جۇرەكجاردى تىلەكتەرىن ارنايدى

ەلباسى نۇرسۇلتان نازارباەۆتىڭ اتىنا ەلىمىزدىڭ تۇكپىر-تۇكپىرىنەن جۇرەكجاردى تىلەكتەرىن ارناپ, مەرزىمىنەن بۇرىن سايلاۋ وتكىزۋ جونىندەگى شەشىمىنە قولداۋ بىلدىرگەن حاتتار مەن جەدەلحاتتار اعىلىپ كەلۋدە, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. الماتى قالاسىنان ۇندەۋ-حات جولداعان جاستار قوعامدىق ۇي­ىم­دارىنىڭ ءبىر توپ جەتەكشىلەرى مەن جوعارى وقۋ ورىن­دا­رىنىڭ ستۋدەنتتەرى: «جاستىق ىنتاسىن, جىگەرى مەن كۇش-قاي­راتىن قازاق­ستاننىڭ كەلەشەك دامۋىنا ارنا­عىسى كەلەتىن الماتى قالاسىنىڭ جاستارى اتى­نان ءسىزدىڭ سايلاۋعا باي­لا­نىستى شەشىمدەرىڭىزدى شىن جۇرەكتەن قولدايتىنىمىزدى ءبىل­دىرە وتىرىپ, ارقاشاندا سىزبەن بىرگە ەكەنىمىزدى جەتكىزگىمىز كەلەدى», – دەپ جازادى. ۇندەۋگە «زاڭ­عار» شىعارماشىلىق ءبىر­لە­س­تى­گى­نىڭ توراعاسى ا.قى­رىق­باي, «قا­لامگەر ازامات» جاس تىلشىلەر قوعامدىق قورىنىڭ ات­قا­رۋشى ديرەكتورى ە.جاقىپباي, قازاق­ستان جاستار وداعىنىڭ توراعاسى ءا.تۇردىعۇلوۆ جانە باسقالار قول قويعان. سونداي-اق, «اسىل انا» ايەلدەر بىرلەستىگى اتىنان جەدەلحات جولداعان استانا تۇر­عىنى تەڭدىك سارسەكەەۆا مەن اتىراۋ وڭىرىنەن حات جازعان ج.جۇكەسوۆا پرەزيدەنتكە تو­لاي­ىم تابىستار تىلەيدى. حات جولداۋشىلاردىڭ ىشىندە شەت ەلدەردە تۇراتىن قان­داس­تا­رى­مىز دا بار. وزبەكستان رەس­پۋب­لي­كاسىنىڭ تاشكەنت وب­لى­سى­نان وردابەك انداحانوۆ بى­لاي دەپ جازادى: «سىزگە جامبىل جا­باەۆ­تىڭ جاسىنداي ۇزاق عۇمىر جانە مىقتى دەنساۋلىق تىلەيمىن». قاراعاندى وبلىسىنان حات جازعان ءبىر توپ سپورتشى ەل­باسىن قازاقستاندىق سپورت­شى­لار­دىڭ 7-ءشى قىسقى ازيا ويىندارىنداعى جارقىن جەڭى­سى­مەن قۇتتىقتايدى.