چەمپيونات نەنى كورسەتتى؟

الماتىدا ەل سپارتاكياداسى اياسىندا وتكەن بوكستان ەرەسەكتەر اراسىنداعى قا­زاق­ستان چەمپيوناتى اياقتالدى ءبىر جەتى بويى بالۋان شولاق اتىن­داعى مادەنيەت جانە سپورت سا­رايىندا كەرىلگەن شارشى الاڭدا ون سالماق بويىنشا كۇش سىناس­قاندار اراسىندا تومەندەگى بوكسشىلار ەل چەمپيونى اتاندى. 49 كگ. سالماقتا ازامات ەسەعۇلوۆ (جامبىل وبلى­سى), ءالي بايبوزوۆ (ماڭعىستاۋ وب­لىسى, 52 كگ.), عاني جايلاۋوۆ (جام­بىل وبلىسى, 60 كگ.), دانيار ەلەۋسىنوۆ (استانا قالاسى, 64 كگ.), رۇستەم سىباەۆ (قىزىلوردا وبلىسى, 69 كگ.), دانابەك سۋجانوۆ (شىعىس قا­زاقستان وبلىسى, 75 كگ.), ارمان رىس­بەك (سولتۇستىك قازاقستان وبلى­سى, 81 كگ.), ۆاسيلي لەۆيت (استانا قا­لاسى, 91 كگ.) جانە ەڭ اۋىر سالماقتا يۆان دىچكو (قوستاناي وبلىسى) قا­زاقستان چەمپيونى اتاعىن تاعى ءبىر مارتە جەڭىپ الدى. ءسويتىپ, جەڭىم­پاز­دار ىشىندە ۆاسيلي لەۆيت پەن عاني جايلاۋوۆ ءۇش مارتە, دانيار ەلەۋسىنوۆ پەن يۆان دىچكو ەكى ءمار­تە ەل چەمپيونى اتاعىنا يە بولدى. چەمپيونات سوڭىندا جارىستىڭ ۇزدىك بوكسشىسى بولىپ دانيار ەلەۋ­سىنوۆ اتانسا, «قايسار مىنەز تا­نىت­قانى ءۇشىن» اتاعىن ايدار ءال­مىر­زاقوۆ, «ۇزدىك تورەشى» اتاعىن باقىتجان بەكپەنبەتوۆ يەلەندى. جالپى, بيىلعى بوكس باسەكە­سىن­دە نەبىر جاعدايلاردىڭ بولعانىن ايتۋعا بولادى. ماسەلەن, بەيجىڭ وليمپياداسىنىڭ قولا جۇلدەگەرى ەركەبۇلان شىناليەۆ (وڭتۇستىك قازاقستان وبلىسى) العاشقى كەزدەسۋىندە ماڭعىستاۋلىق الىبەك بال­قو­جادان جەڭىلگەن سوڭ, شارشى الاڭ­نان ءبىرجولاتا كەتۋدى ويلاستىرىپ جاتقانعا ۇقسايدى. ءوزىنىڭ ايتۋ­ىن­شا, قازىر ونىڭ سالماعى 103 كگ. چەمپيونات الدىندا ول ءبىراز سالماق قۋىپ, جارىسقا ەكى اي ۋاقىت قال­عاندا دايىندالا باستاعان. ال ونىڭ بۇرىنعى 81 كگ. سالماعىنا قازىر اۋىسۋ  مۇمكىن ەمەس كورىنەدى. سون­دىق­تان ە.شىناليەۆتىڭ شارشى ال­اڭ­نان شىنىمەن دە كەتىپ, قول­عابىن شەگەگە ءىلۋى عاجاپ ەمەس. بي­ىلعى دودادا سونداي-اق مىناداي كۇت­پەگەن وقيعا بولدى. تارازدىق ازامات ەسە­عۇلوۆ پەن سولتۇستىك­قا­زاق­ستاندىق ار­مان رىسبەك وزدە­رى­نەن ءتاجى­ري­بەلى ءبىرجان جاقىپ پەن المات سەرىموۆتى ۇتىپ, چەمپيون اتاندى. بۇل دەگەنىمىز, جەڭىل جانە اۋىر سال­ماقتا جىل سايىن باسە­كە­لەستەردىڭ كوبەيىپ جات­قانىن كورسە­تە­دى. چەمپيوناتتا ور­ىن العان داۋ­لى ءما­سە­لەلەردىڭ ءبىرى ول­جاس ءسات­تى­باەۆتىڭ (جامبىل وب­لى­سى) قارسى­لا­سىنان جەڭىلگەنى بولدى. راس, حالىقارالىق دارەجەدەگى سپورت شەبەرى و.