10 000 000 تەڭگە

دانيار ەلەۋسىنوۆ بالالاردى ەمدەۋ قورىنا وسىنشا اقشا اۋداردى ريو وليمپياداسىنىڭ چەمپيونى, ورال ءوڭىرىنىڭ ءتول تۋماسى, بوكسشى دا­نيار ەلەۋسىنوۆ اكەسى ءارى جاتتىقتىرۋشىسى ما­رات ەلەۋسىنوۆپەن بىرگە تۋعان جەرىنە كەلىپ, ەل-جۇرت­پەن قاۋىشتى. وسى ەمەن-جارقىن جۇزدە­سۋ­لەر بارىسىندا ولاردى باتىس قازاقستان وبلى­سىنىڭ اكىمى التاي كول­گىنوۆ قابىلدادى. كەز­دە­سۋ ۇستىندە وبلىس باسشىسى دانياردىڭ بيىك جەتىستىگى كاسىبي سپورت­تا­عى قادامدارىن جاڭا­دان باستاعان بالعىن جەت­كىن­شەكتەر ءۇشىن قايتا­لانباس ۇلگى-ونەگە ەكەنىن اتاپ كور­سەتتى. ايماق باسشىسى ءوز ءسو­زىندە ورال قالا­سىن­دا قۇ­رىلىسى اياق­تالىپ كەلە جاتقان, جاس­تار سارايىنىڭ جانىنان قۇرىلاتىن بوكس ورتالىعىنا دانيار ەلەۋ­­­­­­سىنوۆتىڭ ەسىمىن بە­رۋ ءجو­نىندە شەشىم قا­بىل­­­دانعانىن جەتكىزدى. «دا­نيار ءوزىنىڭ ارتىنان ەرگەن سپورتتاعى دارىندى ءىنى­لەرىن تاربيەلەۋ ىسىنە ءوز ۇلەسىن قوسادى دەگەن سە­نىم­­دەمىز», – دەدى بۇدان ءارى ا.كولگىنوۆ. تۋعان توپىراعىنىڭ اتى­نان سىي رەتىندە ءوڭىر باسشىسى اكەلى-بالا­لى دانيار مەن ما­رات ەلەۋ­سىنوۆتەردىڭ ارقاي­سىسىنا 10 ميلليون تەن­گەنىڭ اق­شالاي سەرتيفيكاتىن تابىس ەتتى. بۇدان كەيىنگى كەزەكتە وليمپيادا چەمپيونى ءوزارا قۇرمەت پەن سىيلاستىق بەلگىسى رەتىندە وبلىس اكىمىنە بوكس قول­عابىن سىيعا تارتسا, ونىڭ اكەسى وبلىسقا كۇ­مىسپەن كۇپ­تەلگەن تۇمار­دى تاپسىردى. تىلەك ءسوزىنىڭ سوڭىندا ءوز ەلىنىڭ تەكتى دە ءمارت ۇلانى ايماق باسشىسى تابىس ەتكەن 10 ميلليون تەنگەنىڭ سەرتيفيكاتىن ءوزىنىڭ كىن­دىك كەس­كەن توپىراعىندا قال­دى­را­تىنىن ايتتى. ءارى ونى سال اۋرۋىنا تاپ بولعان بالالاردى ساۋىقتىرۋمەن اينالىساتىن «بايتەرەك» قوعامدىق بىرلەستىگىنە تاپسى­راتىنىن مالىمدەدى. ءدال سول كۇنى 10 ميلليون تەڭ­گەنىڭ سەرتيفيكاتى «ءباي­­تەرەك» قوعامدىق قو­رى­نىڭ ءتورايىمى مە­رۋەرت سانكاەۆاعا تابىس ەتىل­دى. تەمىر قۇسايىن, «ەگەمەن قازاقستان» ورال سۋرەتتى تۇسىرگەن ايباتىر نۇراش