭ ءتىلىن بىلگەن ادام ءبىزدىڭ اكەمىز. برەجنەۆتىڭ دە «ۆىمپەل» دەگەن قالىڭدىعى بار بولعانى 2 مم. ساعاتى بولىپتى. بۇل دۇنيەجۇزىندەگى ەڭ سيرەك, ەڭ جۇقا ساعات. جۇقالىعى شۆەيتساريانىڭ ساعاتتارىنان دا اسىپ ءتۇسكەن. برەجنەۆتىڭ سول ساعاتى الماتىعا كەلگەندە بۇزىلىپ قالادى. سونى باس حاتشىنىڭ كومەكشىلەرى بىزگە الىپ كەلگەن ەكەن. اكەمىز نەمىس ستانوگىنىڭ كومەگىمەن وسى ساعاتتى جوندەپ بەرگەن. لەنينگرادتاعى ەرميتاج ساعاتتارىن, گەرمانيادان اكەلىنگەن كەيبىر ساعاتتارعا دا جان بىتىرگەن, – دەيدى ماقتانىشپەن ۇلى ءابدىماجيت.
– ادامنىڭ جاساعانىن – ادام جاسايدى. تەك ەرىنبەسەڭدەر بولعانى. بىراق, زەينەتكەردەن اقشا الماڭدار. يماندى بولىڭدار, يمان بار ادامدا – ىنساپ تا بولادى. تەك سىنىپ قالعان, سالىپ بەرگەن بولشەگىڭنىڭ عانا اقىسىن ال. قارت ادامداردى ريزا ەتىپ جىبەرىڭدەر! باتاسىن بەرىپ, راحمەت ايتىپ كەتسە – ىستەرىڭ العا جۇرەدى دەپ وتىراتىن اكەمىز, – دەيدى ۇلى ءابدىماجيت بىزگە.
ۇلدارى اكەلەرىنىڭ مۇقتاج ادامدارعا ۇنەمى قارايلاسىپ, وتىنى جوققا وتىن, كۇيى جوققا قولعابىس ەتىپ جۇرەتىنىن دا ىستىق ىقىلاسپەن ەسكە الادى.
«باتامەن – ەر كوگەرەدى, جاڭبىرمەن – جەر كوگەرەدى» دەگەن ءسوزدىڭ راس ەكەندىگىنە وسى ءاڭگىمەدەن كەيىن تاعى دا كوزىڭىز جەتە تۇسەدى. قازاقستاندا تاتۋ-ءتاتتى, باقۋاتتى كۇن كەشىپ كەلە جاتقان ايگىلى دە قادىرلى ۇيعىر اۋلەتى وسى شيرحانوۆتار.
ءابدىراشيد اقساقال 82 جاسىندا ءوز ۇرپاعىنىڭ ورتاسىندا, سوڭعى ساتتەرىنە دەيىن ساعاتتارىن تىقىلداتىپ جوندەپ وتىرىپ, اۋىرماي-سىرقاماي كوز جۇمعان.
ال مىنا ءبىر ەستەلىكتە, ياعني 81-گە كەلگەن تۋعان كۇنىنە 10 بالاسىنان تۋعان 40 نەمەرەسى مەن 14 شوبەرەسى, اعايىن-تۋعاندارى قاتىسىپ, توبەلەرىنە كوتەرگەنى تۋرالى ايتىلادى. سودان بەرى دە توعىز جىل ءوتىپ, تالاي تاڭ اتىپ, كەش باتىپ, شيرحانوۆتاردىڭ باسىنا باس, جاسىنا جاس قوسىلىپ جاتقان جايى بار. بۇل وتباسىنىڭ ءاربىر ءمۇشەسى اينالاسىنا ادال ەڭبەگىمەن سىيلى.
قازىر ءابدىراشيد اتانىڭ دۇڭگىرشەگىندە ەكىنشى ۇلى ابدۋلاتيف ساعات ءجوندەپ وتىر. مىنا ساعاتتى مەن جوندەي المايمىن دەپ ايتپايدى. ەسىن ءبىلىپ, ەتەگىن جاپقالى بەرى اكەسى قانداي ساعات جوندەمەگەن, قانداي ساعاتقا جان بىتىرمەگەن. اكەنىڭ جانىندا تاپجىلماي وتىرىپ, كاسىبىن باقىلاعان بالالارى كىپ-كىشكەنتاي «ءجۇرەگى» بار ساعاتتىڭ ءاربىر ءبولشەگىن بەس ساۋساعىنداي جاتتاپ وسەدى.
