مەملەكەتتىك ورگاندار مەن جۋرناليستەردىڭ باستى ۇستانىمى ەلدىڭ تۇتاستىعىن ساقتاۋ بولۋى ءتيىس

«وزدەرىڭىز بىلەسىزدەر, مەن 5 جىل بويى پرەزيدەنتتىڭ جانىندا جۇمىس ىستەدىم جانە ەلباسىدان كوپ نارسە ۇيرەندىم, وسى كۇنگە دەيىن ءتالىم الۋدامىن. وسى رەتتە قىزىقتى جاعدايعا نازار اۋداردىم. مەملەكەت باسشىسى پيارمەن اينالىسپايدى. پرەزيدەنت ساپالى تۇردە ۇعىندىرا الادى. ياعني, ەلباسى اڭگىمە بارىسىندا بارلىعىن تۇسىنىكتى تۇردە جەتكىزەدى. بۇل تۇرعىدا پرەزيدەنتتىڭ كۇش-جىگەرى حالىق ءۇشىن, قازاقستاننىڭ يگىلىگىنە باعىتتالعان», دەدى بۇگىن استانادا كوممۋنيكاتسيالىق مەديا-مەنەدجمەنت جانە قارجىلىق ساۋاتتىلىق تاقىرىبىنداعى سەميناردا سويلەگەن قر اقپارات جانە كوممۋنيكاتسيالار ءمينيسترى داۋرەن اباەۆ. د. اباەۆ اقپاراتتىق ساياسات قوعامنىڭ تىنىشتىعى مەن ەل دامۋىنىڭ اجىراماس بولىگىنە اينالعانىن اتاپ ءوتتى. «سوندىقتان ءدال قازىر بىزدە دە اقپاراتتىق قاۋىپسىزدىكتى قامتاماسىز ەتۋ, سونىمەن بىرگە مەملەكەتتىك ساياساتتى حالىققا تولىققاندى جەتكىزۋ اسا ماڭىزدى. بۇل ىستە مەملەكەتتىك ورگانداردىڭ, جۋرناليستەردىڭ دە باستى ۇستانىمى ەلدىڭ تۇتاستىعىن ساقتاۋ, حالىقتىڭ يگى باستامالارىنا باعىتتاۋ بولۋى ءتيىس. بۇگىنگى جيىن وسىنداي ورتاق مىندەتتەردى جۇزەگە اسىرۋعا ۇلكەن ۇلەس قوسادى دەپ سەنەمىن», دەپ تۇيىندەدى ءسوزىن مينيستر. داۋرەن اسكەربەك ۇلى 2011 جىلدىڭ قازانىندا مەملەكەت باسشىسىنىڭ وكىمىمەن قازاقستان رەسپۋبليكاسى پرەزيدەنتىنىڭ ءباسپاسوز حاتشىسى بولىپ تاعايىندالدى. 2013 جىلدىڭ شىلدەسىنەن قازاقستان رەسپۋبليكاسى پرەزيدەنتىنىڭ كەڭەسشىسى - قازاقستان رەسپۋبليكاسى پرەزيدەنتىنىڭ ءباسپاسوز حاتشىسى قىزمەتىن اتقاردى. ال بيىلعى مامىردان باستاپ قر اقپارات جانە كوممۋنيكاتسيالار ءمينيسترى قىزمەتىنە تاعايىندالدى.