ۇلىستى ۇيىستىرعان – ۇلىق مەرەكە

    بۇگiن مەملەكەت باسشىسى نۇرسۇلتان نازارباەۆ استاناداعى «ازiرەت سۇلتان» مەشiتiنە بارىپ, قازاقستاندىق بارشا مۇسىلمانداردى قاسيەتتى قۇربان ايت مەرەكەسىمەن قۇتتىقتادى. «ازىرەت سۇلتان» مەشىتىنە تاڭعى ناماز اياقتالعان بويدا كەلگەن قازاقستان پرەزيدەنتى نۇرسۇلتان نازارباەۆ: «قۇرمەتتى مۇسىلمان قاۋىم! بۇگىن جەر شارىنداعى بۇكىل مۇسىلماندار قاسيەتتى مەرەكە – قۇربان ايتتى اتاپ ءوتىپ جاتىر. بۇل دىننەن دە, اتا-بابامىزدان دا ءداستۇر الىپ كەلە جاتقان اللانىڭ, پايعامبارىمىزدىڭ (س.ع.س.) قالدىرىپ كەتكەن وسيەتى. قۇربان ايت كەزىندە قازاق جۇرتى مەيىرباندىق تانىتىپ, ءبىر-بىرىمەن كورىسىپ, بۇكىل جۇرتقا, xالىققا جاقسىلىق تىلەيدى. وتباسىنىڭ بەرەكەسى, ەلدىڭ تىنىشتىعى ءۇشىن قۇربان شالىپ, ناماز وقيدى. سونىڭ ءبارى اللانىڭ قۇلاعىنا شالىنىپ, ەلىمىز امان, جۇرتىمىز تىنىش بولسىن. «مۇسىلماندار بولىنبەۋ كەرەك, بولشەكتەنبەۋ كەرەك», دەگەن ءسوز بار. سوندىقتان بۇگىنگى قيىن-قىستاۋ جاعداي بولىپ جاتقاندا مۇسىلمانداردىڭ, ەلدىڭ بىرلىگى اسا كەرەك», – دەدi. ودان ءارى ەلباسى ەلىمىزدىڭ بەرەكەسى بىرلىگىمىزدىڭ ارقاسىندا نىعايىپ وتىرعانىن ءسوز ەتتى. «ءبىز بيىل ەلىمىزدىڭ 25 جىلدىق تاۋەلسىزدىگىن اتاپ ءوتىپ جاتىرمىز. وسى 25 جىلدىققا بەرەكە-بىرلىكتىڭ, تاتۋلىقتىڭ ارقاسىندا, جەتتىك. قۇراندا جازىلعانداي, مۇسىلمان جۇرتى ەلدى ۇلىسقا, ۇلتقا ەشقاشان بولمەيدى. بارلىعى ءدىندى بىردەي كورەدى. سول بىرلىك ءبىزدى العا قاراي الىپ كەلە جاتىر. ءار ۋاقىتتا دا اللا جار بولىپ, قولداپ, ەلىمىزدىڭ, قازاعىمىزدىڭ بولاشاعىن باياندى ەتسىن!» – دەدى مەملەكەت باسشىسى. جولدىباي بازار, «ەگەمەن قازاقستان»