– ساعاتتاردىڭ ىشىندە كۇردەلىلىگى جاعىنان, بولشەكتەرىنىڭ ەسەپسىز كوپتىگى جاعىنان «رەپەتيتور» الدا ەدى. بۇل ساعات قازىر تەك مۋزەيلەردە عانا بار. اكەمىز ونى ايتپاعاننىڭ ءوزىندە سىرباز «سەيكو», «وريەنت», سەنىمدى «پوبەدانى» سۋدا جۇزگەن بالىقتاي ءتىلىن تاباتىن. جاپون ساعاتتارىن جاپونداردىڭ ءوزى سياقتى ءدال ءجۇرەدى ءارى تاپ-تۇيناقتاي دەپ جاقسى كورەتىن, – دەيدى شەبەردىڭ ۇلدارى.
سيرەك ماماندىق يەسى بولماسا دا, شيرحانوۆتىڭ قاراپايىم ساعات جوندەۋشىسى بولسا دا اسا تانىمالدىلىعىنىڭ سىرى نەدە؟ الدىمەن شەبەرلىگىندە, سوسىن ادالدىعىندا بولسا كەرەك. ونىڭ ۇستىنە ول كىسى 39 جىل بويى ءبىر جەردە, ءبىر ءدۇڭگىرشەكتە تابان اۋدارماي جۇمىس ىستەگەن. مىنا قىزىقتى قاراڭىز, ۇلدارىنىڭ ايتۋىنشا, ول كىسى تۋرالى ءتۇرلى باسىلىمداردا 39 ماقالا جارىق كورگەن جانە 2 دەرەكتى فيلم تۇسىرىلگەن.
ۋاقىت ارينە العا جىلجۋدا, دۇڭگىرشەگى دە ازداپ ورنىنان جىلجىعان, ەڭ باستىسى كاسىبى ءوزى كەتكەن سوڭ دا جالعاسىن تاپقانىنا قۋاناسىڭ. التى ۇلى دا, ءتىپتى ءتورت قىزىنىڭ دا ساعات جوندەۋگە يكەمى بار. اۋلەتتەرىنەن باسقا دا ىسمەرلەر, زەرگەرلەر شىققان. شيرحانوۆتىڭ زەرگەرلىك ونەر قونعان ۇلى – ءابدۋحاميت. قازىر وزگە ۇلدارى ابدۋلازيز مەن شۋحرات, كەنجەسى ابدۋعاني دا تىرسىلى توقتاعان ساعات كورسە توسىرقاپ تۇرمايدى.
باقىتتى عۇمىر كەشىپ, تال ەگىپ, ۇل-قىز ءوسىرىپ, ادال كاسىپپەن اينالىسقان عاجايىپ عۇمىر يەسى دۇنيەدەن وزعاندا الماتى باسىلىمدارى: «ۋاقىت ءامىرشىسىنىڭ جۇرەگى توقتادى» دەپ وكىنىشپەن جازىپتى. قاراپايىم كاسىپتى كەرەمەت ونەرگە, ءومىرىنىڭ وزەگىنە اينالدىرىپ, تاماشا تاعىلىممەن ءومىر سۇرگەن جان ءوز ءىسىن دە ءوز بيىگىنە كوتەرىپ كەتكەنىن قالاي ءتانتى بولماسسىڭ. جۇمىستىڭ جامانى, ماماندىقتىڭ قورى بولمايتىنىن وسىنداي قاسيەتتى جاندار عانا ۇلىقتاي الماق!
ايناش ەسالي, الماتى.
سۋرەتتە: ءابدىراشيد شيرحانوۆ. 90-شى جىلدار.
