اتىراۋعا ريو وليمپياداسىنىڭ چەمپيونى, زىلتەمىرشى نيدجات راحيموۆ كەلدى. جازعى وليمپيا ويىندارىنىڭ العاشقى التىنىن ەل قورجىنىنا سالعان اقجولتاي سپورتشىنى اتىراۋلىقتار اۋەجايدان كۇتىپ الىپ, «جايىق» سپورت كەشەنىنە جەتكەنشە ۇلكەن قوشەمەت كورسەتتى.
«جايىق» سپورت كەشەنىندە الەم رەكوردىن جاڭارتىپ, وليمپيادا چەمپيونى اتانعان نيدجات راحيموۆكە, ونىڭ اكەسى مەن شەشەسىنە دە قۇرمەت كورسەتىلدى. اتىراۋ وبلىسىنىڭ اكىمى نۇرلان نوعاەۆ قازاقتىڭ داستۇرىمەن نيدجاتتىڭ اكەسىنە – شاپان, ال اناسى كامزول كيگىزدى. ال نيدجات راحيموۆكە استانا قالاسىنان ءۇش بولمەلى پاتەر سىيعا تارتىلدى.
سونىمەن بىرگە, ريو وليمپياداسىنىڭ قاتىسۋشىسى, تاەكۆوندوشى جانسەل دەنيزگە 2 ميلليون تەڭگەنىڭ سەرتيفيكاتى تاپسىرىلدى.
جولداسبەك شوپەعۇل
