اقش پەن رەسەي سيريا جونىندە كەلىسىمگە كەلدى

  اقش پەن رەسەي سيرياداعى سوعىستى توقتاتىپ ەلدەگى احۋالدى بەيبىت جولمەن رەتتەۋگە باعىتتالعان جوسپاردى جاريا ەتتى دەپ حابارلايدى BBC News. «بۇگىن اقش پەن رەسەي اتىس-شابىستى باسەڭسىتىپ, جاعدايدى رەتتەپ, سيريادا بەيبىت كەلىسسوزدەر باستاۋعا ارنالعان جوسپاردى جاريا ەتىپ وتىر» دەپ مالىمدەدى اقش مەملەكەتتىك حاتشىسى دجون كەرري. ونىڭ سوزىنە قاراعاندا, كەلىسىلگەن جوسپار بۇگىنگە دەيىن جاسالعان كەلىسىمدەردىڭ قاي-قايسىسىمەن سالىستىرعاندا ۇلكەن پوتەنتسيالعا يە جانە بارلىق تاراپتار ورىنداعان جاعدايدا بەيبىت كەلىسسوزدەردى باستاۋعا مۇمكىندىك بەرەدى. «جوسپار تولىقتاي ىسكە اسسا بۇل ءبىر بەتبۇرىس كەزەڭ بولعالى تۇر» دەدى دجون كەرري. جاسالعان كەلىسىمدەر بويىنشا, سيرياداعى سوعىسقا قاتىسۋشى تاراپتاردىڭ ءبارى 12 قىركۇيەكتەن باستاپ اسكەري قيمىلداردى توقتاتۋى ءتيىس. اتىس-شابىس جەتى كۇنگە تىيىلۋى كەرەك دەدى رەسەي سىرتقى ءمينيسترى سەرگەي لاۆروۆ. سيريا وكىمەتى ەلدىڭ كەي اۋداندارىنا اۋەدەن بومبا تاستاماۋى, ال وپپوزيتسيا «نۋسرا مايدانى», «يسلام مەملەكەتى» سياقتى ەكسترەميستىك توپتاردان اۋلاق كەتۋى ءتيىس. لاۆروۆتىڭ ايتۋىنشا, سيريا وكىمەتى بۇل جوسپارمەن جاقسى تانىس جانە ونى ىسكە اسىرۋعا دايىن وتىر. كەرري مەن لاۆروۆتىڭ كەلىسسوزى جەنەۆادا 12 ساعات بويى جالعاسقان بولاتىن. ەگەمەن-اقپارات