سالاماتتىلىق – ساپالى ءومىر باستاۋى

ساعىنبەك تۇرسىنوۆتىڭ ءتور­اعا­لىعىمەن پرەزيدەنت جانىن­داعى ادام قۇقىقتارى جونىندەگى كوميس­سيانىڭ كەڭەيتىلگەن وتى­رىسى بو­لىپ ءوتتى. وندا قورشاعان ورتانى قورعاۋ مينيسترلىگىنىڭ ازا­ماتتار­دىڭ سالاماتتى قورشاعان ورتاعا قۇ­قىقتارىن قامتاماسىز ەتۋ, ءادى­لەت مينيسترلىگى قىلمىس­تىق-ات­قارۋ جۇيەسى كوميتەتىنىڭ سوت­تالعان­داردىڭ قولدانىستاعى زاڭدارىندا جانە ونىڭ ادام قۇ­قىقتارى سالا­سىنداعى حالىقارا­لىق مىندەتتەمەلەرىندە كەپىلدىك بەرىلگەن قۇقىق­تارىن قامتاماسىز ەتۋ جونىندەگى قىزمەتى جانە كو­ميس­سيانىڭ 2011 جىلعا ارنالعان جۇمىس جوسپارى مەن 2010 جىلعى ەسەبى تۋرالى ماسەلەلەر تالقى­لاندى. ءبىرىنشى ماسەلە بويىنشا قور­شاعان ورتانى قورعاۋ ءمينيسترى ن. ءاشىموۆ ءسوز سويلەدى. ەلباسى بيىلعى جولداۋىندا  الداعى ون­جىلدىقتىڭ اسا ماڭىزدى مىندەتى قازاقستاننىڭ بارشا ازاماتتارى­نىڭ ءومىر ءسۇرۋ دەڭگەيى مەن ساپا­سىن جاقسارتۋ دەپ اتاپ كورسەتتى. سوندىقتان دا ازاماتتاردىڭ سالا­ماتتى قورشاعان ورتاعا قۇقىق­تا­رىن, سونداي-اق ەكولوگيالىق قاۋىپ­سىزدىگىن قامتاماسىز ەتۋ مەملەكەت­تىڭ باسىم مىندەتتەرىنىڭ ءبىرى بو­لىپ تابىلادى. بۇل باعىتتا ءسوز ءسوي­لە­گەندەر قورشاعان ورتانىڭ سا­پاسىنا ەرەكشە كوڭىل اۋدارىپ, قورشاعان ورتانىڭ قولايلى جاع­دايى ەلدىڭ باسەكەگە قابىلەتتىلى­گى­نىڭ ماڭىزدى فاكتورلارىنىڭ ءبىرى دەدى. دەمەك, قازاقستان وراسان تابيعي رەسۋرستارعا يە بولعان­دىقتان, بۇل قازىرگى عانا ەمەس, بولاشاق ۇرپاقتىڭ دا الدىنداعى زور جاۋاپكەرشىلىكتى بىلدىرەدى, سوندىقتان قورشاعان ورتانىڭ لاس­تانۋى ءۇشىن جاۋاپكەرشىلىكتى قاتايتۋ, سونداي-اق ەكولوگيالىق ءما­دەنيەتتى ارتتىرۋ جونىندەگى ناق­تى شارالار ۋاقىت وزدىرماي قابىلدانۋى ءتيىس. ەكىنشى ماسەلەسى بويىنشا ءادى­لەت مينيسترلىگى قىلمىستىق-ات­قارۋ جۇيەسى كوميتەتىنىڭ ءتور­اعاسى س.كۇسەتوۆ بايانداما جاسا­دى. ول ادىلەت مينيسترلىگى تاراپىنان سوتتالعانداردىڭ جازاسىن وتەۋ مەرزىمىندەگى قۇقىقتارى مەن زاڭدى مۇددەلەرىن قامتاماسىز ەتۋگە باعىتتالعان كەڭ اۋقىمدى شارالار كەشەنى ىسكە اسىرىلدى دەپ اتاپ ءوتتى. تۇزەۋ مەكەمەلەرىندە قۇقىق ءتارتىبىن نىعايتۋعا, جا­زانى وتەۋدى ىزگىلەندىرۋگە, سوتتال­عان­دار قۇقىقتارىن قورعاۋعا, قىل­­مىستاردىڭ الدىن الۋعا با­عىت­تالعان ماقساتتى جۇمىس جۇرگى­زىل­دى, بوساپ شىققان سوتتالعاندارعا كومەك كورسەتۋگە ەرەكشە كوڭىل بولىنۋدە. كۇن ءتارتىبىنىڭ ءۇشىنشى ماسە­لەسى بويىنشا ءسوز العان كوميسسيا حات­شىسى ت.ابىشەۆ كوميسسيانىڭ 2011 جىلعا ارنالعان جۇمىس جوس­پارى مەن 2010 جىلعى جۇمىسى­نىڭ ءناتي­جەلەرى تۋرالى حاباردار ەتتى. «ەگەمەن-اقپارات».