باعا بەلگىلەۋ باقىلاۋسىز بولماۋى ءتيىس

كەشە پرەمەر-مينيستر كارىم ءماسىموۆ وبلىستاردىڭ, استانا جانە الماتى قالالارىنىڭ اكىمدەرىمەن سەلەكتورلىق كەڭەس وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى. كەڭەسكە قاتىسۋشىلار ەل ءوڭىر­لەرىنىڭ ازىق-ت ۇلىك جانە جە­مىس-كوكونىس رىنوكتارىنداعى اعىم­داعى احۋالدى, سول سياقتى ازىق-ت ۇلىك قاۋىپسىزدىگىن قامتاماسىز ەتۋ ماسەلەلەرى جونىنەن قىسقا مەرزىمدى جانە ورتا مەرزىمدى شارالار قابىلداۋ ماسەلەلەرىن تال­قىلادى. وندا ەكونوميكالىق دامۋ جانە ساۋدا ءمينيسترى جانار ايتجانوۆا, اۋىل شارۋاشىلىعى ءمينيسترى اقىلبەك كۇرىشباەۆ, باسەكەلەستىكتى قورعاۋ اگەنتتىگىنىڭ توراعاسى ءماجيت ەسەنباەۆ, ستاتيستيكا اگەنتتىگىنىڭ توراعاسى ءاليحان سمايىلوۆ, سول سياقتى جەرگىلىكتى اتقارۋ ورگاندارى مەن الەۋمەتتىك-كاسىپكەرلىك كورپوراتسيالار باس­شى­لارى بايانداما جاسادى. تالقىلاۋ قورىتىندىسى بوي­ىنشا ك.ءماسىموۆ وبلىستاردىڭ, استانا جانە الماتى قالالارى­نىڭ اكىمدەرىنە ازىق-ت ۇلىك تاۋار­لارى رىنوكتارىنداعى باعا بەلگىلەۋگە باقىلاۋدى كۇشەيتۋدى تاپ­سىردى. ورتالىق اتقارۋ ورگان­دارىنا كەدەن وداعى شەڭبەرىندە قول جەتكىزىلگەن ۋاعدالاستىقتار مەن اعىمداعى احۋالدى ەسكەرە وتىرىپ, ىشكى رىنوكتى ازىق-ت ۇلىك تاۋارلارىمەن مولىقتىرۋ جانە باعانى تۇراقتاندىرۋ جونىنەن كە­شەندى دە جۇيەلى ءىس-شارالار ءازىر­لەۋدى اياقتاۋ جۇكتەلدى. پرەمەر-مينيستر الەۋمەتتىك ماڭىز­دى تاۋارلارعا باعا بەلگىلەۋدى جەتىلدىرۋ ماسەلەسىنە, اگروونەركاسىپ كەشەنىنە مەملەكەتتىك قولداۋ كور­سەتۋ ناتيجەلەرىن ارتتىرۋعا, ازاماتتاردىڭ جەكەلەگەن توپ­تا­رى­نا اتاۋلى كومەك كورسەتۋگە, سول سياقتى تاريف بەلگىلەۋ مەن سۋبسيديالاۋ ماسەلەلەرىندە ورتالىق جانە جەرگىلىكتى اتقارۋ ورگان­دا­رى­نىڭ ءوزارا ءىس-قيمىلدارىن كۇ­شەي­تۋگە نازار اۋدارۋ قاجەتتىگىن اتاپ كورسەتتى. اكىمدىكتەرگە ونىمدەر باعا­لارى­نىڭ قىمباتتاۋىنا جانە بازارلار مەن ساۋدا ۇيلەرى باسشى­لارىنىڭ ساۋدا ورىندارى ءۇشىن ارەندالىق اقىنى نەگىزسىز كوتەرۋى سالدارىنان ىسكەرلىك بەلسەندىلىك­تىڭ تومەندەۋىنە جول بەرمەۋ ءجو­نىنەن شارالار قا­بىلداۋ مىندەتتەلدى. قۇقىق قور­عاۋ جانە باقى­لاۋ ورگاندارىنا ازىق-ت ۇلىك تاۋار­­لارىن ءوندى­رە­تىن ءىرى ديلەر­لەردىڭ, سونداي-اق الەۋمەتتىك ما­ڭىزدى تاعام ءونىم­دەرىن ساتاتىن دەلدالداردىڭ ساۋدا قىزمەتىنە با­قىلاۋدى كۇشەيتۋ جونىندە تاپ­سىرما بەرىلدى.