اقىرتاستاعى ايشىقتى جۇمىستار

ەلباسى ن.نازارباەۆتىڭ باستاماسىمەن, وتكەنىمىزدى تۇگەندەپ, بارىمىزدى جاڭ­عىرتۋ ماقساتىندا قولعا الىنعان ۇلتتىق-سترا­تەگيا­لىق «مادەني مۇرا» باع­دارلاماسى اياسىندا 2004-2006 جىلداردان بەرى جام­بىل وبلىسى اۋماعىندا ورنالاسقان, ورتالىق ازيادا تەڭدەسى جوق اقىرتاس ساراي قالاشىعىندا ارحەولوگيالىق قازبا-زەرتتەۋ جۇمىستارى جالعاسىپ جاتىر. ۇلتتىق باعدارلامانىڭ 2009-2011 جىلدارعى ەكىنشى كەزەڭىندە قازبا, زەرتتەۋ, جاڭعىرتۋ جۇمىستارى ودان ءارى جاندانىپ, تاريحي كەشەن باسىندا «اقپاراتتىق-عىلىمي ورتالىق» اشىلدى. – قالاشىقتا جۇمىستىڭ نەگىزگى بولىگىندە ەجەلگى قالاشىق اۋماعىن ارالايتىن ىشكى اربات جيەكتەرى قايتا جوندەلىپ, رەتكە كەلتىرىلۋدە. تاريحي مۇرانىڭ نەگىزگى بولىگىندە تۇرعان تۇعىر باعا­نالار جاڭعىرتىلىپ, كەشەنگە كەلىپ كەتۋشى قوناقتارعا ارنالعان تۇرمىستىق ارنايى نىساندارعا اپاراتىن جيەك جول قۇرىلىسى سالىنۋدا. اتالعان جۇمىستاردى «قاز­قايتاجاڭعىرتۋ» رمك تاراز فيليالىنىڭ مامان­دارى اتقارۋدا, – دەيدى, «ەجەلگى تاراز ەسكەرتكىشتەرى» قو­رىق-مۋزەيىنىڭ ديرەكتورى ت.مول­داقىنوۆ. كەشەندە اتقارىلىپ جات­­قان قايتا جاڭعىرتۋ, ابات­­­تاندىرۋ جۇمىستارىنىڭ بارلىعى دەرلىك كەلەر جى­­­لى ەلىمىزدە وتە­تىن ەكسپو-2017 حالىق­ارا­لىق كور­­مەسىنە ازىرلىك جۇ­مىس­تارى اياسىندا قولعا الىنعان. ەسكە سالا كەتەيىك, اقىرتاس ساراي كەشەنى كور­مەگە كەلۋشى قوناقتارعا ارنالعان ارنايى تۋريستىك باعىت تىزبەسىنە ەنگەن. الماس مۇحتاروۆ