ساتتىباەۆ العاش­قىدا قىزىلوردالىق قارسىلاسى ب. ءجۇسىپتى «وڭاي ولجا» دەپ ويلاپ, ءبىرىنشى راۋندتى تەڭ اياقتاۋعا ءماجبۇر بولدى. ال ەندى ەكىنشى راۋندتا ول­جاستىڭ باسىمدىعى ايقىن كورىندى. ءۇشىنشى راۋندتا, ءتىپتى, قارسىلاسىن قارشا بوراعان سوققىنىڭ استىنا العانىمەن   تورەشىلەر 9:8 ەسەبىمەن «جەڭىستى» ب. جۇسىپكە بەردى. وسى جەكپە-جەكتەن ارنايى رەپورتاج جۇرگىزگەن «قازاقستان» تە­لە­ارناسىنىڭ كوممەنتاتورلارى دا ولجاستىڭ شەبەرلىگىن ءدال انىق­تاۋ­دا تورەشىلەر تاراپىنان ادىلدىك بولماعانىن ايتىپ جانايقايعا با­سۋ­داي-اق باستى. بوكستىڭ باسى-قا­سىندا جۇرەتىن جاناشىر, مەتسەنات ازامات ءمۇسىلىم دايىربەكوۆ تە تا­لانتتى بوكسشىنى سۇرىندىرگەن ءتو­رە­شىلەردىڭ بەزبۇيرەكتىگىنە قاتتى قىنجىلىپتى. باركەر كۋبوگىنىڭ يەگەرى باقتيار ارتاەۆ سەكىلدى تا­لانتتى بوكسشىنى وليمپيادا بيىگىنە دەيىن كوتەرگەن بىلىكتى باپكەر نۇرلان اقۇرپەكوۆ «پروتەست» جازۋ­عا ءماجبۇر بولعان.  الەم چەم­پيو­نى, وليمپيادانىڭ ەكى دۇركىن كۇ­مىس جۇلدەگەرى بولات ءجۇمادىلوۆ تە ولجاس ساتتىباەۆتىڭ انىق جەڭگەنىن ايتىپ وتىر. مۇنداي جاعداي بىلتىرعى قا­زاق­ستان بىرىنشىلىگىندە دە ورىن ال­عان. سونىڭ كەسىرىنەن, وتكەن جىلعى «ءبىرىنشى» ءنومىرلى بوكسشى دەپ ما­را­پاتتاعان جاستاردىڭ ەشقايسىسى دا حالىقارالىق جارىستاردان ال­تىن نە كۇمىس الىپ كەلە المادى. كەي­بىرى, ءتىپتى, قولا مەدالعا دا قول جەتكىزبەدى. بيىل سولاردىڭ ءبارى قۇمعا سىڭگەن سۋداي جوق. ايتايىن دەگەنىمىز, الدا ەل نا­مىسى سىنعا تۇسەتىن ۇلكەن جارىس­تار كۇتىپ تۇر. وندا لوندون ول­يم­پياداسىنا جولدامالار بەرىلەدى. ال وعان حالىقارالىق رينگتەرگە تىزەسى دىرىلدەمەي, جانارى تايسالماي  شى­عا الاتىن جانە حالىقارالىق رينگ­تىڭ «اۋا رايىنان» حابارى بار ءتا­جى­ريبەلى بوكسشىلار بارۋى كەرەك. سول ءۇشىن وسى جارىستا «ءبىرىنشى», «ەكىنشى» ورىن الدى دەپ ماراپاتتالعان بوكسشىلارمەن باسەكەلەسە الامىن دەگەندەردى سپاررينگكە شىعارىپ, شىن مىقتىنى انىقتاپ الۋ قاجەت. كىمنىڭ مىقتى ەكەنى سوندا عانا انىقتالادى. ەلىنىڭ ابىرويى ءۇشىن, سپورتشىسىنىڭ ار-نامىسى ءۇشىن ول سپاررينگكە تۋريزم جانە سپورت ءمينيسترى, بوكس فەدەراتسياسىنىڭ پرەزيدەنتى, وليمپيادالىق كوميتەتتىڭ توراعاسى سياقتى لاۋازىمدى باس­شى­لار مەن بىلىكتى باپكەرلەر قا­تى­سىپ, كىمنىڭ كىم ەكەنىن كورۋى   مىندەت دەپ بىلەمىز. P.S بوكستان اۋەسقويلار اراسىندا ەل چەمپيوناتى اياقتالعان كەزدە كاسىپقوي بوكسشىلاردىڭ «استانا ارلاندارى» كومانداسىنىڭ ماكاودا قىتايلىق «بەيجىڭ ايداھارلارى» كومانداسىنان باسىم تۇسكەنى تۋرالى حابار كەلىپ جەتتى. بۇل كەزدەسۋدەگى ەسەپ 4:1 بولىپ باقىت سارسەكباەۆ باستاعان بىلعارى قولعاپ شەبەرلەرىمىزدىڭ پايداسىنا شەشىلدى. قىتاي بوكسشىلارىمەن بولعان كەزدەسۋدە مەرەي اقشالوۆ قانا جيمين ۆانگتان ەسە جىبەرىپ الدى. ال باسقالارى 54  كگ. سالماقتاعى قانات ءابۋتالىپوۆ, باقىت سارسەكباەۆ (73 كگ.), رامجون احمەتوۆ (85 كگ.) پەن 91 كگ-دەن جوعارى سالماقتا كۇش سىناسقان رۋسلان مىرساتاەۆ قارسىلاستارىنان باسىم ءتۇستى. داستان كەنجالين.