كۇن ءتارتىبى ناقتىلاندى

ءماجىلىس سپيكەرى نۇرلان نىعماتۋليننىڭ توراعالىعىمەن پالاتانىڭ بيۋرو وتىرىسى ءوتىپ, الداعى جالپى وتىرىستىڭ كۇن ءتارتىبى ناقتىلاندى, دەپ حابارلادى ءماجىلىستىڭ ءباسپاسوز قىزمەتى. حالىق قالاۋلىلارى نازارىنا قازاقستان مەن سەربيا اراسىنداعى تابىس پەن كاپيتالعا سالىناتىن سالىقتارعا قاتىستى قوسارلانعان سالىق سالۋدى بولدىرماۋ جانە سالىق سالۋدان جالتارۋعا جول بەرمەۋ تۋرالى ۇكىمەتارالىق كونۆەنتسيانى جانە وعان حاتتامانى راتيفيكاتسيالاۋ تۋرالى زاڭ جوباسى ۇسىنىلماق. سونىمەن قاتار, ءماجىلىس وسى كۇنى «قازاقستان رەسپۋبليكاسىنىڭ ۇلتتىق قورىنا 2017-2019 جىلدارعا ارنالعان كەپىلدەندىرىلگەن ترانسفەرت تۋرالى, «رەسپۋبليكالىق جانە وبلىستىق بيۋدجەتتەر, رەسپۋبليكالىق ماڭىزى بار قالا, استانا بيۋدجەتتەرى اراسىنداعى 2017-2019 جىلدارعا ارنالعان جالپى سيپاتتاعى ترانسفەرتتەردىڭ كولەمى تۋرالى, «2017-2019 جىلدارعا ارنالعان رەسپۋبليكالىق بيۋدجەت تۋرالى اسا ماڭىزدى زاڭ جوبالارىن جۇمىسقا قابىلداماق. ال «كوللەكتورلىق قىزمەت تۋرالى» جانە وعان ىلەسپە زاڭ جوبالارى بويىنشا جۇمىس ودان ءارى جالعاستىرىلادى دەپ كۇتىلۋدە.