G-global-دىڭ دايىن ۇسىنىستارى بار

G-Global الاڭى قۇرىلعاننان بەرگى كەزەڭدە الەمنىڭ كوپتەگەن الدىڭعى قاتارلى ەكونوميستەرىنىڭ اراسىندا  ۇلكەن بەدەلگە يە بولعان­دىعى بەلگىلى. ونىڭ ىشىندە جاھاندىق ەكونوميكانىڭ قىر-سىرىن بىلەتىن نوبەل سىيلى­عىنىڭ لاۋرەاتتارى دا  جاقسى پىكىردە. ءبىز اتالعان الاڭنىڭ شىن مانىندە دە,  بۇكىل جاھاندىق ەكونوميكا جۇيەسىندە جانە ءارتۇرلى ەلدەردە  پايدا بولاتىن ەڭ وزەكتى دەگەن ەكونوميكالىق ماسەلەلەر تۋرالى  پىكىر الىساتىن جۇمىس الاڭىنا اينالعاندىعىن بىلەمىز. سول سەبەپتى دە ول بارلىق پىكىرلەردى جيناقتاپ, ناقتى ۇسىنىستارىمەن G20-عا  شىعۋعا  ءازىر وتىر دەپ ايتۋعا بولادى. بۇل ءوز كەزەگىندە  دامۋشى ەلدەر بار, ەكونوميكالىق قۋاتتى ەلدەر بار, جالپى بارلىق ەلدەر ءۇشىن    تاۋەكەلدىلىكتى تومەندەتىپ, ۇكىمەت باسشىلارىنا ءوز قيمىلدارىن ۇيلەستىرۋگە  جان-جاقتى مۇمكىندىك بەرەدى. وسى جەردە  كىم وسىنىڭ بارلىعىن ۇيلەستىرىپ وتىرادى دەگەن زاڭدى ساۋال تۋىندايدى. الەمدىك ەكونوميكانىڭ 70 پا­يىزىنا يەلىك ەتۋشى ەلدەر مە, الدە بۇل جەر شارى حالقىنىڭ بارلىعىنا قاتىستى ما؟  ءبىز دامۋشى ەلدەردىڭ بار ەكەندىگىنەن دە,  اسىرەسە, الەمدىك ەكونوميكالىق داعدارىس جاعدايىندا ەكونوميكالىق جاع­دايى كۇردەلى  ەلدەر بار ەكەندىگىنەن دە جاقسى حاباردارمىز.  وسى تۇرعىدان كەلگەندە, ارينە, ءبىزدىڭ مەملەكەت باسشىسىنىڭ ۇسىنىپ وتىرعانى –  ءاربىر ەل كورپەنى وزىنە قاراي تارتپاي, ياعني  ءوز ەكونوميكاسىنا قاراي بۇرا تارتپاسى ءۇشىن ءبىرتۇتاس قۇرىلىم قۇرۋ كەرەك ەكەندىگى ايدان انىق.  شىنىندا دا, بۇل  بارلىعى ءۇشىن ورتاق شەشىم قابىلداۋعا ۇيىتقى بولار ەدى.  بۇل  قارجىلىق نارىقتى رەتتەۋگە دە, وپەك ەلدەرى ءوزارا كەلىسىمگە كەلە الماي وتىرعان مۇناي پروبلەماسىن شەشۋگە دە قاتىستى. باسقا دا تابيعي رەسۋرستارعا جانە باسقا دا سالالارعا تىكەلەي  قاتىستى. ءبىز قازىرگى كەزدە ەكونوميكانىڭ جاھاندانۋىنا كەلىپ تىرەلىپ وتىرمىز, جاھاندانۋ جايلاعالى قاي زامان. ءاربىر ەلدە ونىڭ جاڭعىرىعى ەستىلەدى.  سول سەبەپتى, الەم ەلدەرىنىڭ ەكونوميكاسى ءۇشىن  اتالعان ۇدەرىستەرگە ءوزىنىڭ پايدالى قايتارىمى ارقىلى ىقپال ەتەتىن ورگان ەلباسى نۇرسۇلتان نازارباەۆ ۇسىنعان ورگان بولماقشى. ال اتالعان ۇدەرىستەرگە مىندەتتى تۇردە ىقپال ەتۋ كەرەك. سەرىك بەكتۇرعانوۆ, پارلامەنت سەناتىنىڭ دەپۋتاتى