تازالىق الماتى سياقتى مەگاپوليس قالاداعى باستى ماسەلەنىڭ ءبىرى. سوندىقتان قالا باسشىلىعى عانا ەمەس, قوعامدىق ۇيىمدار مەن كومپانيالار دا تازالىق ماسەلەسىنە ات سالىسىپ, ءتۇرلى شارالار ۇيىمداستىرىپ كەلەدى.
الماتىدا وسىنداي شارالاردىڭ ءبىرى «ەڭ ۇزدىك اۋلا سىپىرۋشى-2016» بايقاۋىنىڭ جەڭىمپازدارى ورتالىق مادەنيەت جانە دەمالىس ساياباعىندا وتكەن سالتاناتتى جيىن كادىمگىدەي قالالىقتاردىڭ نازارىن اۋداردى.
بۇل بايقاۋدى «ناعىز الماتىشا» قوعامدىق قورى الماتى قالاسىنىڭ تابيعاتتى پايدالانۋ باسقارماسىمەن بىرلەسە وتىرىپ, «ەفەس قازاقستان» شس اق-نىڭ قارجىلىق قولداۋىمەن وسىمەن ءتورتىنشى رەت ۇيىمداستىرىپ وتىر.
بيىلعى بايقاۋدا ءبىرىنشى ورىندى بوستاندىق اۋدانىنىڭ اۋلا سىپىرۋشىسى نۇرياحمەت قۋاندىقوۆ, ەكىنشى ورىندى ءاليا قوڭىروۆا (اۋەزوۆ اۋدانى) يەلەندى. ءۇشىنشى ورىن ءۇش جەڭىمپازعا بەرىلدى, ولار – ورىنباي جانجىگىتوۆ, قاسىمجان مامەتباكيەۆ (اۋەزوۆ اۋدانى) جانە ۆيكتور پەتروۆ (مەدەۋ اۋدانى).
سونىمەن قاتار, باسقا دا اۋداندارداعى ۇزدىك اۋلا سىپىرۋشىلاردىڭ ەڭبەگى دە ەلەۋسىز قالمادى. اتاپ ايتقاندا, گۋلنارا يۋلداشەۆا (تۇركسىب اۋدانى), سۆەتلانا ميحايلوۆا (مەدەۋ اۋدانى), گۋلسيناي يشنازاروۆا (المالى اۋدانى), مامەد سارىمامەدوگلى (الاتاۋ اۋدانى), دارحان مۇراتبەكوۆ (اۋەزوۆ اۋدانى), نيكولاي سامسونوۆ (بوستاندىق اۋدانى), ورازباي كاشكەەۆ (جەتىسۋ اۋدانى), ءامىرحان بەيسانوۆ (ناۋرىزباي اۋدانى) سەكىلدى اۋلا سىپىرۋشىلار دا ەسكەرۋسىز قالمادى.
ءداستۇرلى جارىس 15 ماۋسىمدا باستالعان بولاتىن. 15 تامىزعا دەيىن سوزىلعان بايقاۋدىڭ ءبىرىنشى كەزەڭىندە تۇرعىنداردىڭ وزدەرى داۋىس بەردى. ەكىنشى كەزەڭدە «قۇپيا تەكسەرۋشىلەر» ەڭ كوپ داۋىس جيناعان 30 اۋلا سىپىرۋشىنىڭ جۇمىس اۋماعىنا سىرتتاي تەكسەرىپ وتىرعان. «قۇپيا تەكسەرۋشىلەر گۇلزارلار مەن جاسىل كوشەتتەردىڭ جاعدايىنا, بالالار الاڭى مەن كولىك تۇراعىنداعى تازالىققا ۇپاي قويۋ ارقىلى ءوز باعاسىن بەرەدى. ءۇي تۇرعىندارىنىڭ پىكىرى دە جەكە ەسەپكە الىنادى.
وسىلايشا ءبىرىنشى ورىن العان نۇرياحمەت قۋاندىقوۆ 200 مىڭ تەڭگە, ەكىنشى ورىنداعى ءاليا قوڭىروۆا 150 مىڭ تەڭگە جانە 3 اۋلا سىپىرۋشىعا تاعايىندالاتىن 3 ورىن ءۇشىن 100 مىڭ تەڭگەدەن بەرىلدى. اۋدان بويىنشا ۇزدىك دەپ تانىلعان اۋلا سىپىرۋشىلار ەستەلىك سىيلىقتارمەن جانە ديپلومدارمەن ماراپاتتالدى.
ايناش ەسالي, «ەگەمەن قازاقستان»
سۋرەتتەردى تۇسىرگەن اۆتور