وسى ارادا مىندەتتى ءتۇردە ءابدىراشيد اقساقالدىڭ گيننەستىڭ رەكوردتار كىتابىنا ەسىمى ەنگەنىن ايتا كەتكەن ءلازىم. ول كىسى 65 جىلدىڭ ىشىندە 500 مىڭنان استام ساعات جوندەپ جانە ساعات جوندەۋشىلەردىڭ 41 ادامنان تۇراتىن ءاۋلەتىن قۇرۋشى دەگەن اتاققا رەسمي تۇردە يە بولعان. ياعني, ونىڭ ءوزىنەن تىكەلەي تاراعان ۇلدارى, نەمەرەلەرى مەن كۇيەۋ بالالارى وسى كاسىپتى ءالى كۇنگە دەيىن ءناسىپ ەتىپ وتىرعان جايى بار. جانە ءابدىراشيد شيرحانوۆتىڭ ساعات جوندەيتىن ءدۇڭگىرشەگى دە سول باياعى كۇيىندە, سول باياعى ورنىندا سان مىڭداعان ساعاتتاردىڭ توقتاپ قالعان «ءجۇرەگىنە» جان بىتىرۋمەن كەلەدى.
تىقىلداعان تىلىمەن ۋاقىتتىڭ ءۇنىن شىعارىپ تۇرعان ساعاتتار – قازىرگى ەڭ كۇردەلى مەحانيزمدەردىڭ, ءتىپتى كومپيۋتەردىڭ دە اتاسى ەكەنى ايتىلىپ قالادى. اقيقاتىندا سولاي. قاراپايىم قول ساعاتتاردان باستاپ, عۇمىرى عاسىرلاردان دا اسىپ جىعىلاتىن سيرەك كەزدەسەتىن ساعاتتارعا دەيىن كىلتيپانىن تاۋىپ جوندەي بىلەتىن جان قاي كەزدەن, قاي ۋاقىتتان باستاپ دىنمۇحامەد قوناەۆتىڭ جەكە ساعات جوندەۋشىسى بولعانى وزىنە عانا ءمالىم. بىزگە بەلگىلىسى, بايلىققا قىزىقپاعان ديماش اعاداي تۇلعانىڭ جەكە ساعاتتارىنىڭ كوللەكتسياسى بولعانى جانە ولاردى تەكسەرىپ, ءجوندەپ, ۋاقىتىن دۇرىستاپ وتىرۋ تەك ءابدىراشيد شيرحانوۆقا عانا بۇيىرعان.
ادام تاني بىلەتىن, قولىنان ءىس كەلەتىن جانداردى قاشاندا قاستەر تۇتقان ديماش اعامىز ساعات جوندەۋشىسىن وتە سىيلاعان دەسەدى.
ءوز ءىسىنىڭ حاس شەبەرىنە قوناەۆتىڭ عانا ەمەس, ەيزەنشتەيننىڭ, برەجنەۆتىڭ, لياششەنكونىڭ دە ساعاتىن جوندەتۋگە الىپ كەلىپ وتىرعان. ونىڭ 65 جىل بويى «تىرىلتكەن» جارتى ميلليوننان استام ساعاتتارىن تىزبەكتەسەك, مۇمكىن باسقا دا تانىمال تۇلعالار شىعا كەلەر, ءبالكىم؟! بىراق, ماسەلە شيرحانوۆتىڭ كىمدەردىڭ ساعاتىن ءجوندەگەنىندە ەمەس, قالاي جوندەگەنىندە, عالامات بىلگىرلىگىندە! انىعىراعى, ساعات شەبەرى مۇنداي ايگىلى جانداردىڭ ساعاتىن جوندەدى دەگەننەن گورى, رەستاۆراتسيالاپ وتىرعان دەسەك دۇرىس بولاتىن سەكىلدى.
– ءبىزدىڭ اكەمىز عانا ەمەس, بابامىز دا ساعات جوندەي بىلگەن ەكەن. بىراق, اكەمىزدى بۇل كاسىپكە شىنداپ باۋلىعان ادام يۋ انلاي دەگەن قىتاي شەبەرى كورىنەدى. ال بابامىزدىڭ 1900 جىلى گەرمانيادان الدىرتقان كىشىگىرىم ستانوگى بولعان. 1898 جىلى جاسالعان وسى قول ستانوگىمەن ساعاتتىڭ ەڭ مايدا, ەڭ كۇردەلى بولشەكتەرىن جاساپ شىعارۋعا بولاتىن. قازىر ول ستانوك ءبىزدىڭ اۋلەتتىڭ ەڭ قادىرلى جادىگەرى. اتا-بابامىزدىڭ كوزىندەي بولىپ تۇر, – دەيدى ءابدىراشيد اقساقالدىڭ ۇلى ءابدىماجيت شيرحانوۆ.
– اكەمىز قوناەۆپەن دە وسىلاي تابىسقان. ديماش اعانىڭ كوللەكتسياسىندا سيرەك كەزدەسەتىن كونە ساعاتتار دا بولعان. سولاردىڭ ءتىلىن بىلگەن ادام ءبىزدىڭ اكەمىز. برەجنەۆتىڭ دە «ۆىمپەل» دەگەن قالىڭدىعى بار بولعانى 2 مم. ساعاتى بولىپتى. بۇل دۇنيەجۇزىندەگى ەڭ سيرەك, ەڭ جۇقا ساعات. جۇقالىعى شۆەيتساريانىڭ ساعاتتارىنان دا اسىپ ءتۇسكەن. برەجنەۆتىڭ سول ساعاتى الماتىعا كەلگەندە بۇزىلىپ قالادى. سونى باس حاتشىنىڭ كومەكشىلەرى بىزگە الىپ كەلگەن ەكەن. اكەمىز نەمىس ستانوگىنىڭ كومەگىمەن وسى ساعاتتى جوندەپ بەرگەن. لەنينگرادتاعى ەرميتاج ساعاتتارىن, گەرمانيادان اكەلىنگەن كەيبىر ساعاتتارعا دا جان بىتىرگەن, – دەيدى ماقتانىشپەن ۇلى ءابدىماجيت.
– ادامنىڭ جاساعانىن – ادام جاسايدى. تەك ەرىنبەسەڭدەر بولعانى. بىراق, زەينەتكەردەن اقشا الماڭدار. يماندى بولىڭدار, يمان بار ادامدا – ىنساپ تا بولادى. تەك سىنىپ قالعان, سالىپ بەرگەن بولشەگىڭنىڭ عانا اقىسىن ال. قارت ادامداردى ريزا ەتىپ جىبەرىڭدەر! باتاسىن بەرىپ, راحمەت ايتىپ كەتسە – ىستەرىڭ العا جۇرەدى دەپ وتىراتىن اكەمىز, – دەيدى ۇلى ءابدىماجيت بىزگە.
ۇلدارى اكەلەرىنىڭ مۇقتاج ادامدارعا ۇنەمى قارايلاسىپ, وتىنى جوققا وتىن, كۇيى جوققا قولعابىس ەتىپ جۇرەتىنىن دا ىستىق ىقىلاسپەن ەسكە الادى.
«باتامەن – ەر كوگەرەدى, جاڭبىرمەن – جەر كوگەرەدى» دەگەن ءسوزدىڭ راس ەكەندىگىنە وسى ءاڭگىمەدەن كەيىن تاعى دا كوزىڭىز جەتە تۇسەدى. قازاقستاندا تاتۋ-ءتاتتى, باقۋاتتى كۇن كەشىپ كەلە جاتقان ايگىلى دە قادىرلى ۇيعىر اۋلەتى وسى شيرحانوۆتار.
ءابدىراشيد اقساقال 82 جاسىندا ءوز ۇرپاعىنىڭ ورتاسىندا, سوڭعى ساتتەرىنە دەيىن ساعاتتارىن تىقىلداتىپ جوندەپ وتىرىپ, اۋىرماي-سىرقاماي كوز جۇمعان.
ال مىنا ءبىر ەستەلىكتە, ياعني 81-گە كەلگەن تۋعان كۇنىنە 10 بالاسىنان تۋعان 40 نەمەرەسى مەن 14 شوبەرەسى, اعايىن-تۋعاندارى قاتىسىپ, توبەلەرىنە كوتەرگەنى تۋرالى ايتىلادى. سودان بەرى دە توعىز جىل ءوتىپ, تالاي تاڭ اتىپ, كەش باتىپ, شيرحانوۆتاردىڭ باسىنا باس, جاسىنا جاس قوسىلىپ جاتقان جايى بار. بۇل وتباسىنىڭ ءاربىر ءمۇشەسى اينالاسىنا ادال ەڭبەگىمەن سىيلى.
