وڭتۇستىك كورەيا وكىمەتى سولتۇستىك كورەيا استاناسىن جويىپ جىبەرۋگە دايىن وتىر

  وڭتۇستىك كورەيا بيلىگى سولتۇستىك كورەيانىڭ يادرولىق قارۋ قولدانۋعا دايىندىعىن بايقاعان ساتتە ونىڭ استاناسى پحەنياندى جەرمەن-جەكسەن ەتىپ جوق قىلۋ جوسپارىن ازىرلەپ قويدى. بۇل تۋرالى بىرنەشە شەتەلدىك باسىلىم يونحاپ اگەنتتىگىنە سىلتەمە جاساي وتىرىپ حابارلادى. اقپاراتتا يونحاپتىڭ وڭتۇستىك كورەيا وكىمەتىمەن بايلانىسى مىقتى ەكەنى ايتىلادى. وڭتۇستىك كورەيا پارلامەنتى جۋرناليستەردى «كورەيانىڭ جاۋاپ شاراسى جانە جاپپاي جازالاۋ» دەپ اتالاتىن جوسپارمەن تانىستىرعان. «سولتۇستىك تاراپىنان يادرولىق قارۋ قولدانۋ بەلگىسى بايقالدى, ءبىتتى –  پحەنياننىڭ ءاربىر اۋدانى, ونىڭ ىشىندە سولتۇستىك كورەيا بيلىگى جاسىرىنعان ايماعى بالليستيكالىق زىمىراندار جانە قۋاتى اسا زور جارىلعىش زاتتاردىڭ كومەگىمەن تولىق جويىلادى» دەگەن يونحاپقا ۇكىمەتتىڭ ءبىر مۇشەسى. وسى جۇمادا سولتۇستىك كورەيا ءوز تاريحىنداعى ەر ءىرى جەراستى يادرولىق سىناعىن جاساعان بولاتىن. «ەگەمەن-اقپارات»