كوشپەلىلەر كۇرەسىنىڭ كورىگى قىزدى

بۇدان بۇرىن حابارلا­عانى­مىزداي, 3 قىركۇيەك كۇنى كەشكە قىرعىزستاننىڭ ىستىقكول وبلىسىنىڭ ورتالىعى – چولپون-اتا شاھارىنىڭ يپپودرومىندا كوشپەلىلەردىڭ بۇكىلالەمدىك II ويىندارى سالتاناتتى جاعدايدا جالاۋ كوتەردى. ويىنداردىڭ اشىلۋ سالتاناتىندا قىرعىزستان پرەزيدەنتى المازبەك اتامباەۆ ءسوز الىپ, قاتىسۋشىلار مەن قوناقتاردى وسىناۋ وراسان زور وقيعامەن قۇتتىقتادى. ول ەلدىڭ ءبىر مەزگىلدە 62 مەملەكەتتىڭ 1 مىڭ ادامعا جۋىق سپورتشىدان تۇراتىن ۇلكەن دەلەگاتسياسىن قابىلداي الىپ وتىرعانىنا ماقتانىش سەزىمىن ءبىلدىردى. قىرعىز ەلىنىڭ باسشىسى سوڭىندا ويىنداردى اشىق دەپ جاريالادى. ارادا ءبىر كۇن وتكەننەن كەيىن تاياك تارتىش جارىسىنىڭ جەڭىمپازدارى مەن جۇلدەگەرلەرىنىڭ ەسىمدەرى بەلگىلى بولدى. ايەلدەر اراسىندا – 5, ەرلەر اراسىندا 7 سالماق دارەجەسى بويىنشا ءوتتى. بۇل ۇلەستە قازاقستان كومانداسى قورجىنىنا 1 كۇمىس, 2 قولا مەدال ءتۇستى. اتاپ ايتقاندا, بىزدەن 65 كگ سالماقتا سىنعا تۇسكەن ەلميرا ەزىيامي – ەكىنشى, 85 كيلودان اۋىر سالماقتا باعىن سىناعان سۋراي شاروپوۆا مەن 80 كگ سالماقتا كۇش بايقاسقان رومان گريگورەۆ ءۇشىنشى ورىندارعا تابان تىرەدى. كەلەسى كۇنى كوكپار مەن كۇرەس تۇرلەرىنەن جارىستار سورەدەن شىقتى. مۇندا ءبىرىنشى كۇنى قازاقستاندىق كوكپارشىلار قىتاي كومانداسىن 15:1 ەتىپ ويسىراتا ۇتتى. ال كەشە قازاقستان جانە قىر­عىزستان جاساقتارىنىڭ ءوز توپتارىندا بارلىق قارسىلاستارىن جەڭىپ, فينالعا شىققاندارى بەلگىلى بولدى. ويىنداردا قازاق كۇرەسى ءتۋرنيرى بارىنەن بۇرىن مارەگە جەتتى. وندا 5 سالماق دارەجەسىنىڭ 4-ىندە ءبىزدىڭ بالۋاندار ەشكىمگە دەس بەرمەدى. سونىڭ ىشىندە تالعات شەگەنوۆ (60 كگ), ادىلەت سەيىلحانوۆ (70 كگ), داۋلەت پاحريدەنوۆ (80 كگ) جانە سۇڭعات زاكارياەۆ (90 كگ) چەمپيون اتانسا, ەلامان ەرعاليەۆ (+90 كگ) كۇمىس مەدالدى قاناعات تۇتتى. قازىر ءبىرىنشى جارىس كۇنىنىڭ قورىتىندىسى بويىنشا 10 التىن, 2 كۇمىس جانە 1 قولا مەدال جيناعان رەسەي سپورتشىلارى كوماندالىق ەسەپتە ءبىرىنشى ورىندا كەلەدى. ەكىنشى ورىنعا 4 التىن, 2 كۇمىس جانە 2 قولا مەدال العان قازاقستان شىقتى. دامير قوجامقۇل