قازىر ءابدىراشيد اتانىڭ دۇڭگىرشەگىندە ەكىنشى ۇلى ابدۋلاتيف ساعات ءجوندەپ وتىر. مىنا ساعاتتى مەن جوندەي المايمىن دەپ ايتپايدى. ەسىن ءبىلىپ, ەتەگىن جاپقالى بەرى اكەسى قانداي ساعات جوندەمەگەن, قانداي ساعاتقا جان بىتىرمەگەن. اكەنىڭ جانىندا تاپجىلماي وتىرىپ, كاسىبىن باقىلاعان بالالارى كىپ-كىشكەنتاي «ءجۇرەگى» بار ساعاتتىڭ ءاربىر ءبولشەگىن بەس ساۋساعىنداي جاتتاپ وسەدى.
– ساعاتتاردىڭ ىشىندە كۇردەلىلىگى جاعىنان, بولشەكتەرىنىڭ ەسەپسىز كوپتىگى جاعىنان «رەپەتيتور» الدا ەدى. بۇل ساعات قازىر تەك مۋزەيلەردە عانا بار. اكەمىز ونى ايتپاعاننىڭ ءوزىندە سىرباز «سەيكو», «وريەنت», سەنىمدى «پوبەدانى» سۋدا جۇزگەن بالىقتاي ءتىلىن تاباتىن. جاپون ساعاتتارىن جاپونداردىڭ ءوزى سياقتى ءدال ءجۇرەدى ءارى تاپ-تۇيناقتاي دەپ جاقسى كورەتىن, – دەيدى شەبەردىڭ ۇلدارى.
سيرەك ماماندىق يەسى بولماسا دا, شيرحانوۆتىڭ قاراپايىم ساعات جوندەۋشىسى بولسا دا اسا تانىمالدىلىعىنىڭ سىرى نەدە؟ الدىمەن شەبەرلىگىندە, سوسىن ادالدىعىندا بولسا كەرەك. ونىڭ ۇستىنە ول كىسى 39 جىل بويى ءبىر جەردە, ءبىر ءدۇڭگىرشەكتە تابان اۋدارماي جۇمىس ىستەگەن. مىنا قىزىقتى قاراڭىز, ۇلدارىنىڭ ايتۋىنشا, ول كىسى تۋرالى ءتۇرلى باسىلىمداردا 39 ماقالا جارىق كورگەن جانە 2 دەرەكتى فيلم تۇسىرىلگەن.
ۋاقىت ارينە العا جىلجۋدا, دۇڭگىرشەگى دە ازداپ ورنىنان جىلجىعان, ەڭ باستىسى كاسىبى ءوزى كەتكەن سوڭ دا جالعاسىن تاپقانىنا قۋاناسىڭ. التى ۇلى دا, ءتىپتى ءتورت قىزىنىڭ دا ساعات جوندەۋگە يكەمى بار. اۋلەتتەرىنەن باسقا دا ىسمەرلەر, زەرگەرلەر شىققان. شيرحانوۆتىڭ زەرگەرلىك ونەر قونعان ۇلى – ءابدۋحاميت. قازىر وزگە ۇلدارى ابدۋلازيز مەن شۋحرات, كەنجەسى ابدۋعاني دا تىرسىلى توقتاعان ساعات كورسە توسىرقاپ تۇرمايدى.
باقىتتى عۇمىر كەشىپ, تال ەگىپ, ۇل-قىز ءوسىرىپ, ادال كاسىپپەن اينالىسقان عاجايىپ عۇمىر يەسى دۇنيەدەن وزعاندا الماتى باسىلىمدارى: «ۋاقىت ءامىرشىسىنىڭ جۇرەگى توقتادى» دەپ وكىنىشپەن جازىپتى. قاراپايىم كاسىپتى كەرەمەت ونەرگە, ءومىرىنىڭ وزەگىنە اينالدىرىپ, تاماشا تاعىلىممەن ءومىر سۇرگەن جان ءوز ءىسىن دە ءوز بيىگىنە كوتەرىپ كەتكەنىن قالاي ءتانتى بولماسسىڭ. جۇمىستىڭ جامانى, ماماندىقتىڭ قورى بولمايتىنىن وسىنداي قاسيەتتى جاندار عانا ۇلىقتاي الماق!
ايناش ەسالي, الماتى.
سۋرەتتە: ءابدىراشيد شيرحانوۆ. 90-شى جىلدار.
