ەرەكشە اۆتوكەرۋەن تالدىقورعانعا بەت الدى

تاۋەلسىزدىكتىڭ 25 جىلدىعى قارساڭىندا قازاقستان حالقى اسسامبلەياسىنىڭ قولداۋىمەن ەرەكشە اۆتوكەرۋەن جەتىسۋعا قاراي بەت تۇزەدى. بۇل شارا «جىبەك جولىنداعى اڭگىمەلەر – «ورتالىق ازيا: ءوڭىر حالىقتارىنىڭ نيەتتەستىگى جانە كەلىسىمى» اتتى حالىقارالىق مادەنيەتتانۋ جوباسى اياسىندا جۇزەگە اسىپ وتىر. پرەزيدەنت جانىنداعى «قوعامدىق كەلىسىم» ورتالىعىنىڭ وكىلى ناتاليا كالاشنيكوۆانىڭ ايتۋىنشا, جوبا 2007 جىلى باستالعان. مۇنىڭ نەگىزىن بەلگىلى عالىم, مادەنيەتتانۋشى مۇرات اۋەزوۆ قالاعان. «جىبەك جولىنداعى اڭگىمەلەرگە» ارالاسۋعا ءوتىنىش بىلدىرۋشىلەر سانىنىڭ جىل سايىن كوبەيگەنىنە قاراپ, الەم ەلدەرىنىڭ ىنتاسى ويانعانىن بايقايمىز. اۋەل باستا ورتالىق ازيا ەلدەرىنىڭ مادەني باسقاسۋى فورماتىندا باستالعان شارا قازىرگى كۇنى حالىقارالىق دەڭگەيگە جەتتى. بيىلعى جىلى ەۋروپالىقتار قىزىعۋشىلىق تانىتتى», – دەيدى ناتاليا كالاشنيكوۆا. اۆتوكەرۋەن الماتى وبلىسىنىڭ كەربۇلاق اۋدانىن باسىپ ءوتىپ, شوقان ءۋاليحانوۆتىڭ ەسكەرتكىشىنە تاعزىم ەتەدى. مۇنان سوڭ ۇلى جىبەك جولى باعىتىمەن تانىسىپ, جول بويىنداعى شىڭعىسحان ورداسىن تىككەن توبە ايالدايدى. ال تىزبەكتەلگەن كوشتىڭ ءتۇيىنى تالدىقورعاندا وتەتىن مادەني كونفەرەنتسيادا تۇيىلەدى. «جىبەك جولىنداعى اڭگىمەلەرگە» ەلگە بەلگىلى تۇلعالار, حالىقارالىق ساراپشىلار مەن رەسەي, قىرعىزستان, وزبەكستان, تاجىكستاننان كەلگەن جەتەكشى عالىمدار قاتىسادى. قالماحانبەت مۇقامەتقالي