مەملەكەتتىك ورگاندار باق-پەن ىنتىماقتى جاقسارتۋى كەرەك - داۋرەن اباەۆ

  مەملەكەتتىك ورگاندار ساپالى, تۇسىنىكتى جانە قىزىقتى اقپاراتتى بەرۋى ءتيىس. بۇگىن استانادا كوممۋنيكاتسيالىق مەديا-مەنەدجمەنت جانە قارجىلىق ساۋاتتىلىق تاقىرىبىنداعى سەميناردا قر اقپارات جانە كوممۋنيكاتسيالار ءمينيسترى داۋرەن اباەۆ وسىلاي دەدى. «ءوز ءىسىڭنىڭ كاسىبي مامانى بولۋ وتە ماڭىزدى. ءبىز ءىرى وزگەرىستەر كزەڭىندە ءومىر سۇرۋدەمىز. قازىرگى زامانعى تەحنولوگيالاردىڭ ارقاسىندا بۇگىنگى كۇننىڭ اقپاراتتىق بەينەسى الۋان ءتۇرلى. بۇقارالىق اقپارات قۇرالدارى بەتتەرىندە تولىپ جاتقان وقيعالار كورىنىس تابۋدا, ياعني بۇل تۇرعىدا وتاندىق ۆاليۋتا باعىمىنان باستاپ, باسقا الەمدەگى تابيعي اپاتقا دەيىن قامتىلادى. بىزگە  بارلىق اقپارات قىزىقتى جانە ونىڭ بارلىعىن ءبىلۋىمىز كەرەك», دەپ توقتالدى مينيستر. بۇگىندە نيۋسمەيكەرلەردىڭ سانى دا ايتارلىقتاي ارتقانىنا توقتالعان د. اباەۆ, الەۋمەتتىك جەلىلەر مەن قولجەتىمدى گادجەتتەردىڭ ارقاسىندا قىزىقتى اقپاراتتىق اۆتورى رەتىندە ينتەرنەتتىڭ كەز كەلگەن پايدالانۋشىسى بولا الاتىنىن جەتكىزدى. سونىمەن قاتار مينيستر حالىقپەن ءتيىمدى كوممۋنيكاتسيالاردىڭ تەتىكتەرىن ۇدايى جەتىلدىرىپ وتىرۋ كەرەكتىگىن ايتا كەلە, «بۇعان ۇنەمى مەملەكەت باسشىسىمىز نازار اۋدارۋدا. بۇگىندە مەملەكەتتىك ورگاندار حالقىمىزدىڭ ءال-اۋقاتىن جاقسارتۋعا نەگىزدەلگەن ستراتەگيالىق باعدارلامالاردىڭ ونداعان باعىتتارىن ىسكە اسىرۋدا. الايدا, وسىنداي جۇمىستىڭ اقپاراتتىق ناتيجەسىن قاناعاتتانارلىق دەپ ايتۋ قيىنداۋ», دەدى. وسى رەتتە د. اباەۆ اتقارىلعان جەمىستى جۇمىستار ءتيىستى دەڭگەيدە جۇرتشىلىققا جەتۋى قاجەت, بۇگىنگى اقپاراتتىق شىنايىلىقتا بارشاسى ءتيىمدى جۇمىس ىستەۋ كەرەكتىگىن  اتاپ ءوتتى. «ول ءۇشىن مەملەكەتتىك ورگاندار ساپالى, تۇسىنىكتى جانە ادامدار ءۇشىن قىزىقتى اقپاراتتى بەرۋى ءتيىس, سونداي-اق بارىنشا جەدەلدىك تانىتىپ, باق-پەن سەنىمگە نەگىزدەلگەن ىسكەرلىك بايلانىستاردى قۇرۋ كەرەك», دەدى مينيستر. اتالعان سەميناردى قر اقپارات جانە كوممۋنيكاتسيالار مينيسترلىگى, قر قارجى مينيسترلىگى ۇيىمداستىرىپ وتىر. شاراعا مەملەكەتتىك قۇرىلىمداردىڭ توپ-مەنەدجەرلەرى, باس رەداكتورلار, ءباسپاسوز قىزمەتىنىڭ جانە جۋرناليستىك پۋلدىڭ وكىلدەرى قاتىسۋدا. سەمينار بارىسىندا سپيكەرلەر رەتىندە مەديا-سالاداعى بەدەلدى ادامدار مەن ساراپشىلار شاقىرىلدى.