قازاقستان رەسپۋبليكاسى پرەزيدەنتىنىڭ جارلىعى

ا.ۇ.ءماميندى قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى قىزمەتىنە تاعايىنداۋ تۋرالى اسقار ۇزاقباي ۇلى مامين قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى بولىپ تاعايىندالسىن. قازاقستان رەسپۋبليكاسىنىڭ پرەزيدەنتى ن.نازارباەۆ استانا, اقوردا, 2016 جىلعى 9 قىركۇيەك.  № 320 اسقار ۇزاقباي ۇلى مامين 1965 جىلى تۋعان, تسەلينوگراد ينجەنەرلىك-قۇرىلىس ينستيتۋتىن, گ.ۆ.پلەحانوۆ اتىنداعى رەسەي ەكونوميكا اكادەمياسىن بىتىرگەن, ماماندىعى بويىنشا – ينجەنەر-قۇرىلىسشى, ەكونوميست. ەڭبەك جولىن «تسەلينتياجستروي» ترەسىنىڭ قۇراستىرۋشىسى بولىپ باستادى. تسەلينوگراد وبلىستىق ىشكى ىستەر ورگاندارىندا قىزمەت اتقاردى. كاسىپكەرلىكپەن شۇعىلداندى. استانا قالاسى اكىمىنىڭ ءبىرىنشى ورىنباسارى – اقمولا ارنايى ەكونوميكالىق ايماعى اكىمشىلىك كەڭەسى توراعاسىنىڭ ورىنباسارى, كولىك جانە كوممۋنيكاتسيا ۆيتسە-ءمينيسترى, يندۋستريا جانە ساۋدا ءبىرىنشى ۆيتسە-ءمينيسترى لاۋازىمدارىندا قىزمەت اتقاردى. كولىك جانە كوممۋنيكاتسيا ءمينيسترى, استانا قالاسىنىڭ اكىمى قىزمەتتەرىنە تاعايىندالدى. 2008 جىلعى ساۋىردەن – «قازاقستان تەمىر جولى» ۇلتتىق كومپانياسى» اق پرەزيدەنتى.