قازاقستان رەسپۋبليكاسى پرەزيدەنتىنىڭ جارلىعى

ب.ءا.ساعىنتاەۆتى قازاقستان رەسپۋبليكاسىنىڭ پرەمەر-ءمينيسترى قىزمەتىنە تاعايىنداۋ تۋرالى باقىتجان ءابدىر ۇلى ساعىنتاەۆ قازاقستان رەسپۋبليكاسىنىڭ پرەمەر-ءمينيسترى بولىپ تاعايىندالسىن. قازاقستان رەسپۋبليكاسىنىڭ پرەزيدەنتى ن.نازارباەۆ استانا, اقوردا, 2016 جىلعى 9 قىركۇيەك.  № 319 باقىتجان ءابدىر ۇلى ساعىنتاەۆ 1963 جىلى تۋعان. قازاق مەملەكەتتىك ۋنيۆەرسيتەتىن بىتىرگەن, ماماندىعى بويىنشا – ەكونوميست, ساياسي ەكونوميا ءپانىنىڭ وقىتۋشىسى. ەكونوميكا عىلىمدارىنىڭ كانديداتى عىلىمي دارەجەسى بار. ەڭبەك جولىن جوعارى وقۋ ورنىندا وقىتۋشىلىق قىزمەتتەن باستادى. سودان كەيىن كاسىپكەرلىكپەن شۇعىلداندى. جامبىل وبلىسى اكىمىنىڭ ورىنباسارى, قازاقستان رەسپۋبليكاسى شاعىن بيزنەستى قولداۋ, تابيعي مونوپوليالاردى رەتتەۋ اگەنتتىكتەرى توراعالارىنىڭ ورىنباسارى بولدى. تابيعي مونوپوليالاردى رەتتەۋ اگەنتتىگىنىڭ توراعاسى, قازاقستان رەسپۋبليكاسى پرەمەر-ءمينيسترى كەڭسەسىنىڭ باسشىسى, پاۆلودار وبلىسىنىڭ اكىمى, قازاقستان رەسپۋبليكاسى ەكونوميكالىق دامۋ جانە ساۋدا ءمينيسترى بولىپ تاعايىندالدى. «نۇر وتان» حالىقتىق-دەموكراتيالىق پارتياسى توراعاسىنىڭ ءبىرىنشى ورىنباسارى, ەۋرازيالىق ەكونوميكالىق كوميسسيا كەڭەسىندە قازاقستان رەسپۋبليكاسىنىڭ وكىلى بولدى. سوڭعى كەزدە – قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى.