كەنشىلەرگە كەرەك مەكەمە

جەزقازعاندا مەديتسينالىق ورتالىق اشىلدى كەنشى كاسىبى استە وڭاي شارۋا ەمەس ارينە. تاۋ قوپارىپ, تاس جارۋ, شىڭىراۋعا ءتۇسىپ, كەن جىنىسىن قىرعا شىعارۋ وراسان كۇشتى قاجەت ەتەدى. سونىسىنا قاراي كەنشىلەردىڭ الەۋمەتتىك جاعىنان قورعالۋ ءما­سەلەسى كۇن تارتىبىنەن تۇسپەۋى ءتيىس. بۇل ورايدا «قازاقمىس كورپوراتسيا­سى» جشس كوپ ءىس تىندىرۋدا. جۋىردا جەزقازعاندا دارىگەر سەر­گەي ميحايلوۆيچ بۋبنوۆسكيدىڭ بىرەگەي ادىستەمەسى بويىنشا كينەزيتە­راپيا ورتالىعى سالتاناتتى تۇردە ەسىگىن كەلۋشىلەرگە ايقارا اشتى. ور­تالىقتى قۇرۋعا «قازاقمىس» كا­سىپ­­ورنى 82 ميلليون تەڭگە ءبولىپ, قا­جەتتى جابدىقتارمەن قامتاماسىز ەتتى. دارىگەرلەردى وقىتۋعا دا مۇ­رىندىق بولدى. جەزقازعان قالا­سىنداعى مەديتسينالىق ورتالىقتىڭ اۋماعىندا ورنالاسقان ەمدەۋ مە­كەمەسى ەندى كورپوراتسيانىڭ جۇ­مىسكەرلەرىن عانا ەمەس, سونداي-اق ءوڭىر تۇرعىندارىنا دا تولىققاندى قىزمەت كورسەتەدى. ورتالىقتا وستەوحوندروز, جارىق, ارتروز, ارتريت, سكوليوز جانە ومىرتقا اۋرۋلارى مەن بۋىنداردى بۋبنوۆسكيدىڭ اۆتورلىق ادىستەمەسىمەن ەمدەۋ مۇمكىندىگى تۋدى. بيىلعى جىلدىڭ سوڭىنا دەيىن 200-گە جۋىق شاحتەردى ەمدەۋ جوسپارلانىپ وتىر. مۇنداي ورتالىقتى ىسكە قوسۋ ارقىلى تىرەك-قيمىل سىرقاتتارىنان زارداپ شەگەتىن كومپانيانىڭ قىزمەتكەرلەرىن جانە ايماق حالقىن ساۋىقتىرۋعا جول اشىلىپ وتىر. وسى تاقىلەتتەس اۋرۋلاردان «قازاقمىس» قىزمەتكەرلەرىن ەمدەۋ بويىنشا ءىس-شارالار بەلسەندى جۇرگىزىلمەك. ناتيجەسىندە ناۋقاستانۋشىلار سانىن 30 پايىزعا دەيىن تومەندەتۋ كوزدەلۋدە. مەديتسينالىق ورتالىق يتا­ليالىق «PANATTA S.R.L.» جانە رەسەيدە جاسالعان بۋبنوۆسكيدىڭ كوپسالالى ترەناجەرلەرىمەن جاراق­تاندىرىلعان. ءتيىمدى ءارى ناتيجەلى جۇمىستار ىستەۋ ءۇشىن دارىگەرلەر مەن سپورت نۇسقاۋشىلارى ماسكەۋدە جانە قاراعاندىدا ورنالاسقان بۋبنوۆسكيدىڭ ورتالىقتارىندا تاعىلىمدامادان ءوتىپ, بىلىكتىلىكتەرىن ارتتىردى. ورتالىقتىڭ اشىلۋ راسىمىنە سەرگەي بۋبنوۆسكي كەلىپ قاتىستى. ول قازاقستاننىڭ ءتۇرلى قالالارىنان كەلگەن ارىپتەستەرىمەن بىرگە جەز­قازعاننىڭ تۇرعىندارىنا اشىق