«كەرۋەننىڭ» كوركىن كەلتىردى

«كەرۋەن» ساۋدا جانە ويىن-ساۋىق ورتالىعىندا 100-دەن استام قولونەر شەبەرلەرىنىڭ ەڭبەكتەرىن كوپشىلىك نازارىنا ۇسىنعان « ۇلى دالا جارمەڭكەسى» اتتى II رەسپۋبليكالىق كورمە-جارمەڭكەنىڭ سالتاناتتى اشىلۋى بولدى. كەرۋەن ءىشى كوكتەمگى دالاداي. كوپتەن قالادا ءجۇرىپ, دالانى اڭساعان جان كوكتەمدە كوگىلدىر الەمگە ەنىپ, دالانىڭ كوك مايساسىن, قىزىل-جاسىل گۇلدەرىن كورگەندە, قالاي كوزدەرى جاينايتىن بولسا, ورتالىققا ءدال وسى ساتتە كىرگەن قىز-كەلىنشەك سونداي كۇي كەشكەندەي. كوزدىڭ جاۋىن الاتىن نەبىر ۇلتتىق اشەكەي بۇيىمدار, جىبەككە كيىزدەن ورنەك سالىپ تىگىلگەن كيىم تۇرلەرى, سومكەلەر, باس كيىمدەر, تۇرمىستىق بۇيىمدار دەيسىز بە, ايتەۋىر تولىپ جاتقان اسەمدىكتەن ەسىڭ كەتكەندەي. حالىق­تىق ونەردىڭ تىنىسىنىڭ اشىل­عا­نى, ونەرگە بەتبۇرىستىڭ تە­رەڭ­­دە­گەنى جانە وسى ارقىلى ادام­­دار­دىڭ باسەكەلەس ورتادا تۇتى­نۋ­شىسىن تابا بىلەتىندىگىن, جۇرتشىلىقتىڭ تاراپىنان قىزى­عۋشىلىق پەن سۇرانىس بار ەكەنىن تانىتقان جارمەڭكە اياسىندا قازاقستاندىق ديزاينەرلەردىڭ جاڭا ءسان ۇلگىلەرىن كورسەتۋى دە جوسپارلانىپتى. تارازدان «اسىل ديزاين», اقتاۋدان «ءتاربيا», ورالدان «ءماريا حانىم», قاراعاندىدان «نۇراسەم» سىندى ءسان ۇيلەرىنىڭ الماتىدان «Aigul Line» كيىز شەبەرحاناسىنىڭ تاماشا ءسان ۇلگىلەرى جۇرتشىلىقتىڭ نازارىنا ۇسىنىلدى. دەفيلەنىڭ ەڭ ءبىر توسىن سىيى – پاريجدەگى «گراند وپەرا» ساحناسىنىڭ ءسانى بولعان, وپەرا ونەرىنىڭ جۇلدىزى مايرا مۇحامەدقىزىنىڭ جاڭا قىرىنان كورىنۋى. بۇلبۇل قىزدىڭ ديزاينەرلىك «مaira Aida» اتتى 1 – 12 جاس ارالىعىنداعى قىزدار ءۇشىن ارنايى جاسالعان برەندىنە كوپشىلىك قۋانا قول سوقتى. بۇۇ «دامۋ» باعدار­لا­ما­سىنىڭ ەلىمىزدەگى تۇراقتى وكىلىنىڭ ورىنباسارى مۋنحتۋيا التىنگەرەل: «وسى جولى جارمەڭكەگە قاتىسۋ­شى­لار­ سانىنىڭ ارتىپ وتىر­عانى قات­تى قۋانتادى. قازاق­ستان­­نىڭ بارلىق ايماق­تارى­نان كەل­­گەن شەبەرلەر ۇلت­تىق ونەر­دىڭ كوك­­جيەگىنىڭ قان­داي كەڭ ەكە­نىن كو­ر­­سەتۋدە. الدا بولاتىن ەكسپو-2017 ايا­سىندا شەتەل­دىك­تەر­­گە ءوز ەلىن تانىتا تۇسۋدە شەبەر­­­­­ل­ەر ۇلە­سى ايتارلىقتاي بول­­­ماق­شى دەپ ەسەپتەيمىن. جانە قو­عام­دىق نە­­گىز­­دە وسى كورمەنى ءوت­كىزۋ­گە اتسا­لى­سۋ­­شىلاردىڭ بار­لىعى­نا العىس اي­تا­مىن. بۇل رەتتە ءبىز­دىڭ بۇۇ «دامۋ» باعدارلاماسى قول­ونەر­شى­­لەر­­گە جۇيەلى قولداۋ كور­سە­تە­تىن جاڭا جوبانى قولعا الماق­شى», – دەدى. اشىلۋ سالتاناتىندا قازاق­ستان رەسپۋبليكاسى پرەزي­دەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونiندەگi ۇلتتىق كوميسسيا ءتورايىمىنىڭ ورىنباسارى ءلاززات سۇلەيمەن, G-Global حالىقارالىق حاتشىلىعىنىڭ باسشىسى سەرىك نوگەربەكوۆ قۇتتىقتاۋ سوزدەرىن ارنادى. ءلاززات سۇلەيمەن: « ۇلى دالامىزد­ا قالىپتاسقان تەرەڭ تامىر­لى ونەرىمىز, ۇلتتىق بەت-بەي­نەمىزدى ساقتاپ, الەم وركە­نيەتىندە قازاق اتتى حالىقتىڭ ولجا سالار باي مادەني مۇراسى بار­لىعىن كورسەتەدى. سول ونەردى بۇگىن­دە ورىستەتىپ, بولاشاققا تابىس­­تاپ وتىرعان شەبەرلەرگە ءبارى­مىز العىس ايتساق ارتىق ەمەس», دەپ عاسىر­لار قويناۋىنان ۇزىلمەي جەتكەن اسىلدىڭ قۇنىنا توقتالىپ ءوتتى. جارمەڭكەنىڭ ەندى ءبىر قۋانت­قان تۇسى – مۇمكىندىگى شەكتەۋلى جانداردىڭ كورمەگە كوپتەپ تارتىلۋى بولدى. مۇگەدەكتىكتەرىنە قاراماستان, جاۋھار ونەردى جۇرت­شىلىقتىڭ نازارىنا ۇسىنعان شەبەرلەردىڭ قولىنان شىققان بۇيىمداردى كورىپ, ادام بالاسى پەيىلىن سالسا, قولىنان كەل­مەيتىنى جوق جانە ول ەشقانداي قيىندىقتى دا ەلەمەيدى ەكەن-اۋ دەگەن ويعا قالاسىڭ. ءىس-شارانىڭ ۇيىمداستىرۋ­شىلارى قازاقستانداعى بۇۇ «دامۋ» باعدارلاماسى, EXPO& WOMEN xالىقارالىق ۇيى­­­­مى جانە G-global xالىق­ارا­­­­لىق xاتشى­لىعى بولىپ تابىلادى. انار تولەۋحانقىزى, «ەگەمەن قازاقستان»