تاۋەلسىزدىكتىڭ 25 جىلدىعىنا 25 مەكتەپ

وڭتۇستىك قازاقستان وبلىسى ادام رەسۋرسىنا باي ايماق. جىل سايىن مەكتەپ تابالدىرىعىن 70 مىڭنان استام ءبۇلدىرشىن اتتايدى. وسىعان وراي مەملەكەت تاراپىنان جاڭا ءبىلىم وشاقتارىن سالۋعا ەرەكشە ءمان بەرىلەدى. بيىلعى جاڭا وقۋ جىلىندا وبلىستا ەلىمىزدىڭ تاۋەلسىزدىگىنىڭ 25 جىلدىعىنا وراي 25 جاڭا مەكتەپ پايدالانۋعا بەرىلدى. جىل سايىن جيىرمادان استام مەكتەپتەر پايدالانۋعا بەرىلسە دە ادامعا باي وڭتۇستىكتە ءۇش اۋىسىمدى مەكتەپتەر ءالى بار. سوندىقتان, 7 مەكتەپ ءۇش اۋىسىمدى مەكتەپتەردىڭ سانىن ازايتسا, 6 وقۋ ورنى ىڭعايلاستىرىلعان عيماراتتاردىڭ ورنىن اۋىستىردى. ال قالعان مەكتەپتەر وقۋ ورنى جوق اۋىلداردان اشىلدى. ەڭبەكتىڭ ەڭ ۇلكەنى – ءبىلىم. جاھاندانۋ بارىسىندا ءبىز ءبىلىم ساپاسىنا ەرەكشە كوڭىل ءبولۋىمىز كەرەك. سوندا عانا باسەكەگە قابىلەتتى ەل بولامىز. بيىل 73 مىڭنان اسا ءبىرىنشى سىنىپ وقۋشىلارى العاش رەت مەكتەپ تابالدىرىعىن اتتادى. بۇل وتكەن جىلمەن سالىستىرعاندا, ءتورت مىڭعا جۋىق بالاعا كوبەيگەن. «ىنتىماق» شاعىن اۋىلىنداعى جاڭا مەكتەپ 900 ورىندىق. ءۇش قاباتتى ءبىلىم وشاعىندا جيىرما توعىز وقۋ كابينەتى, لابوراتوريالىق ورتالىقتار مەن وقۋ, ءماجىلىس زالى جانە كىتاپحاناسى بار. بۇعان قوسا ايتارىمىز, جىل باسىنان بەرى وڭتۇستىك قازاقستاندا 67 ءبىلىم نىسانىنىڭ قۇرىلىسى جۇرگىزىلسە, بۇگىنگە دەيىن سونىڭ 34 مەكتەبى مەن 4 بالاباقشاسى ەل يگىلىگىنە بەرىلدى. باقتيار تايجان, «ەگەمەن قازاقستان» وڭتۇستىك قازاقستان وبلىسى