اياۋلى مەكەن – تۋعان ەل

ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە ەل تاۋەلسىزدىگىنىڭ 25 جىلدىعى مەن ۇلتتىق ۋنيۆەرسيتەتتىڭ 20 جىلدىعىنا ارنالعان «ءوز ەلىم» اتتى مۋزىكالى-پوەتيكالىق كەش ءوتتى. ونى ەۋرازيا ۇلتتىق ۋنيۆەرسيتەتىنىڭ «كاۋسار» مادەني-تانىمدىق بىرلەستىگى ۇيىمداستىردى. ۋنيۆەرسيتەت جانىنداعى اتال­مىش بىرلەستىكتىڭ وسىعان دەيىن تالاي كەشتەر وتكىزگەنىن بىلەمىز. ونداعى ونەر ادامدارىمەن, عالىمدارمەن, قوعام قايراتكەرلەرىمەن وتكەن كەش­تەردىڭ ستۋدەنتتەرگە بەرەر تا­عى­­لىمى ەرەكشە. بۇل ورايدا بىرلەستىك جەتەكشىسى, پروفەس­سور, قازاقستاننىڭ ەڭبەك ءسىڭىر­گەن ءارتىسى كەنجەعالي مىر­جىق­­باەۆ­تىڭ ەڭبەگى زور. كەشەگى ۇيىم­داس­تى­رىلعان كونتسەرتتە وپەرا ءانشىسى نەگىزىنەن تۋعان ەل, تۋ­عان جەر تاقىرىبىنا ارنالعان اندەردى شىرقاپ, تىڭدارماننىڭ ىقىلاسىنا بولەندى. كەش بارىسىندا بەل­گىلى وپەرا ءانشىسى كەنجەعالي مىر­جىقباەۆ ءو.ءبايدىل­داەۆتىڭ «تۋعان ەل», ك.كۇمىس­بەكوۆتىڭ «اياۋلى مەكەن», ج. تۇرسىنباەۆتىڭ «قىز-قاراعاي», ە. راحماديەۆتىڭ «با­لا عاشىق», ل.حاميدي­دىڭ «وتانىم», س. مۇحامەدجانوۆتىڭ «تەربەلەدى تىڭ دالا», «قىرمانعا كەل, قالقاتاي», ءا.بەيسەۋوۆتىڭ «سىرلاسۋ ءۆالسى», ءى.جاقانوۆ­تىڭ «جايلاۋكول كەشتەرى», ت.بازار­باەۆتىڭ «اۋىلىم» ءان­دەرىن نا­قىشىنا كەلتىرە ورىندادى. جاي ورىنداپ قانا قويماي, كەي­بىر اندەرگە تۇسىنىكتەمە بە­رىپ ءوتتى. سونداي-اق, ەۋرازيا ۇلت­تىق ۋنيۆەرسيتەتىنىڭ رەكتورى ە.سىدىقوۆتىڭ تەمىر­جان بازارباەۆتىڭ «اۋى­لىم» ءانى­نىڭ شىعۋ تاريحىن ساح­نا­عا شىعىپ اڭگىمەلەپ بە­رۋى تىڭ­دارمانداردىڭ قىزى­عۋ­شىلىعىن تۋعىزدى. ال ستۋدەنتتەر اراسىن­دا ءساۋ­لەت-قۇرىلىس فاكۋل­تە­تىنىڭ, جۋرناليستيكا جانە سايا­ساتتانۋ, فيلولوگيا ءجا­نە زاڭ فاكۋلتەتتەرى­نىڭ ا.جاق­سى­لىقوۆا, ب.ەندىباي, ا.سە­رىكباەۆا, ا.نۇربەك, ب.مادەن سەكىلدى ستۋدەنتتەرى ەلگە بەل­گىلى اقىن­داردىڭ ولەڭدەرىن وقىپ, كو­رەر­مەن­دەرگە رۋحاني ازىق سىيلادى. ايتا كەتۋ كەرەك, كەشكە ەلگە بەلگىلى زيالى قاۋىم وكىلدەرى­مەن قاتار ستۋدەنتتەر دە قاتىس­تى. ونەر كەشىن قازاق ۇلتتىق ونەر ۋني­ۆەرسيتەتىنىڭ دوتسەنتى, حالىقارالىق فەستيۆالدەردىڭ لاۋرەاتى ليۋبوۆ گلينكا رويالدا سۇيەمەلدەپ وتىردى. ايگۇل سەيىلوۆا, «ەگەمەن قازاقستان»