ەلەكتروندى ساتىپ الۋلار ۇنەمدەۋگە جول اشتى

ەلىمىزدە مەملەكەتتىك جانە كوممەرتسيالىق سەكتور ءۇشىن ەلەكتروندى ساتىپ الۋلاردى جۇزەگە اسىراتىن تاعى ءبىر پورتال اشىلدى. ورتالىق كوممۋنيكاتسيالار قىزمەتىندە وتكەن بريفينگتە «MITWORK» كومپانياسىنىڭ وكىلدەرى پورتالدى جۋرناليستەر نازارىنا ۇسىندى. كومپانيا باس ديرەكتورىنىڭ ورىن­باسارى سالتانات قۇداباەۆانىڭ ايتۋىنشا, ەۋرازيالىق ەلەكتروندى پورتالدىڭ وپە­راتورى بولىپ تابىلاتىن «MITWORK» كوم­پانياسىنىڭ قۇرىلعانىنا كوپ ۋاقىت وتە قوي­ماعان. سوعان قاراماستان, سوڭعى بىرنەشە ايدا بىرقاتار مۇناي-گاز كومپانيالارىنىڭ, بانكتەردىڭ, حالىقارالىق ۇيىمدار مەن ۇلتتىق كومپانيالاردىڭ ساتىپ الۋلارعا قاتىستى باعدارلامالارىن جاساپتى. – سىزدەردىڭ نازارلارىڭىزعا ۇسىنىلىپ وتىرعان پورتال  بارلىق كومپانيالارعا ساتىپ الۋلار جۇمىسىندا بىردەي مۇمكىندىكتەر بەرەدى, قۇقىق بۇزۋشىلىقتاردى ازايتۋعا, قاعاز تۇرىندەگى قۇجات اينالىمىن ازايتۋعا, ساتىپ الۋ جۇمىستارىنا جۇمسالاتىن شىعىنداردى تومەندەتۋگە ىقپال ەتەدى, – دەيدى سالتانات قۇداباەۆا. بيىلعى جىلدىڭ 1 قىركۇيەگىندەگى كورسەتكىش بويىنشا, eep.mitwork.kz مەكەن-جايىنداعى پورتالدا جالپى سوماسى 50 ميلليارد تەڭگەدەن اساتىن  4500-دەن استام ساتىپ الۋ جۇمىسى جۇزەگە اسىرىلىپتى. وسى جۇمىستاردىڭ ارقاسىندا ساتىپ الۋعا قاتىسۋشىلار 15 ميلليارد تەڭگەگە جۋىق قاراجات ۇنەمدەگەن. نۇرحان اسقار