• 10 قىركۇيەك, 2016

بۇگىننەن باستاپ كازسپورت 5 ەسە تۇنىق كورسەتەدى

612 رەت

كورسەتىلدى

1 مين

وقۋ ءۇشىن

Egemen Qazaqstan

Kazsport تەلەارناسى بۇگىن HD فورماتىنا كوشتى. ياعني ونىڭ رەڭى بۇرىنعىدان 5 ەسە تۇنىق ءارى انىق بولا ءتۇستى. بۇل جونىندە بۇگىن اقپارات جانە كوممۋنيكاتسيالار ءمينيسترى داۋرەن اباەۆ ءوزىنىڭ فەيسبۋكتەگى اككاۋنتى ارقىلى حابارلادى. "قۇرمەتتى دوستار! اقپارات جانە كوممۋنيكاتسيالار مينيسترلىگى «Kazsport» تەلەارناسىن HD فورماتىنا كوشىرۋدى ءساتتى اياقتادى. وسىلايشا, وتاندىق تەلەۆيزيانىڭ حابار تاراتۋىن جوعارى ساپاعا كوشىرۋگە العاشقى قادام جاسالىپ وتىر. اتاپ ايتۋ كەرەك, جاڭا فورماتتى ازىرشە «وتاۋ تۆ» وپەراتورىنىڭ 4 ميلليوندىق اۋديتورياسى پايدالانادى. ەندى, ەلىمىزدىڭ باستى سپورت تەلەارناسىنىڭ كورىنىسى 5 ەسەگە ارتادى. ال, «Kazsport» «وتاۋ تۆ»-نىڭ تەگىن پاكەتىنە قوسىلادى. ءبىز بارلىق تەست جۇمىستارىن ماقساتتى تۇردە 10 قىركۇيەك قارساڭىندا اياقتاپ وتىرمىز. سەبەبى, بۇگىن بارشا ەلىمىز داڭقتى جەرلەسىمىز گەننادي گولوۆكيننىڭ كەلل برۋكپەن جەكپە-جەگىن اسىعا كۇتۋدە. وسى ايتۋلى سپورت كەشىن سىزدەر ەندى مۇلدە جاڭا ساپادا كورەسىزدەر. ەل مەرەيىن اسىرعان جەرلەسىمىزگە جەڭىس تىلەيمىن!" دەپ جازدى داۋرەن اباەۆ.