شەبەرلىك سىنىپتارىن وتكىزدى. ال سەرگەي ميحايلوۆيچ بۋبنوۆسكيگە كەلەتىن بولساق, ول ەسىمى كوپكە بەل­گىلى مەديتسينا عىلىمدارىنىڭ دوكتورى, پروفەسسور, ادام اعزاسىن ساۋىقتىرۋ جونىندەگى سانداعان كىتاپتاردىڭ اۆتورى. تاجىريبەلى دارىگەر ءدارى-دارمەكسىز جانە وپەراتسيا جاساماي-اق ناۋقاستاردى ەم­دەۋدىڭ تىڭ ءتاسىلىن ەنگىزدى. ەڭ­بەككە قابىلەتتىلىكتى قالىپقا كەل-ءتىرۋدىڭ جاڭا جۇيەسىن ۇسىندى. سون­داي جۇيەنىڭ ءبىرى – كينەزيتەراپيا ەمدىك دەنە تاربيەسىنىڭ اجىراماس باعىتىنا اينالىپ وتىر. بۇل ءادىس ارنايى ترەناجەرلىك جابدىقتا جۇرگىزىلەتىن جاتتىعۋلاردىڭ كۇر­­دەلى كەشەنىن ورىنداۋعا نە­گىزدەلگەن. اتالعان ترەناجەردىڭ ار­قاسىندا ومىرتقا دەرتتەرىن دەر كەزىندە ەمدەۋگە مۇمكىندىك تۋدى. ەمدەۋ تسيكلى مامانداردىڭ قاتاڭ باقىلاۋىمەن جۇرگىزىلەدى. ءاربىر ەمدەلۋشىگە ءادىس­تەمە ءتۇرى جەكە تاڭدالىپ الىنادى. مىنە, سودان دا بولار, ونىڭ تيىمدىلىگى دە جوعارى بولىپ وتىر. – جالپى جەزقازعان ءوڭىرى جانە مەديتسينالىق ورتالىق ءۇشىن – بۇل اۋقىمدى وقيعا. تىرەك-قيمىل اپپاراتىنا بايلانىستى بارلىق كۇردەلى اۋرۋلاردى ەمدەۋدىڭ جانە الدىن الۋدىڭ بىرەگەي مۇمكىندىگى تۋدى. ەندى وندىرىستە جاراقات العان شاحتەرلەر تەز ساۋىعىپ كەتۋگە ەم-دوم الىپ, قاتارعا قوسىلارى حاق. ءسويتىپ, كومپانيادا جۇمىس ءىس­تەۋدى جالعاستىرا بەرمەك, – دەيدى «قازاقمىس كورپوراتسياسى» جشس باسقارماسى توراعاسى باقتيار قى­­رىقپىشەۆ. – ءبىز الداعى كەزدە دە ەڭبەكتى قورعاۋ, ونەركاسىپتىك قاۋىپ­سىزدىك ماسەلەلەرىنە ءجىتى قاراپ, جۇ­مىسكەرلەردىڭ دەنساۋلىعىن ساقتاۋ مەن نىعايتۋدى جالعاستىرا بەرەمىز. ويتكەنى كەنشىلەر تاۋەكەلمەن جۇمىس ىستەيتىن توپقا جاتاتىندىعى بەلگىلى. سونداي-اق, كاسىبي اۋرۋلار سانىن ازايتىپ, جۇمىسكەرلەردىڭ ەڭبەككە قابىلەتتىلىگىن ۇزارتۋدى ۇدايى نازاردا ۇستايمىز. ءيا, سان مىڭداعان ادام ەڭبەك ەتەتىن الىپ كاسىپورىندا الەۋمەتتىڭ الەۋەتىن كوتەرۋگە ارنالعان يگى ىستەر اتقارىلۋ ۇستىندە. ونىڭ ناقتى كو­رىنىسى رەتىندە كەنشىلەر شاھارىندا اشىلعان زاماناۋي مەديتسينالىق ورتالىق كوپشىلىكتىڭ كوزايىمىنا اينالدى. مارات اققۇل, «ەگەمەن قازاقستان»