كەلىسىمدى ءىستىڭ كەلەشەگى كەمەل

ماسكەۋدە قازاقستان مادەنيەت جانە سپورت مينيسترلىگى مەن رەسەي فەدەراتسياسى ءما­دە­­نيەت مينيسترلىگىنىڭ ارا­سىندا 2017-2019 جىل­دار­عا ار­نالعان مادەنيەت سالا­سىنداعى ىنتىماقتاستىق باع­دارلاماسىنا قول قويىل­دى. قۇجاتقا قازاقستان رەس­پۋب­ليكاسى مادەنيەت جانە سپورت ءمينيسترى ارىستانبەك مۇ­حا­مەدي ۇلى مەن رف مادە­نيەت ءمينيسترى ۆلاديمير مەدينسكي قول قويدى. قول قويىلعان باعدارلاماعا سايكەس, قازاقستان جانە رەسەي ەندى بەينەلەۋ جانە ساحنا ونەرى, كينەماتوگرافيا, كىتاپحانا, مۇراجاي ءىسى, ساندىك قولونەر, كوركەمونەر, تسيرك ونەرى, تاريحي-مادەني مۇرا نىساندارىن ساقتاۋ, حالىق ونەرى سالاسىنداعى ىنتىماقتاستىققا جاعداي جاسايتىن بولادى. بۇدان باسقا, ەكى مەملەكەتتىڭ مۋزىكا مەكەمەلەرى مەن كونتسەرت ۇيىمدارى ورىنداۋشىلارمەن, مۋزىكا ۇجىمدارىمەن جانە ماماندارىمەن الماسۋعا, سونىمەن قاتار قازاقستان رەسپۋبليكاسى مەن رەسەي فەدەراتسياسىنىڭ شىعارماشىلىق وداقتارى اراسىنداعى بايلانىستاردىڭ كەڭەيە تۇسۋىنە ىقپال جاسايدى. قازاقستان جانە رەسەي مادەنيەت مينيس­ترلەرى ايتىپ كەتكەندەي, ەكىجاقتى مادەني بايلانىستاردى دامىتۋدا مادەنيەت جانە ونەر سالاسىنداعى ءبىلىم بەرۋ باعدارلامالارىن جۇزەگە اسىراتىن كاسىبي ءبىلىم بەرۋ ۇيىمدارى جانە جوعارى ءبىلىم بەرۋ ۇيىمدارىنىڭ اراسىندا بايلانىس ورناتۋ ەرەكشە ورىن الادى. بۇل ماقساتتى جۇزەگە اسىرۋ ءۇشىن تاراپتار جوعارى ءبىلىم بەرەتىن وقۋ ورىندارىنىڭ وقىتۋشىلارىنا مەملەكەتتەردىڭ تەاتر-ويىن-ساۋىق مەكەمەلەرىنىڭ, جوعارى ءبىلىم بەرەتىن وقۋ ورىندارىنىڭ, مادەنيەت پەن ونەر, عىلىمي ۇيىمداردىڭ نەگىزىندە كاسىبي بىلىكتىلىكتى ارتتىرۋ شارالارى مەن شىعارماشىلىق تاعىلىمدامالار ۇيىمداستىرىلادى دەپ كەلىستى. سونىمەن قاتار, ا.مۇحامەدي ۇلى مەن ۆ.مەدينسكي قول قويعان قۇجات ەكى ەلدىڭ كىتاپحانالارى اراسىندا ىنتىماقتاستىقتى دامىتۋ, مۇراجاي ءىسى سالاسىندا تاجىريبە الماسۋ, بۇكىلالەمدىك مۇرانى ساقتاۋ اياسىندا جاڭا باستامالار, ايماقتىق باعدارلامالار مەن ستراتەگيالاردى ىلگەرىلەتۋ ماسەلەلەرىن قام­تيدى. وسى ورايدا قازاقستان جانە رەسەي بۇكىلالەمدىك مۇرا نىساندارىن باس­قارۋ مەن ساقتاۋ بويىنشا مامانداردى كاسى­بي دايارلاۋ مەن قايتا دايارلاۋ اياسىندا ءوز­ارا بايلانىستى قامتاماسىز ەتەتىن بولادى. قازاقستان مادەنيەت جانە سپورت مينيس­ترى رە­سەيلىك ارىپتەستەرىنە پرەزيدەنت تۋ­­را­لى ءفيلمنىڭ كورسەتىلىمىن ۇيىم­داستىرعاندىعى ءۇشىن العىسىن ءبىلدى­رۋ­دى دە ۇمىتپادى. «ەگەمەن-اقپارات»