ءوزىن ءوزى باسقارۋدىڭ وڭتايلى جولى قانداي؟

كەشە ماجىلىستە ءوزىن ءوزى باسقارۋدى دامىتۋعا ارنالعان زاڭ جوباسى تانىستىرىلدى. زاڭ جوباسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەرگىلىكتى ءوزىن ءوزى باسقارۋدى دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» دەپ اتالادى.  وتىرىستى اشقان ءماجىلىستىڭ ەكونومي­كا­لىق رەفورما جانە وڭىرلىك دامۋ كومي­تەتى­نىڭ توراعاسى نۇرتاي سابيليانوۆ پرەزي­دەنت نۇرسۇلتان نازارباەۆتىڭ تاپسىرماسى­نا سايكەس زاڭ جوباسىن تالقىلاۋعا قوعامدىق ساراپ­شىلار, پارلامەنتتىك ەمەس پارتيا­لار مەن ۇكىمەتتىك ەمەس ۇيىمدار جانە باق وكىلدەرى كەلىپ وتىرعانىن ايتتى. سو­نىڭ ىشىندە تالقىلاۋعا باس پرو­كۋرا­تۋرا­­­نىڭ, ۇلتتىق بانكتىڭ,  پارلا­مەنت­كە ەن­­­بە­گەن «جالپىۇلتتىق سوتسيال-دەمو­كرا­تيا­­ل­ىق پارتياسى» (جسدپ) مەن «بىرلىك»,  «اۋىل» پار­تيا­لارىنىڭ, ازامات­تىق اليانس, قازاق­ستان­داعى پارلامەن­تاريزم­دى جەتىلدىرۋ قورى­نىڭ جانە ت.ب. قوعام­دىق ۇيىمداردىڭ وكىلدەرى قا­تىس­تى. جە­ر­گى­لىكتى جەرلەردەن قاراعاندى, پاۆ­­لو­دار, اقمولا  وبلىستىق, اباي, بۇقار جى­راۋ, نۇرا, وساكاروۆ, اقكول, شورتاندى اۋدان­­­دىق ءماسليحاتتارىنىڭ  دەپۋتاتتارى كەلدى. تانىستىرىلىمدى جۇرگىزگەن ەكونومي­كال­ىق رەفورما جانە وڭىرلىك دامۋ كومي­تەتى­نىڭ توراعاسى نۇرتاي سابيليانوۆ: «زاڭ جوباسىمەن 4 كودەكسكە (بيۋدجەتتىك, ازا­مات­تىق, سالىق, اكىمشىلىك) جانە 4 زاڭعا (قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن ءوزى باسقارۋ تۋرالى, جارناما تۋرالى, مەملەكەتتىك م ۇلىك تۋرالى, كاسiپوداقتار تۋرالى) ءوز­گەرىس­تەر مەن تولىقتىرۋلار ەنگىزىلەتىنىن ايت­تى. زاڭ جوباسىنا سايكەس جەرگىلىكتى ءوزىن ءوزى باسقارۋ ورگاندارى جەرگىلىكتى ماڭىزى بار ماسەلەلەردى تۇرعىنداردىڭ وزدەرى شەشۋى ءۇشىن قارجىلىق جانە ماتەريالدىق رەسۋرستارمەن قامتاماسىز ەتەتىن بولادى», – دەدى. بۇل ءومىر ءسۇرۋ دەڭگەيىن كوتەرۋگە جانە تۇرعىلىقتى جەردە حالىقتى جۇمىسپەن قامتۋعا مۇمكىندىك بەرەدى ەكەن. سونداي-اق, اۋىلداردا, كەنتتەردە, شاعىن قالالاردا اباتتاندىرۋ, كوشەلەردى جارىقتاندىرۋ, جەرگىلىكتى جولداردى سالۋ مەن جوندەۋ, سۋمەن قامتاماسىز ەتۋدى ۇيىمداستىرۋ, مەكتەپكە دەيىنگى تاربيە مەن وقىتۋ, جاقىن جەردەگى مەكتەپكە دەيىن وقۋشىلاردى تەگىن جەتكىزۋ جانە باسقا دا ماسەلەلەردى جەرگىلىكتى جەر ءوزى شەشە الاتىن كورىنەدى. تالقىلاۋعا قاتىسقان ۇلتتىق ەكونوميكا ءمينيسترى قۋاندىق بيشىمباەۆ نەگىزگى زاڭنامالىق جاڭالىقتاردى بايانداپ, سۇراقتارعا جاۋاپ بەردى. زاڭ جوباسىندا جەرگىلىكتى ءوزىن ءوزى باسقارۋدىڭ دەربەس بيۋدجەتى مەن ءجوب كوممۋنالدىق مەنشىگىن ەنگىزۋ, ءجوب ورگاندارىنىڭ بيۋدجەتتىك پروتسەستى جانە ءجوب كوممۋنالدىق مەنشىگىن باسقارۋداعى وكىلەتتىكتەرىن كەڭەيتۋ كەزىندەگى تۋىندايتىن قوعامدىق قاتىناستاردى رەتتەۋ كوزدەلەدى. ءجوب بيۋدجەتىنىڭ سالىق تۇسىمدەرىنەن جانە سالىقتىق ەمەس تۇسىمدەردەن (ايىپپۇلدار, كوممۋنالدىق مەنشىك كىرىس­تەرى مەن باسقالارى), كوممۋنالدىق مەنشىكتى ساتۋدان تۇسكەن كىرىستەردەن, اۋداندىق بيۋدجەتتىڭ ترانسفەرتتەرىنەن تۇراتىن كىرىس كوزدەرىنەن جيناقتالادى. ۇلتتىق كوميسسيانىڭ ۇسىنىمدارىنا سايكەس ءجوب بيۋدجەتىن جەرگىلىكتى قوعام­داستىق جينالىسىندا تالقىلاعاننان كەيىن اۋداندىق ءماسليحات بەكىتەتىن بولادى, ال ونى اتقارۋ اۋىل اكىمى اپپاراتىنا جۇكتەلەتىن بولادى, دەدى مينيستر. جاقسىباي سامرات, «ەگەمەن قازاقستان»