استانا مارافونى مارەگە جەتتى

استانادا جىل سايىن ءداستۇرلى تۇردە ۇيىمداستىرىلاتىن قايى­رىمدىلىق ماقساتتاعى ءىرى حالىق­ارالىق مارافون ءوتتى. وعان پرەمەر-مينيستر كارىم ءماسىموۆ, پرەزيدەنت اكىمشىلىگىنىڭ باسشىسى ادىلبەك جاقسىبەكوۆ, بىرقاتار ۇكىمەت مۇشە­لەرى, وتاندىق جانە حالىقارالىق كومپانيالاردىڭ وكىلدەرى, قازاق­ستاندا تىركەلگەن ەلشىلىكتەردىڭ قىز­مەتكەرلەرى, سونداي-اق, الىس جانە جاقىن 25 شەتەلدىڭ وكىلدەرى قاتىستى. مارا­فونعا قاتىسقانداردىڭ اراسىن­دا وليمپيادا چەمپيوندارى سەرىك ساپيەۆ پەن دانيار ەلەۋسىنوۆ, وليم­پيا ويىندارىنىڭ جۇلدەگەرلەرى بار. تاڭعى سەگىزدە باستالىپ, ءتۇس اۋا قورىتىندىسى شىعارىلعان جارىس بارىسىندا 10 شاقىرىمدىق قاشىقتىقتا ايەلدەر اراسىندا ءمولدىر مەكەنباەۆا ءبىرىنشى بولىپ مارە سىزىعىن قيىپ ءوتتى. ەرلەر اراسىندا ازامات سابىرجانوۆ جە­ڭىم­پاز اتاندى. 21,1 شاقىرىم قا­شىق­تىقتا ءبىرىنشى ورىن سامال يسا­باەۆاعا بۇيىرسا, ەرلەر اراسىندا اعزام ءارىپجانوۆتىڭ باعى جاندى. ال ەڭ ۇزاق – 42,2 شاقىرىم قاشىق­تىقتا اقمارال مەيىرمان مەن ايدىن قاسەن ءبىرىنشى ورىنداردى يەلەندى. «سپورتشى وتباسى» اتالىمىندا پاكىستاننان كەلگەن وتباسى جەڭىمپاز اتاندى. مارافون جەڭىمپازدارى مەن جۇلدەگەرلەرىنە «اديداس» فيرماسىنىڭ اتىنان ءتيىسىن­شە قارجىلاي سىياقى بەرىلدى. مارە سىزىعىنان وتكەننەن كەيىن قاتىسۋشىلار ريو وليمپياداسىنىڭ جەڭىم­­پازدارىمەن جانە جۇلدەگەر­لەرىمەن ەستەلىك سۋرەتكە ءتۇستى. سپورت شا­راسىنا قاتىسۋشىلار مەن ونى  تاما­شا­لاۋ­عا جيىلعان جۇرت­شىلىق الدىندا ءسوز العان پرەمەر-مينيستر كارىم ءماسىموۆ: – بارشاڭىزعا كوپ راحمەت! بۇگىنگى ماڭىزدى شارامەن سىزدەردى قۇتتىقتايمىن! – دەدى. استانا مارافونى قالادا 2009 جىلدان بەرى ءداستۇرلى تۇردە ۇيىم­داس­تىرىلىپ كەلەدى. قايىرىم­دىلىق ماق­ساتتا ءوتىپ جاتقان شارانىڭ اياسىندا 2009 جىلدان بەرگى ارالىقتا 24 ملن تەڭگە جينالىپ, ءتۇرلى قايى­رىم­­­­دىلىق ۇيىمدارعا قولداۋ جاسالىپتى. نۇرحان اسقار سۋرەتتى تۇسىرگەن ەرلان وماروۆ